1
Nu mejuva otjingero Petrusa na Johanesa va ire ko ndemberi mo ire o itja muviu, ndjiri o ire jo ngumbiro.
2
Nu omurumendu uorive, ngua remanene okuza mo tjikuatero tja ina, uari a a tjindua okujenda ko muvero uo ndemberi mbu isaneua o Muua.Nu vemu tuambo ejuva ne juva kutja a ningire o vio tjari ku imba mbu ja ve hiti mo ndemberi.
3
Neje tja muna Petrusa na Johanesa averi po ku hita mo ndemberi, eje otja ningira o vio tjari kuvo.
4
Nu Petrusa, ua huiririka omeho mu je, puena Johanesa, na tja, ''Tara mu ete.''
5
Neje ua tara kuvo, ama undju oku jakura otjina tjimue mu vo.
6
Nunguari Petrusa ua tja, ''O silveri no goldo hina tji mbi na tjo, nunguari itji tji mbi na tjo me tji jandja kove. Mena ra Jesu Kristu ua Nasareta, kaende.''
7
Neje ue mu kambura neke ro kunene, Petrusa ne mu jere, nu tjimanga ozombaze ze no vingombue via jakura o masa mo zombaze ze, .
8
Neje ua tukira kombanda, na kaenda ; na hiti puena Petrusa na Johanesa mo ndemberi, ama kaenda, no ku tuka, no ku tanga Mukuru.
9
No vandu avehe ve mu muine ama kaenda nama tanga Mukuru.
10
Novo ve mu zemburuka kutja omurumendu ingui ngu ja haamene o vio tjari po muvero o Muua uo ndemberi; novo arire tji va himisiua no ku temisiua mena ra itji tji tja tjitua ku je tjinene.
11
Nu ngunda a a tiza ku Petrusa na Johanesa, ovandu avehe otji va utuka nave uongarere puvo, mo rupoko ndu isaneua o rua Solomona, ava himua tjinene.
12
Nu Petrusa tja muna itji, ua zirire ovandu amatja, ''Onguae ene varumendu va Israel tji mua himisiua I itji? Onguae tji mua huiririke omeho uenu mu ete, tjimuna ouete mbutua tjiti kutja eje a kaende no m poo o ujapuke uetu?''
13
Mukuru ua Abraham, na Isaka na Jakova, Mukuru uo o tate, Ua jerisa Omukarere Ue Jesu. Ee ngui ngu mua jandja, amu ripatana Je po murungu ua Pilatus, tja tiere o ku Mu kutura.
14
Nunguari ene mue ripatana Ingui o Mujapuke no Musemba, na mu ri pahere o muzepe kutja a jandjeue ku ene.
15
Nene mua zepa ingui o Muute uo Muinjo, ingui Mukuru ngua pendura mo vakoke- ete ouete ozohatoi za itji.
16
Nu mongamburiro jo mena Re, Ena Re ra ungura omurumendu ingui, ngu mamu munu nu ngu mu tjiua ua, omunamasa. Nu motjimbe tjo ngamburiro ndjiri mu Jesu, jemupe omberukiro ndji ripo murungu uenu ndji.
17
Nu nambano, vakuetu, me tjiua kutja mua tjita nai mena ro ku hina ndjiviro, tjimuna imba ovanane venu uina tji va tjita.
18
Nunguari ovina imbi Mukuru mbia raisire ko murungu no tjinjo tjo vaprofete Ve avehe, kutja Kristu Ue uaso ku hihamisiua, Eje ua jenenisa mo muano mbui.
19
Nambano riverereje ko ndanaukiro, nu mu tanaurue, kutja omauvi uenu je zemisiue, kutja otuveze tuo ma peparisiro matu raukire mu ene okuza mo uripo ua Muhona;
20
No kutja Eje a hinde Jesu Kristu ngua zuvarisirue ku ene ko murungu uo ruveze.
21
Nu Eje omajuru ongu ja so ku jakura ngatji o majaruriropo uo vina avihe, Inga Mukuru nga hungirire okuza ko mbutiro jo uje no tjinjo tjo va profete Ve o vajapuke.
22
Orondu Mose tjiri ua tjere, ''Muhona Mukuru uenu Me mu pendurire o muprofete nguri otja ami, mokati kenu. Ene mua soku Mu zuva mo vina avihe mbi ma hungire ku ene.
23
Nu mapeje ku kara nai kutja omundu auhe ngu hina oku puratena o muprofete ngo, meje ku njonua mokati ko vandu.'
24
Ii, nu uina o vaprofete avehe okuza ku Samuel na imba mbe ja kombunda je, avehe va hungirire, mo muano otjingeuo va serekarera o majuva inga komeho.
25
Ouene o vanatje vo vaprofete, novo merikutiropamue Mukuru nga ungurire, kuena oovakuru venu, amatja ku Abraham, 'Nu mondui joje o mihoko avihe vio uje mavi serua ondaja.'
26
Nu Mukuru tjaza no ku pendura o mukarere Ue, Ue mu hinda ku ene rutenga, kutja e mu sera ondaja noku tanaura auhe uenu oku mu pora ko maurunde ue.''