¹ Jitä Sanbalat ttoecuäbi aditätujä päö ttihuirähua ä̧ju̧cuo̧mȩnä̧, Judios ttö̧ja̧rö̧ ya̧a̧hua̧'chi̧nö̧ i̧nä̧ ra̧huä̧rö̧ i̧nä̧ jȩpi̧nö̧ yutä jacuättö korojue jinö a̧nö rä̧nȩcuachattö. ² Samaria sörodo̧ö̧ tti̧ja̧cuo̧mȩttö̧ i̧nä̧ ja̧hua̧ta̧nö̧ yutä i̧jä̧hua̧tö̧ ttia'camettö, päinö̧: ¿Judios ttö̧ja̧ ttöjuru juiätömä däje jȩtta̧ttö̧? ¿yitutä ötahuiyä ttäräbeanö̧ huotö tä̧ji̧? ¿kuicö iyu jȩtta̧nö̧ huotu tä̧ji̧? ¿yaate mo̧ro̧tä̧ cättädanö̧ huotu tä̧ji̧ ttaitähuä? ¿ kuitticuinömȩnä̧ surojujoächinö̧ inähuiyä pääjitanö adiujoächunä jȩtta̧no̧ huotu täji̧? ³ ja̧hua̧ta̧nö̧ Tobias amonita ttöja̧ isa̧ ja̧u̧tä̧ ippeyänä känö̧ päinö: "juätö ttaitomȩ yajutetä ahuari isaju kajachöttö i̧nä̧, inähuättö ttoecuäbi ttaitäjäjäbi pparuachanö ja̧a̧ ⁴ ä̧ju̧cui̧,Tö̧ä̧nä̧hua̧ Dios,micuäpocotu a̧'cua̧rö̧nä̧ jȩtta̧u̧jä̧.jitorötä ppa̧'a̧di̧ ya̧ttä̧huȩ'ä̧chumä̧ , ja̧'hua̧ta̧nö̧ tta̧mo̧nä̧ hue'äö ttö̧jo̧mȩttö̧ ttaboiyotö näu̧cö̧ tticuatö pä'ö iyicuitö. ⁵ 5ucutä cui'ä'cattömä suronä jȩttö̧mä̧ cuä̧tto̧pä̧rä̧tö̧ cöjö'cocö jähuä jȩttö̧'i̧nä̧ cunuchi'ätö,juatömä aditätörö ttami surächi'önä jȩpi̧nä̧tö̧. ⁶ ja̧'hua̧nö̧ ja̧'a̧ttö ttoecuäbämä 'tö̧'inä̧ti̧jä̧ ,Ja̧hua̧ta̧nö̧ ju'tojucuttumä kkä'co jubö tö̧ä̧hua̧ ki̧na̧'a̧ jattäjiyatä juamä ttö̧ja̧ to̧ppo̧ri̧jö̧nä̧ adicuä ttöjö'cattö ji̧na̧'a̧ ⁷ Ja̧hua̧nö̧ ja̧'a̧nä Sabalat'inä, Tobía'inä, Arabe ttö̧ja̧'inä, Amon ttö̧ja̧'i̧nä̧ ja̧hua̧ta̧'a̧nö̧ Adodes ttö̧ja̧'i̧nä̧ Jerusalén ötahuiyä ttoecuome ppa̧'a̧nö̧ adicuämä ya'acutä cha̧'a̧ pä'ö'i̧nä̧ ja̧hua̧ta̧'a̧nö̧ pparöhuächinome ji̧no̧mȩmä̧ täcö chi̧ȩcuȩcha̧ pä'ö, ttä̧ji̧cuo̧mȩnä̧, rö̧ä̧nä̧tä̧ ttamisörä̧chi̧i̧nä̧u̧ jahuätumä. ⁸ O'catoinä ji̧nä̧ yo̧mȩtȩ pä'inätö̧ jahuatörö suronä jȩtta̧'a̧ pä'ö amöcuädinätö̧ ja̧hua̧nö̧ ja̧'a̧ttö̧ Jerusalén ötahuiyä ttöjarö rohuäu ichinätö̧ ja̧hua̧ta̧'a̧nö̧ jahuätörö re'tetö