¹ Ja̧hua̧nö̧ ja̧'a̧mä̧ ttö̧ja̧'i̧sa̧mä̧ pä'äjita'anö suroju jui̧yo̧ca̧ttö̧ kä̧hua̧ räopacu päteö apate u̧mi̧cu̧ i'cächinäcu̧sä̧; pä̧i̧cu̧nä̧ chi̧ȩcua̧'a̧ ji̧na̧'a̧. ² TÖ̧Ä̧NÄ̧HUA̧MÄ̧ Diosmä pä'inäcu̧sä̧: "Pi̧yȩ apatemä isoppa'inä toächö juiyönä chi̧ȩcua̧ ja̧'a̧; ja̧hua̧ta̧'a̧nö̧ paecuämä juiyäcua. Ya̧tȩ'i̧nä̧ toächi̧yä̧cua̧ juatenämä, jaumä Israel TÖ̧Ä̧NÄ̧HUA̧ Diosmä, jua'atenä to'ächa'a ja̧'a̧ttö̧, ja̧hua̧nö̧ ja̧'a̧ttö̧ isoppa'inä rä'opö juiyönä chi̧cui̧na̧'a̧. ³ Israelttö ru̧hua̧mä̧ juȩnȩ ö̧'ä̧mä̧nä̧hua̧ TÖ̧Ä̧NÄ̧HUA̧CU̧ ucua'a pä'ö. Ja̧u̧mä̧ toächä̧cua̧ pórtico apatenä ja̧hua̧ta̧'a̧nö̧tä̧ rä̧o̧pä̧cua̧ jatenätä̧". ⁴ Ja̧u̧nu̧ o'canämä ja̧u̧mä̧ isodettö ka̧hua̧ u̧huo̧ja̧cu̧ apate ka̧'a̧cu̧ i'cächinäcu̧sä̧. Ja̧hua̧nö̧ ja̧'a̧ tochomenämä juȩnȩmä̧ ki̧na̧'a̧, TÖ̧Ä̧NÄ̧HUA̧ ojuisode suädiönä TÖ̧Ä̧NÄ̧HUA̧ uruhuo ucuohuome, ja̧hua̧nö̧ ja̧'a̧mä̧ chiäcu mo̧ä̧mi̧nu̧sä̧. ⁵ Ja̧hua̧nö̧ ja̧'a̧mä̧ TÖ̧Ä̧NÄ̧HUA̧ päinäcu̧sä̧: "Ttö̧ja̧'i̧sa̧ i̧tti̧, adiunä amöcuä ku̧nu̧ cuiärenä topö cua̧ja̧nä̧ ä̧ju̧cui̧ o'cajuiyönä ttö ucuru jitäu, o'ca juiyö TÖ̧Ä̧NÄ̧HUA̧ ojusode jacuättö jȩtta̧ pä'ö jö̧ ja̧hua̧ta̧'nö̧ ttöcuota'a pä'ö'inä. Amöcuädittö isodettö toächäcuähuomettö̧'inä ja̧hua̧ta̧'a̧nö̧ räopäcuähuomttö'inä. ⁶ Ja̧u̧nu̧ o'ca jiähui Israel ttö̧ja̧rö̧ juiyó jarodätörö: TÖ̧Ä̧NÄ̧HUA̧ Dios pi̧yȩ pä'ö: Oh Israel ttö̧ja̧ täcö o'cajuiyönä suronä jȩ'cu̧ä̧tu̧cu̧mä cä'ädi'ätuhuí, ⁷ I'cächinöjä̧ koro̧jä̧ ttö̧ja̧rö̧ ttötta jui'ätörö TTÖ esecu chu̧ju̧ninöji̧nö̧ huocotörö ttamucuädö'inä ttidepänä'inä surojötä huotörö TTÖ chojusode cho̧jo̧memä, ja̧'hua̧'a̧nö ja̧'a̧nä̧ ucumä TTÖRÖMÄ iyinöjä̧ panppȩ'inä a̧dȩu̧'inä ja̧'hua̧ta̧'a̧nö ucuoja'inä ucumä juiyó suronä̧ta̧ jȩpi̧nöjä̧ TTÖ eseu esecu chu̧ju̧ninöji̧nö jarodö. ⁸ Ucu jȩ'cu̧a̧ pä'ö hueähuinö ji̧nömä jȩpo̧cö̧jä̧ TTÖ chiäre ro̧ö̧mä, ja̧'hua̧nö ja̧'a̧nä korotörötä hueinöjä̧ ucu jȩ'cua̧ pä'ö