¹ Ja̧'hua̧'ja̧ttö̧ u̧mättö̧ ttirecuamucu̧mä ä̧rä̧mi̧ö̧ pä̧i̧cu̧nä̧ huopinä̧tö̧ rä̧cuä̧rö̧ ttacuärucuä Judiorö. ² Ju̧ä̧nȩ ya̧cu̧nä ko̧cuȩttö̧ttömä päinä̧tö: "Tti̧tti̧mu u̧mättö'inä ja̧'anä nä̧tu̧cu̧mä recuätöjä.Ja̧'hua̧ ja̧'ttö jȩru̧huä̧ o̧du̧mä tucua iyätucuitö ä̧cua̧rö̧ tö̧ja̧." ³ Korotö'inä ko̧cu̧ pä'inättö̧: " Ujutumä töätta ku̧nä̧cuä̧nä̧tä̧ ta̧'cua̧ roecuätöjä, ja̧'hua̧'a̧nö ja̧'a̧ttö̧ ppäi pänämä tojusodenä jȩru̧huä̧ tu̧ju̧nä̧rä̧cua̧'anö̧. ⁴ Korotö'inä päinätö̧: "Ujutumä pärätä pärocuinä̧tö̧jä̧ ru̧hua̧rö̧ timita'päö tiättiyu micuä̧ mä. ⁵ Jitämä ji̧nä̧ ujutu tidepä'inä tucuoja'inämä yoretecua'a ti̧jä̧cua̧tö̧ jö̧ta̧'a̧nö̧ ja̧'hua̧ ja̧'ttö̧ ujutu ti̧tti̧mumä yoretecua'a ucutu cui̧tti̧mu jö̧ta̧'anö̧tä̧. Ujutumä juiyó huettau̧jä̧ ti̧tti̧murö u̧mätö̧rö̧'inä nä̧tö̧'inä iyö ticua päötä töäre adicuä ttö̧ja̧tä̧ ttö̧ja̧ päö. Ujututtö ya̧cu̧nä̧ tittijumä täcö adicuä isajutä huaju.Ja̧'hua̧'anö ja̧'anä ujutumä ppätädö juiyönä̧ huottöjä, jitamä korotötä huetta'atö ujutu tiättiyunä̧mä̧." ⁶ TTömä pä̧i̧cu̧nä̧ huopunö ttucuocua'a chä̧ju̧cuo̧menä̧ juiyö chami surächiäcusä. ⁷ Ja̧'hua̧'anö ja̧'a̧ttö̧ ttömä amucuädösä pi̧yȩ pädapäö jahuätö tturuhuo uhuo ku̧nä̧rä̧tö̧rö̧mä. Pi̧yȩ päinösä̧ jahuätörömä: "Ucutumä micuä jä̧ȩ̈pä̧rä̧tö̧jä̧ abonä̧nö ttiyätucuacu päö ya̧cu̧nä̧rö̧ cuamonä huijä̧cua̧rö̧. "ja̧hua̧nö ja̧'a̧ttö̧ jȩpu̧sä̧ jinä̧ yo̧mȩtȩ pä̧i'ö ttucuocuatö päö jahuätörö. ⁸ Jahuätörö päinösä̧: " Ujutumä, huottöjä huo̧jȩcu̧nä̧tä̧, ttö̧jä̧cua̧tö̧ judios pinä̧tö̧rö̧tä̧ mitö ppa̧'a̧dä̧ttö̧jä̧ huȩhuȩttä̧u̧ru̧, ko̧rotö tti̧rȩji̧yä̧rä̧'a̧ iyö tti̧cui̧nä̧u̧ru̧, ja̧'hua̧ta̧'anö ucutumä micuänä iyö icuinätö̧jä̧ cui̧jä̧cua̧tö̧rö̧ u̧mä̧tö̧rö̧'inä nä̧tö̧rö̧'inä pä'äjita'anö ujuturu ppa̧'a̧dö̧ mitö tȩmiya̧ttu̧cua̧cu̧ päö!" Jahuätömä 'coruchi'inätö koro pättapäömä tä'cö juijinä̧tö̧. ⁹ Pa̧'a̧nö'i̧nä päinösä̧: " Ucutu jȩ̈cuä̧tu̧cu̧mä adicuoca'a .¿ Ttö̧ä̧nä̧hua̧ Diosrö yettecuoca'a cua̧rö̧nä̧ ko̧cuttö̧jä̧ tä̧jï̧ ko̧ro̧jä̧nä ko̧cuä̧ttö̧ ujutu tabo iyotö yä̧ttä̧cua̧cha̧'a̧nämä? ¹⁰ Ttö'inä ja'hua̧ta'anö chi̧jä̧cua̧ttö̧'inä chumuhuäyotö'inämä pärocuätöjä pärätä ja̧hua̧ta'anö jȩru̧cuä̧'inä jahuätörömä. Ja̧'hua̧'a̧nö jo̧mȩ'nämä täcö ttö̧jä̧mä̧dä̧'a̧nö ja̧'a̧ micuä jä̧ȩpä̧rö̧mä tiärocuinöji̧nömä. ¹¹ Ppa̧'a̧dï̧ jitä mo̧ro̧tä̧ ttiättiyu'inä ttu̧cuä̧ uva pätta'inä ä̧dȩ̈ adicuä pätta'inä ja̧'hua̧ta'anö 'toju