tticua'a pä'ö. ⁹ Ja̧hua̧nö̧ ja̧'a̧nä̧ ujutumä Tö̧ä̧nä̧hua̧rö̧ jä'epö'inä ya̧tȩrö̧ ku̧ni̧nä̧tö̧jä̧ yo̧do̧'i̧nä̧ mo̧ro̧'i̧nä̧ tta̧hua̧ra̧'a̧tö̧ pä'ö jacuätö micuä jȩtta̧ pättomettö̧. ¹⁰ Ja̧hua̧nö̧ o'comenä Judá ttö̧ja̧mä pä'inätö̧: "Ämöcö ȩpä̧tö̧ ttöjurömä jiyöcuächia. Ttaditomenä ka̧cui̧pö̧ jäcuä rö̧ä̧nä̧ ka̧'a̧ ja̧hua̧ta̧'a̧nö̧ ttoecuäpi ppa̧'a̧nö̧ 'tö̧ti̧ya̧nö̧ huptöjä ujutumä". ¹¹ Ja̧hua̧ta̧'a̧nö̧ ujutu tabo'iyotömä pä'ötö: "Jahuätömä jerupö'inä ttieröhuäcuotö, ja̧hua̧ta̧'a̧nö̧ tottiyäcuotöjä chä̧hui̧ö̧ cuä'ö ticuome jubö, ja̧hua̧nö̧tä̧ ttaditähuä cä'ätönä jȩtä̧cuo̧tö̧jä̧. ¹² Ja̧u̧nu̧ pänämä Judio ttö̧ja̧ jahuätöttö töcönänö ka̧cui̧nä̧tö̧mä̧ ichinätö koromettö̧ ju̧nä̧ ja̧hua̧ta̧'a̧nö̧ ujutucu'inä to̧mu̧rȩ jo̧mȩnä̧ huotö ucuocuinätö̧, pa̧'a̧nö̧ ju̧nä̧ amöcuädö ku̧nä̧tö̧ ucuturumä pä'ö jiäcuinätö̧. ¹³ Ja̧hua̧nö̧ ja̧'a̧ttö̧ uttömä ku̧ni̧nö̧sä̧ ttoecuome dȩa̧ päteö ttö̧ja̧rö̧, ja̧hua̧ta̧'a̧nö̧ juȩnȩ abonä'inä. Ku̧ni̧nö̧sä̧ ttöcuro odiyäcu'inä, ttöcuopö opö'inä ja̧hua̧ta̧'a̧nö̧ ttöötacuotäcu'inä ya̧cu̧nä̧ ttahuaröhuäcu. ¹⁴ Ja̧hua̧nö̧ ja̧'a̧ topinösä, ä̧rä̧mi̧i̧nö̧sä̧ ja̧hua̧nö̧ jȩpö̧ ru̧hua̧cu̧ töcönä esecu ka̧cuä̧tö̧rö̧ pä'inösä, hueähuä ttö̧ja̧rö̧'i̧nä̧ ja̧hua̧ta̧'nö̧ utahuiyä ttö̧ja̧rö̧'i̧nä̧: "Yecuecuätucuätu". Cuamöcuädätöcunä Tu̧ru̧hua̧rö̧tä̧ amucuädätucui, juiyo ucuo hua̧rö̧, amöcuädö pä'äcuä'inä jui̧'a̧rö̧. Töcönä cuahuäruhuäru'inä, cui̧tti̧mö̧ u̧mä̧tö̧rö̧'i̧nä̧, nä̧tö̧rö̧'i̧nä̧, cuirecuamötö̧cu̧ruö̧'i̧nä̧ ja̧hua̧ta̧'a̧nö̧ cuojuisode amöcuädö rohuähuätucui. ¹⁵ taboyotu ttamocuädäji jä̧jä̧ji̧ ujuturu i̧jȩcuä̧cha̧ja̧ päu ttä̧ju̧cuomenä̧ ja̧hua̧ta̧nö̧ Dios i̧nä̧ ttamocuädäji ja̧ja̧ji̧ kara joepomenä̧, ppa̧a̧chinä̧tujä̧ o'catoinä̧ ttoecuäbira̧ ya̧cupunä̧ taitähuära̧tä̧. ¹⁶ ttoecuäbira̧ta̧ aditinä̧tö̧ ja̧u̧nö̧ pä̧nä̧ chumöäyotu jo'totumä, korotu jo'totumä̧ dacuodä 'chuä̧ri̧nä̧tö̧, ttoecuäbi i̧nä̧, 'poähuobö i̧nä̧ ja̧hua̧ta̧nö̧ curä rohuäu 'ca̧tä̧cuä̧hua̧ kö̧nä̧ri̧nä̧tö̧, o'catoinä̧ ruhuo hueätömä̧ Judá̧ ttö̧ja̧ ttaboja ttö̧ja̧cua̧nä̧. ¹⁷ ja̧'hua̧nö̧ ja̧'a̧mä̧ adicuasotu jitötätä ttoecuäbä aditätötä,ja̧hua̧ta̧nö̧ ämäcö ȩpä̧chö̧ kä̧nö̧nä̧ tti̧ja̧cuo̧mȩpönä tta̧'a̧ri̧na̧tö̧.o'catoinätä ttö̧mö̧ ji̧mö̧tȩnä̧tä̧ aditinätö,ja̧hua̧ta̧nö̧ ko̧ro̧mu̧na̧ma̧ ttöcöräcuähuä 'chö̧'ä̧ri̧nä̧tö̧. ¹⁸ o'catoinä 'ti̧ä̧huä̧sa̧mä̧ ippeyänämä ucurodätä cue'ädinö,ja̧hua̧ta̧nö̧ trompeta ppuähuäsa̧mä̧ chippeyämetä ki̧nö̧ ¹⁹ Ru̧hua̧cu̧ töcönä esecu ka̧cuä̧tu̧rö̧'inä, su̧ra̧da̧u̧ ttöröhuotörö'inä ja̧hua̧ta̧'a̧nö̧ utahuiyä ttö̧ja̧rö̧'i̧nä̧ pä'inösä: "Adicuä rö̧'ö̧'i̧nä̧ rö̧'a̧, otonänö'inä ja̧'a̧ ja̧hua̧ta̧'a̧nö̧ ttoecuäpittömä ka̧ra̧ttö̧mä̧ otonänö jö̧nä̧ ka̧cuä̧tö̧jä̧. ²⁰ Trompeta rä̧mi̧pa̧'a̧ cuä̧ju̧cuä̧tö̧cuo̧mȩcu̧ jurunänö cui̧'chi̧'ä̧tö̧cua̧ pä'ö ja̧'a̧ ja̧hua̧nö̧ jö̧nä̧ ji̧nä̧ yo̧mȩtȩ pätiätucua'a pä'ö. Tu̧ru̧hua̧ Diostä ujuturu ja̧'a̧tȩö̧ urohuä̧hua̧cua̧. ²¹ Ja̧hua̧nö̧ jö̧nä̧tä̧ jȩpö̧ aditö ka̧cuä̧jä̧tu̧jä̧. Ujututtö jö'totömä curä'chö 'chu̧'ä̧ri̧nä̧tö̧jä̧ pä'i mo̧ro̧ jo̧mȩttö̧ kä̧mä̧dö̧ si̧ri̧'co̧tö̧ rättome jubö. ²² Ja̧hua̧ta̧'a̧nö̧ pä'inösä utahuiyä ttö̧ja̧rö̧: "Hueätucui ya̧cu̧nä̧ u̧mä̧tö̧ttö̧'i̧nä̧ ja̧hua̧ta̧'nö̧ huettö jȩä̧cuä̧ ttö̧ja̧ttö̧'i̧nä̧ Jerusalén utahuiyä jacuä yodo to'ächö ttö̧ja̧, ja̧hua̧nö̧tä̧ jȩpö̧ yodo tta̧huä̧rä̧cuä̧huä̧ ttö̧ja̧ jö̧nä̧ttö̧ja̧ ja̧hua̧ta̧'a̧nö̧ mo̧ro̧mä̧ 'töä̧huä̧ jö̧nä̧ ttö̧ja̧cua̧cua̧nö̧. ²³ Ja̧hua̧nö̧ ja̧'a̧ttö̧ ttö'inä, chö̧ja̧hua̧tö̧'i̧nä̧, chöbu'otö'inä, huetö jȩä̧cuä̧huä̧ ttö̧ja̧'i̧nä̧, su̧ro̧da̧u̧ ujutucutä ka̧cuä̧tu̧'i̧nä̧, ya̧'a̧tȩ'i̧nä̧ ö̧ä̧rȩta̧ ko̧ro̧ta̧mä̧ pärohuäcuähuocotö päjätöjä̧, ya̧cu̧nä̧tä̧ ujututtömä u̧ru̧huä̧huä̧cuä̧tä̧ chö̧ä̧rä̧ji̧, ajiya tȩma̧ ja̧'a̧ pä'ö jö̧ttö̧'i̧nä̧.