hueähui'inöji̧nömä, ja̧'hua̧nö̧ ja̧'a̧nä hueinöjä̧ korotörötä TTÖ ro̧ö̧nä̧ chö̧jo̧me tta̧tta̧ra̧ päö. ⁹ TÖ̧Ä̧NÄ̧HUA̧ Dios pi̧yȩ päö: Ya̧tettö̧'i̧nä doächiyä̧cua̧ ttö chöjo̧memä ichäcuähuottömä ttamucuädöttö'inä ttidepättö'inä 'cui'ocuocotömä ttö eseu esecu chu̧ju̧ninö juitta'attö Israel ttö̧ja̧ ttö̧'cä̧tȩnä ttu̧jo̧cua̧'anä'inä dottachiyäcuottö. ¹⁰ Ja̧'hua̧nö̧ ja̧'a̧nä̧'i̧nä̧ Levittö̧ja̧mä̧ ttöttömä kä̧'i̧pä̧chi̧nä̧tö̧, oto juo'ächinätö̧, a̧mo̧nä̧ tto̧ä̧nä̧hua̧'canä ucuotö tti̧'cha̧'a̧ttö̧, ja̧'hua̧nö̧ ja̧'a̧ttö̧ suronä jȩttö̧tä̧ ttimitähuäcuotö. ¹¹ Jahuätömä ttö chö̧jode adicuä isotö jö̧'a̧nbä̧ huotö, isode do'ächäcuähuome tta̧ttä̧rä̧cuo̧tö̧ ja̧'hua̧ta̧'a̧nö̧ isode jähuä'inä aditätö ja'huatötä jä̧cua̧'a̧ i̧sa̧rö̧ cuä'ö ku icuähuome ttö̧ja̧rö̧ ppättädäcuotömä, jahuätötä jä̧cua̧'a̧ ttö̧ja̧ ttä'cä jo̧mȩ kä̧nö̧ ppättädäcuotömä. ¹² Ja̧'hua̧nö̧ ja̧'a̧nä̧ jitötä a̧mo̧nä̧ tö̧ä̧nä̧huä̧'canä i̧sa̧rö̧ ku'icu ttiyö'china'a̧ttö̧, jahuätömä inähuä tto'epö ma̧tta̧ pä'ö jä̧'i̧nö̧'a̧nö̧tä̧ huotö Israel ttö̧ja̧ ttä'cattömä. Ja̧'hua̧nä̧ ja̧'a̧ttö̧ TTÖ chu̧mu̧ cä̧dȩpä̧cua̧sä̧ ji̧yȩtȩ pä'ö chu̧ju̧na pä'ö jahuätö ttä'ca jo̧mȩttö̧, ja̧'hui̧a̧nö̧tä̧ pä'ö TÖ̧Ä̧NÄ̧HUA̧ Diosmä̧, jahuätömä ro̧ȩcuä̧ ttȩmä̧cuo̧tö̧. ¹³ Ja'huätömä TTÖ chö̧jo̧mȩ'i̧nä̧ ttö'cö pätti'öjuiyö'anö huotö chu̧mu̧huäyotö ja̧ pä'ö'inä huocotö TTÖ chö̧jo̧mȩ adihuome'inä ttö'cö jerupätötä ttäcuotö. Ja'huätömä tta̧mo̧nä̧ ttusinötä ttȩpä̧cuo̧tö̧ kö'cä huocöjueitä jȩtti̧na̧'a̧ttö̧. ¹⁴ Ja̧'hua̧nö̧ ja̧'a̧nä̧ TTÖTÄ chu̧ju̧nä̧cua̧sä̧ isodettö adicuä ttä̧ttä̧ra̧ pä'ötä, o'cajuiyönä juorömä ja̧'hua̧ta̧nö̧ o'cajuiyönä ja'huätörö jȩttö̧mä̧ ¹⁵ Ja̧'hua̧nö̧ ja̧'a̧nä̧ sacerdotes Levistas, Sodoc i̧tti̧mö̧ hueähui'inömä jo̧menö̧ cä'ädinätö̧ ttörö úcuo tettähuome ja̧'hua̧nö̧ ja̧'a̧nä̧ chahuaröhuä judiomä ttöttömä otó cuettä cha'anä, jähuätö ttötö'cöhuächäcuotö ttörö úcuo tettähua pä'ö. Jähuätö