odehuiyä'inä ja̧'hua̧jö̧ta'anö pärätättö kä̧ȩ̈cuä̧'inä jȩ̈rü̧cuä̧'inä vino soya jareö'inä ja̧'hua̧ta'anö ä̧dȩ̈ oya ucututä jä̧cuȩ̈pä̧rï̧nä̧tu̧cu̧ jahuättörö." ¹² Ja̧u̧nö o'ca'a jahuättö päinättö: ."Ppa̧tä̧dä̧cuo̧ttö̧jä̧ jahuätörö 'chotipinöjinömä täcö juhua'a yabocumä jahuätörömä jä̧tȩ̈pä̧rï̧yä̧cuo̧ttö̧jä̧. Jȩ̈tä̧cuo̧tö̧jä̧ ucu päcu'anötä̧." Ja̧hua̧ ja̧'a̧ttö̧ huopusä jȩ̈pu̧sä̧ sacerdotes huotörö jȩ̈tä̧cuo̧tö̧jä̧ pättäji iso päiönä̧ jȩ̈ttä̧cua̧'nö. ¹³ Ttömä chö'ca̧ta̧cua̧ta̧ ȩ̈juä̧bi̧'inä ri'ri päcuähuö päinösä̧: " Dios'inä riripu'icu ojusodettömä u̧micu̧tä̧ ttöäre ttu̧ju̧nä̧rö̧ o'cajuiyönä päjäji jȩ̈po̧cö̧rö̧mä. Ja̧u̧mä juiyönä riripu icuäcua̧tä̧ päiäcua̧. O'catoinä ju̧cuä̧nȩ pä̧jä̧ttö̧mä päinä̧ttö̧: " Ja̧hua̧'a̧nötä̧ ja̧'a̧cua̧", ja̧hua̧ja̧ttö jahuätömä esehuinä̧ttö TÖ̧Ä̧NÄ̧HUA̧RÖ .Jahuättö ttö̧ja̧mä pättajita'anö jȩ̈pi̧nä̧tö̧. ¹⁴ Ji̧yȩ̈nö pänä̧ ji̧nö̧ Judá rȩ̈jȩ̈ttö̧ cu̧ru̧hua̧tu̧cu̧ päiönä chöji̧nö̧ ji̧nömä ji̧na'a̧ veinte a̧ȩ̈ttö̧ kä̧bä̧dö̧ trintidos ä̧ȩ̈ jobu kä'ädö Artajerjes uhuo ru̧hua̧ ö̧ji̧nö, doce a̧ȩ jo̧mȩnä ttö'inä chi̧jä̧cua̧ttö̧'i̧nämä huocottö pinättö̧jä̧ ru̧hua̧ iyö juäittömä. ¹⁵ Ja̧'hua̧'ja̧'a̧nö täbo'cö ttö chä'canä ruhuotö ko̧cui̧nä̧tö̧mä, ttö̧ja̧rö̧ ämä'cönä jȩ̈pä̧chi̧nä̧tö̧ ja̧'hua̧ta'anö pärätä'inä 'choipächinä̧tö̧ cuarentanö o̧bi̧ jo̧menä yaute mo̧ro̧ ttucuome ju'to ja̧'hua̧ta'anö vino isoya'inä. Ja̧hua̧ta̧'anötä̧ ttumucuäyotö'inä suronä̧ta̧ cuä'cuäpu jȩpinä̧tö̧ ttö̧ja̧rö̧mä. Ja̧'hua̧'a̧nö ja̧'a̧nä ttömä ja̧'hua̧'anömä jȩpo̧'cö pinösä̧ Diosro ye'ecu. ¹⁶ Ttötä juhua'a yabocu aditinösä̧ 'toecuäbämä, ja̧hua̧'nö ja̧ttö̧ rȩ̈jȩ̈mä mitäcuocotö pinä̧ttö̧jä̧. Ja̧'hua̧'ja̧'a̧ttö̧ ttö chumucuäyotö o'catoinä̧cu̧ ji̧nä̧ yo̧mȩtȩ päiötä ju̧cuä̧nȩ aditinä̧tö̧jä̧. ¹⁷ Ttö chiäre mesanämä ko̧cunä̧tö̧ judios huotö'inä ja̧hua̧ta̧'anö ruhuo aditätö'inä., ciento cincuentanö huotö jo̧mȩnä, jitö ichäcuähuotöttö ujutucu ttö̧ja̧ päö tippeyänä jo̧mȩ. ¹⁸ Jitä aditinä̧tö̧ mo̧ro̧ jöta̧'a̧nömä päcäyärö, ji̧mu̧tȩttö̧ yautenö ovejatö̧rö̧ ȩmu̧ ku̧nu̧ ja̧'hua̧ta̧'a̧nö ppi̧yu̧ru̧'i̧nä ja̧'a̧nä to̧mu̧rȩ jö̧ mo̧ro̧mä vino isoya jö̧mä o'cajuiyönä̧ta̧ rö̧ä̧ö̧nä̧. Ja̧hua̧ ja̧'attö̧ ttömä pi̧yȩ o'cajuiyönä̧mä ttu̧cuä̧mä jä̧ȩ̈pä̧ro̧'cö̧ pinösä̧ ru̧hua̧rö̧mä, jä̧ȩ̈pä̧rä̧cuä̧mä juiyó ämä̧cönä ji̧na'a̧ ttö̧ja̧rö̧mä. ¹⁹ Dios chamucuädönämä adiutä 'cachitö pitö ttö̧ja̧rö̧ o'catoinärö jȩ̈chä̧ji̧mä.