¹ Ja̧'hua̧nö̧ ja̧'a̧ Sanbalat'inä, Tobías'inä Árabe Gesem'inä ja̧'hua̧ta̧'a̧nö̧ korotö ttaboiyotö'inä ötahuiyä ttoecuäbä ppa̧'a̧di̧pö̧ yo̧mȩtȩ'i̧nä̧ huäose jö̧nä̧ ki̧'ö̧ juiyönä taditäja'amä ä̧ju̧cui̧nä̧tö̧, ji̧nä̧ äpatemä chu̧mju̧no̧ca̧'a̧ jä̧ja̧'a̧nä̧. ² Sanbalat'inä Gesem'inämä pa̧'a̧nö̧ pä'ö jittähuiyatö pä'ö hue'inä̧tö̧: "Ichätucui, jinä yo̧mȩtȩ mȩje'ca Ononä totäcuähuätucua." Ja̧'hua̧nö̧ pättömä surojuottepattö pä'ö pättinä̧cu̧sä̧. ³ Ttömä huȩnȩ ȩcuä̧ ttö̧ja̧rö̧ hue'inö̧sä̧ jahuätörö pa̧'a̧nö̧ pä'önö: Ttömä rö̧ä̧ö̧ adicuä aditösä chi̧mȩyȩhua̧ pä'ömä juiya'a. ¿Tta̧'a̧nö̧ pä'ö ttadita'anämä cä'ädi'ö ucutu cu̧jä̧tu̧cua̧'a̧cu̧mä̧ chi̧mȩyȩhua̧ päcuätucua'attö̧? ⁴ Jahuätömä ä'coji tti̧huȩnȩ jä̧ji̧tä̧ pa̧ja̧cuä̧nö̧ jo̧mȩ huettinä̧cu̧sä̧, huettö'a̧cuä̧mä̧ ji̧yȩtä̧tä̧ ppa̧'a̧dä̧rö̧ chädätinä̧u̧. ⁵ Sanbalatmä umöhuäya̧rö̧ hue'inö chu̧jo̧mȩcu̧ huȩyu̧cuojä mö̧ȩcuo̧ca̧'a̧tä̧ 'chu̧huä̧rä̧nö̧ ichönä jimöte jähuä jomenä päi'önä. ⁶ Juhuojänämä huȩyu̧cui̧na̧'a̧: Ttö̧ja̧rö̧mä̧ o'catoi'önä̧rö̧ jiäcuähui'äja'a, ja̧'hua̧ta̧'a̧nö̧ Gesemä pä'ö, ucumä ja̧'hua̧ta̧'a̧nö̧ judioscumä amöcuädö ku̧nä̧ji̧jä̧ curohuähua pä'ötä ja̧'hua̧nö̧ ja̧'a̧ttö̧ ötahuiyä ttoecuäbämä aditöjä. Pi̧yȩ jittähuäjinämä pä'ö, Ucumä jahuätö ttu̧ru̧hua̧ cuä̧cua̧jä̧ jö̧nä̧. ⁷ Ja̧'hua̧ta̧'a̧nö̧ ucumä profetarö ucu Jerusalénä cutö'cu jiähuacu pä'ö hueinäcu̧jä̧, pa̧'a̧nö̧ pä'ö: ! ¡Ucuhue Judá ru̧hua̧! Ucu jicuäumä isopäi'önätä ru̧hua̧mä̧ ä̧ju̧cuä̧cua̧sä̧ päcunä ja̧'a̧, ja̧'hua̧nö̧ ja̧'a̧nä̧ yotucu pönärö̧ tucuocua hue'itö. ⁸ Ja̧'hua̧nö̧ ja̧'a̧ ttömä chi̧huȩnȩ hue'ömäpä'inösä: Yoröiso ucu päcu'änömä jo̧ca̧'a̧ jä̧ja̧'a̧, ucutä cuamönä pa̧ja̧tö̧ a̧mö̧cuädäji'ca̧ päcuäji ja̧'a̧." ⁹ Isopäi'önä o'catoi'önä̧tä̧ yetecui'önä jȩtta̧ pä'ö amöcuädäjätö: Jahuätö ttaditömä cättädi'aja pä'ötä ja̧'hua̧nö̧mä̧ jo̧ca̧'a̧ jä̧cua̧'a̧." Ja̧'hua̧nö̧ ja̧'a̧nä̧ jitämä Chö̧ä̧nä̧hua̧ Dios chujurutä iyittö. ¹⁰ Ttömä Mehetabel i̧tti̧ Delaía i̧tti̧ Semaías ojusodera̧'a̧ i̧u̧ i̧huä̧ji̧sä̧ kara'acumä i̧'chu̧ juiyönä ojusodenätä̧ ö̧'a̧ pättäcurö. Ja̧u̧mä̧ pä'äji: Dios ojusodenä ttö̧ca̧ca̧cui̧'a̧, juhuode jacuätä, pȩjä̧mö̧mä̧ juhuode äpatemä mö̧tȩpä̧cuo̧tö̧jä̧, juhua'amä ucuru cuä'ö icu tticha'attö. Ucuru cuä'ö icumä yodotä ttichäcuotö. ¹¹ Ttömä ädätäjisä: "¿Ttö ttö̧ja̧sa̧mä̧ tocu jȩpö̧tä̧ tudipächa'anö̧ttö̧? Ttö jö̧'a̧nö̧ hua̧mä̧ ¿Dios ö̧jo̧de jacuä dodächö'anö ja̧'a̧ tä̧ji̧ chö̧ji̧pa̧ pä'ömä? Ttömä do'ächocö chä̧cua̧sä̧. ¹² Chierahupunä̧tä̧ jä̧cu̧sä̧ Ja̧u̧mä̧ Dios 'a̧nö̧nö̧mä̧ yo̧ca'a̧ttö̧ hueäjäcurö'inä jä̧u̧mä̧ ttöcumä toijucutä ucuocuinä̧a̧ttö̧. Tobias'ina ja̧hua̧ta̧nö̧ Sanbalat'inä Jahuätu aditinä̧tö̧ttö̧mä̧. ¹³ Ja̧huätumä po̧cui̧pä̧jä̧tö̧ ttö yediyatö pä'ö̧; ttömä ja̧u̧ päöta̧a̧nö̧tä̧ jȩchiya̧rö̧ jahuätumä jahuätu jo̧ta̧'a̧nö̧tä̧ jarodäcuähuänä̧tä̧ Ja̧hua̧nö̧ ja̧hua̧nö̧ ja̧'a̧ ja̧rȩyu̧nö̧ päiö ucuotänäinä ¹⁴ Tobias'inä ja̧hua̧ta̧nö̧ Sanbalat'inä Jahuätö ttamöcuädöttö̧i̧nä̧ iyitö̧ , ttö chu̧ruhua̧ Dios, jahuätö O'cajuiyunä jȩttäji̧mä̧ Noadias amöcuädöttö'inä ucuocujä ja̧hua̧nö̧ ja̧'a̧ koroturö'inä jiäcuähuä ttö̧jarö inä yettecunä jȩpä̧'chätu̧rö̧ ¹⁵ Ja̧'hua̧nö̧ ja̧'a̧ ötahuiyä ttoecuäbämä mo̧ro̧mä̧ veinte cinconä kä̧hua̧tä̧ Elulnä, cincuenta dosnö mo̧ro̧ o'ca'a. ¹⁶ O'catoi'önä taboiyotö pi̧yȩ ttä̧ju̧cuä̧ji̧ o'ca'amä, o'catoi'önä tippeyänä ka̧cuä̧tö̧mä̧ ye'ecui'äjätö, jahuätömä tta̧mö̧nä̧ pa̧ja̧tö̧tä̧ kä'äu icuäjätö ttucuomä. isopäi'önä ja̧u̧ adicuämä Dios ppäda'anä aditäjätö pä'ö ttu̧huo̧jua̧'a̧ttö̧. ¹⁷ Jitä cuaopö pänämä amöcuädö jȩpä̧tö Juda cuyäru Ojiyä huȩyu̧tu huȩyu̧tu hueähuättöinä röä̧nätä̧ hueätö Tobiasrö Ja̧huättäö'inä röänätä̧ hueätö Toviasrö. Ja̧hua̧ta̧nö̧ Tobias ihueyu̧ta̧ i̧huȩnȩ'ina Jahuäturö rebȩhui̧nä̧tö̧ ¹⁸ Judanämä röä̧n'ä̧tä̧ ka̧cui̧nä̧tö̧ Jahuatumä kinätö iso Jo̧nä pä̧'ä'chö pättö'inä micuäunä̧ ; Jaumä Secanias Ojo̧ri Ji̧na̧'a̧ Ara i̧tti̧. Jau i̧tti̧mä Johanan irecuarö'inä ȩmi̧nö̧ Mesulam i̧tti̧jurö Berequias i̧tti̧ Ji̧na̧'a̧ ¹⁹ Jahuätumä Ucuocuinä̧tö̧ Ji̧na̧'a̧ adiuna i̧jȩcuä̧chö̧nä̧ adicuättö'inä Jahuanö Ja̧'a̧ Jiähuinätö ttö chihuȩnȩttö̧'i̧nä̧ Ja̧u̧rö Tardias ucuocu ihuȩyu̧ti̧nö̧ttö̧'i̧nä̧ huecä'chö icuinä̧tö ye'epeä'chö jȩä̧cuä̧ttö̧tä.