¹ Ji̧yȩnömä Ja̧'hu̧a̧a̧nö̧ Jȩto̧mȩnä̧ tti̧rȩjä̧ tti̧yä̧'cha pä'ö ya̧cu̧närö jȩta̧ pä̧'ö ja̧'a̧ Ttittörömpätecuächa pä'ö ä̧co̧mȩnä̧ Ji̧nä̧ yotöte huotörö , pojopö Toö̧ju̧nöa̧nö rȩjȩ a̧u̧cu̧nä docenö̧ kilometro jo̧mȩnä̧ Ja'huata'anö a̧u̧co̧mȩ ö'atomä̧ di̧ȩznö jo̧mȩ käcuoräcu ö'cähuemä̧ Jua'amä̧ Tö̧ä̧Nä̧HUA̧ Diosrö iyähuäcu'a. Juȩne rȩjȩ o'cajuinä̧ to̧mȩtä̧ jä̧cua̧'a̧. ² Ju'orömä̧ pajopo cunähuä̧cu̧'a Dios ö̧jode adicu'omȩ docientos cincuentanö jö̧nä̧ käcuoräcu, ö'oto ja'huata'nö̧ ö̧'cähue'inä̧ , Toecuächunä mȩji̧ya̧cua jäyänä̧ veinticinconö̧ ju̧nä̧ käcuoräcumä̧ ³ Ja'hu̧a̧ta̧'a̧nö pojopu cö̧nä̧huä̧cuä̧'a TöA̧NA̧HUA̧ DIOS i̧rȩjȩ pa̧ja̧tö̧i̧nä̧ ö̧'oto docenö̧ kilometros jo̧mȩ Ja̧'hua'a̧nö̧ Ja̧'a̧nä̧ juto jo̧mȩmä Docenö̧ jö̧nä̧ kä̧cuoräcumä , Jua'amä̧ Jä̧cua̧'a̧ Suroju̧ juiyomȩ Ro̧mȩ: Juȩnȩtä̧ Jä̧cua̧'a̧ Dios ö̧jo̧demä̧ ⁴ Juȩnȩ rȩjȩ Ju'to Jo̧mȩmä̧ jä̧cua̧'a Tö̧ä̧Nä̧HUA̧ DIOS DIOSTöi̧nä̧ ttö̧ja̧tö̧i̧nä̧ kä'co päteö adicuä ttöjarö iyähuäcua'a Juenemä TöäNäHUA Adihuä isa öjode Ja'huata'anö̧ Ja̧'a̧ttö̧ ttöcupächätö̧ Ja̧u̧cu̧ aditö tiya pä'ö. Juȩnȩ Jäcua̧'a̧ Tojusodemä̧, Juenȩmä̧ ucuto Rome surojö Jui̧a̧ öjo̧mȩ Ja̧'hua̧'a̧nö̧ pä'ö pajocome

⁵ Ja'hua̧'a̧nö̧ Ja̧'a̧ttö̧ , Käcua̧'a̧ rȩjȩ coromȩ docenö̧ kilometros ju̧nä̧ ö'otomä̧ ju'tomä jäcua̧'a̧ cinconö käcoräcumä̧, pojopu cu̧nä̧huomȩ levitas ttiaromȩ a̧'cuarönä̧ Juȩnȩ adittättö. Adicu'ättö̧ja̧ adihuä i̧sa̧ ö̧jo̧mȩ, ttöjua̧ nä̧ra̧ pä'ö odehuiyä kä̧cuä̧hua̧mȩ ⁶ Ucumä yȩnȩtȩ huȩhuä̧hua̧jä̧ ötahuiyä ja̧'a̧tȩ, tu̧'ca̧ri̧ttö̧mä̧ cinco milnö jo̧mȩ öcähuemä ja̧hua̧ta̧'a̧nö̧ veinticinco milnö öotome, suroju jui̧yä̧jä̧ ja̧'a̧tȩu̧ jȩttä̧cuo̧mȩcu̧ u̧mi̧cu̧nä̧ jȩpö̧ ku̧nä̧huä̧cua̧; po ötahuiyämä Israel ttö̧ja̧rö̧ pä̧tȩtö̧ ku̧nä̧huä̧cua̧. ⁷ Ru̧hua̧ i̧tti̧ i̧rȩjä̧mä̧ kä̧cua̧'a̧ suroju jui̧yä̧jä̧'i̧nä̧ ja̧hua̧ta̧'a̧nö̧ ötahuiyä ja̧'a̧tä̧ i̧mi̧cu̧nä̧ cä̧'ȩpu̧ ku̧nä̧huä̧jä̧ jäyäcu. Kä̧hua̧ räopacuttö'inä ja̧hua̧ta̧'a̧nö̧ ka̧hua̧ mo̧ä̧ya̧'a̧cu̧'i̧nä̧. Pa̧ja̧huo̧mȩmä̧ yaute pa̧hua̧huo̧mȩ ja̧cua̧'a̧, ka̧hua̧ raopomettömä ka̧hua̧ mo̧a̧cha̧'a̧cu̧. ⁸ Pi̧jä̧ rȩjȩmä̧ Israel ru̧hua̧ i̧tti̧ i̧rȩjä̧ ja̧cua̧'a̧. Ru̧hua̧ i̧tti̧ ttö huetäcumä täcö chidepiyu ttö̧ja̧ ttusurähuönämä jȩi̧chä̧cua̧; ja̧u̧ jo̧ca̧'a̧, jahuätömä rȩjȩ ttiyäcuotö Israel ttö̧ja̧rö̧, jahuätötä ttahuäröhuärö. ⁹ TÖ̧Ä̧NÄ̧HUA̧ Diosmä pa̧'a̧nö̧ pä'ö: "¡Täcö juayabomäcu̧, Israel ru̧hua̧ i̧tti̧! ¡Suroju'inä ja̧hua̧ta̧'a̧nö̧ curä jȩcuä̧''chö̧'i̧nä̧ cä'ätö ku̧ni̧; jueönä ro̧ȩcuä̧'i̧nä̧ ja̧hua̧ta̧'a̧nö̧ jueö huȩnȩ 'chä̧cuä̧huä̧tä̧ jȩpi̧! ¡Chidepiyö ttö̧ja̧rö̧ rä'epu cuicuä! pi̧yȩ ja̧'a̧ TÖ̧Ä̧NÄ̧HUA̧ Dios pä'ö huȩnȩmä̧. ¹⁰ ¡Ucutumä jueö pa̧ja̧ta̧'a̧ttö̧ cu̧ju̧na̧ra̧tö̧cua̧ pä'ö ja̧'a̧, isäcä'inä pä̧tȩtä̧cättö ku̧ju̧nä̧rä̧tö̧cua̧ pä'ö ja̧'a̧, ja̧hua̧ta̧'a̧nö̧ i̧so̧'ta̧'i̧nä̧ pa̧tȩta̧'a̧ttö̧ ku̧ju̧nä̧rä̧tu̧cua̧'a̧ pä'ö ja̧'a̧! ¹¹ Isäcämä korojue jo'icu ttö̧'a̧ta̧ pä'ö, i̧so̧'ta̧mä̧ isoya ttö̧'a̧ta̧ pä'ö, i̧so̧'ta̧mä̧ ja̧hua̧nö̧ ja̧'a̧ttö̧mä̧ omerttö̧ dieznö jo̧mȩ cä̧ȩcuo̧mȩ jo̧'ta̧'a̧; isäcämä omerttö dieznö jo̧mȩ cä̧'ȩcuo̧mȩ pä'ome jäcä. ¹² Siclomä veinte geras jo̧mȩ jä̧cua̧'a̧; sesentanö siclosmä yaute mina jȩttä̧cuo̧tö̧ ucuturu ja̧'a̧tȩu̧. ¹³ Pi̧yȩ jä̧cua̧ huiyätucua pä'ö jä̧cuä̧mä̧: Ya̧mö̧ i̧sa̧ppȩ jicäte omer jo̧mȩ pa̧ja̧cuo̧mȩttö̧mä̧ ji̧mö̧tȩ yaute jo̧mȩ 'cä̧ȩpu̧, ja̧hua̧ta̧'a̧nö̧ cebada jicäte omer jo̧mȩ pa̧ja̧cuo̧mȩttö̧mä̧ ji̧mö̧tȩ yaute jo̧mȩ 'cä̧ȩpu̧ cuiya pä'ö jä̧hua̧. ¹⁴ Aceite iyäcuättömä coronä cärähuomettö̧mä̧ dieznö jo̧mȩ ä̧tȩcuo̧mȩ cä̧'ȩpö̧ jä̧cua̧'a̧ (dieznö oba'a), ja̧hua̧ta̧'a̧nö̧ yauten omer'inä adihua, yaute omermä dieznö obatä ja̧'a̧. ¹⁵ Israel ttä̧ji̧mu̧rö̧ ttajomettö ttä̧ji̧mö̧ oveja jö̧tö̧'i̧nä̧, cabrajö̧ttö̧'i̧nä̧ docientonö huotöttömä̧ ya̧tȩrö̧ kuicu jȩä̧cuä̧ jȩtta̧'a̧ pä'ö'inä, ttö̧ja̧ suronä jȩttä̧ji̧ttö̧ huȩnȩ juiyönä ttö̧ja̧ pä'ö jȩtta̧ pä'ö jä̧cua̧'a̧, pi̧yȩ ja̧'a̧ TÖ̧Ä̧NÄ̧HUA̧ Dios päö huȩnȩmä̧. ¹⁶ O'catoinä pi̧jä̧ ttö̧ja̧mä̧ pi̧yȩ juei ttiya'a pä'ö jä̧cua̧'a̧ Israelttö ru̧hua̧ i̧tti̧rö̧mä̧. ¹⁷ Ru̧hua̧ i̧tti̧ aditäcuä jä̧cua̧'a̧ isotö kuicuä iyächuä jȩttä̧huo̧tö̧rö̧ i̧yä̧chä̧cua̧mä̧, jȩru̧huä̧ iyähuä'inä, ja̧hua̧ta̧'a̧nö̧ pä'cärittö auhuähuä iyähuä'inä ja̧hua̧ta̧'a̧nö̧ ja̧rȩpa̧ kä̧hua̧ räopa'a ja̧'a̧tȩ eseu jȩä̧cuä̧'i̧nä̧, ja̧hua̧ta̧'a̧nö̧ cuä'ächiu pä̧mä̧dä̧cuä̧huä̧ mo̧ro̧'i̧nä̧, o'ca juiyönä pä'cäri jȩtta̧'a̧ pä'ö Israel ttö̧ja̧rö̧ hueähui'inö jȩtto̧mȩnä̧mä̧. Ja̧u̧mä̧ i̧yä̧cua̧ suronä jȩttö̧ micuä iyähuä'inä, jȩru̧huä̧ iyähuä'inä, kuicu iyäcuä'inä ja̧hua̧ta̧'a̧nö̧ Israel ttö̧ja̧ eseu ttö̧ja̧cua̧ pä'ö iyö jȩä̧cuä̧'i̧nä̧. ¹⁸ Pa̧'a̧nö̧ pä'ö TÖ̧Ä̧NÄ̧HUA̧ Diosmä: Ka̧cua̧ttö̧ ä̧cuo̧mȩnä̧ mo̧ro̧mä̧, päcäyä pa̧cua̧nö̧ a̧'ȩ hua̧ttö̧ ji̧yȩtȩ suroju'inä jui̧'a̧rö̧ ȩmo̧po̧u̧ suroju jȩtti̧nö̧ micuä cuiäre iyäcuä jȩcuä̧cua̧jä̧ suroju juiyode ja̧'a̧tä̧. ¹⁹ Diosttö'inä ttö̧ja̧ttö̧'i̧nä̧ kä'co päteö adicuä ttö̧ja̧mä̧ suroju jȩttö̧ micuä ttöcuoja iyäcuomettö̧ yaute jo̧mȩ ä̧tȩcuo̧mȩ ȩmö̧ ttötäcuotö isode apate i̧sä̧juä̧nä'inä ja̧hu̧ta̧'a̧nö̧ kuicu iyähuome pa̧ja̧cuä̧nö̧ jäyänä'inä, ja̧hua̧ta̧'a̧nö̧ isode jacuosärä apate i̧sa̧nä̧na̧'i̧nä̧. ²⁰ Pi̧yȩmä̧ jȩcuä̧hua̧jä̧ ya̧cu̧nä̧ suronä jȩtta̧'a̧ pättocanä'inä jarodö jȩttȩyu̧'inä ja̧'a̧tȩu̧ kä̧hua̧ttö̧mä̧ sietenö mo̧ro̧ päiomenä; pa̧'a̧nö̧ jȩpö̧tä̧ siupu cui̧cuä̧cua̧jä̧ Dios ö̧jo̧dettömä. ²¹ Ä̧cuo̧mȩnä̧ ka̧hua̧nä̧, ka̧hua̧ttö̧ cartocenö mo̧ro̧ jo̧mȩnä̧, yaute pä'cäri siestenö mo̧ro̧ jo̧mȩnä̧ adiu jȩpö̧ eseu jȩcuä̧cuo̧tö̧jä̧. Panppä̧ ppö̧ä̧mö̧ jui̧yä̧ppä̧ cucuäcuotöjä. ²² Ja̧u̧nu̧ mo̧ro̧mä̧, ru̧hua̧ i̧tti̧mä̧ yurutä ja̧'a̧tä̧'i̧nä̧ ja̧hua̧ta̧'a̧nö̧ ötahuiyä ttö̧ja̧rö̧ ja̧'a̧tä̧'i̧nä̧ jo̧mȩ jȩpu̧ ö̧ju̧nä̧cua̧ ya̧tȩ päcäyä pa̧ja̧cuä̧nö̧ a̧'ȩ hua̧rö̧, suroju jȩttö̧ iyäcuä jö̧nä̧. ²³ Sietenö mo̧ro̧ pä'cäri jö̧ mo̧ro̧mä̧, ru̧hua̧ i̧tti̧mä̧ TÖ̧Ä̧NÄ̧HUA̧RÖ̧ kuicu iyähuome jo̧mȩnö̧ jȩpu̧ ö̧ju̧nä̧cua̧: Sietenö mo̧ro̧ jo̧mȩnä̧ sietenö päcäyö̧ ppo̧'a̧tö̧ttö̧'i̧nä̧, ja̧hua̧ta̧'a̧nö̧ sietenö ovejatö̧ po̧'ä̧tö̧ suroju jui'ätöttö'i̧nä̧, ja̧hua̧ta̧'a̧nö̧ mo̧ro̧ttö̧mä̧ ya̧tȩ cabra ubottö'inä suronä jȩttö̧ micuä iyäcuä jö̧nä̧. ²⁴ Ja̧hua̧nö̧ ja̧'a̧ttö̧ ru̧hua̧ i̧tti̧mä̧ päcäyä i̧tti̧' ya̧tȩttö̧'i̧nä̧ ja̧hua̧ta̧'nö̧ ya̧tȩ oveja i̧tti̧cu̧'i̧nä̧ yaute hin ä̧tȩcuo̧mȩ aceitettö efa ä̧tȩcuo̧mȩttö̧mä̧ jȩru̧huä̧ jicäte iya'a pä'ö pä̧cua̧. ²⁵ Ka̧hua̧ttö̧ sietenö jo̧mȩ 15nö̧ mo̧ro̧ päiomenä, pä'cärittömä, ru̧hua̧ i̧tti̧mä̧ pi̧yȩ sietenö mo̧ro̧ jo̧mȩnä̧mä̧ öäre iyähuä i̧yä̧cua̧: suronä jȩttö̧ micuä iyäcuä'inä, kuicu iyähuä'inä, jȩru̧huä̧ iyähuä'inä, ja̧hua̧ta̧'a̧nö̧ aceite iyähuä'inä.