ttö̧jä̧cuo̧tö̧ ttö chä'cá jo̧me ttiya pä'ö ttucuoja'inä̧ ja̧'hua̧ta̧'a̧nö̧ ttö̧a̧dȩ'í̧nä̧, pi̧yȩ́ ji'ähuinö̧ TÖ̧Ä̧NÄHUA̧ DIOS. ¹⁶ Jähuätö ttichäcuotö ttörö úcuo teäcuähuome; jähuätö ttötö'cöhuächäcuotö ttö chiäre rutähuome ucuotönö̧ jȩtta̧ pä'ö ja̧'hua̧ta̧'a̧nö̧ jȩtta̧ pä'ö hueähui'inö̧ jähuätörö ttörö. ¹⁷ Ja̧'hua̧nö̧ jä̧cua̧'a̧ jähuätö ttichomenä̧ äpate isode isarä jacuäcu katenä, jähuätö tö̧'ca̧tä̧hua̧cuo̧tö̧ adihuä juä'i lino pö̧jä̧ta̧ttö̧, ja̧'hua̧nö̧ ja̧'a̧ttö̧ jähuätömä dottächiya'anö̧ ja̧'a̧ i̧sä̧ uhuo'chettö a̧di̧cuä̧ta̧ ra̧'a̧mä isode isarä jacuäcu katé apate ka̧'á̧cu̧. ¹⁸ Ja̧'hua̧nö̧ ja̧'a̧nä̧ ttö̧ju̧närö̧'a̧nö̧ ja̧'a̧ adihuä juä'i lino pu̧jä̧tá̧ttö̧ adicua'a o̧to̧'ä̧ta̧ ttönä juättopa pä'ö ja̧'hua̧ta̧'a̧nö̧ ttä̧ta̧'i̧nä, ttäcänä'i̧nä̧. Ja̧'hua̧nö̧ ja̧'a̧ttö̧ ttö̧'ca̧tä̧hui̧ya̧'a̧nö̧ ja̧'a̧ pu̧jä̧ta̧ po̧'ä̧ta̧ dutti'acu tta̧ja̧rȩja päi'önä. ¹⁹ Ja'huata'anö̧ ja'a̧ttö ttöo̧ja̧rö̧ su̧ro̧jö jui'ätö ttö̧ ttö̧ ju̧i̧ya̧ pä'ö pö̧jja̧ta̧nä̧ mä̧huä̧chomȩnä̧ Ju'ätörö. ²⁰ Ja'huata'anö̧ ttöhuo'chei̧na̧ cui̧ähuocotö ttä̧co̧tö̧ Ja̧'hua̧'a̧nö̧ ja̧'a̧ttö̧ be'öhuanä̧ttä̧ cui̧tähua päöttä ²¹ Ya̧tȩ Di̧o̧sttöi̧nä̧ ttö̧jä̧töi̧nä̧ käco̧päteö adicu'ä ttö̧ja̧mä̧ vino isoya tahua pä'ömä̧ Jo̧ca̧'a̧ ro̧mȩ |Ja̧cu'ä do' tächomȩnämä̧. ²² Ja̧'hua̧ta̧'a̧nö ttirecua pä'iönä Tema pä'ömää̧ Jo'ca̧'a̧ , recuarömä̧ Ja̧hua̧ta̧a̧nö̧ Isaju Jarotti i̧näcua̧rö̧ Ttirecua päi̧ö̧nä̧ , 'Tȩma̧ päömä uborö Jeropajurö Israel ojusode isajurö Ja'huata̧'a̧nö recua Quirecuaro qui̧näju̧rö̧ Di̧o̧sttöi̧nä̧ ttö̧ja̧ttö̧'i̧nä̧ kä'copä.teö adicuä i̧sä̧rö̧ ²³ Ja̧'hua̧nö̧ ja̧'a̧nä̧ jahuätömä ji'ähuätön TTÖ chumuhuä̧yotörömä i̧mi̧cu̧nä̧ surojö juiyönä kä̧cuä̧huä̧'i̧nä̧ ja̧'hua̧ta̧'a̧nö̧ suronä jȩpö̧ jarodö ka̧cua̧huä̧'i̧nä̧; Jahuätötä jä̧cua̧'a̧ ttu̧huo̧ju̧nä̧ jȩttä̧cuo̧tö̧mä̧ adiu'inä surojö'inä. ²⁴ Ttörohuähuomenä tto̧ttä̧rä̧cuo̧tö̧ TTÖ huedinö ji̧nö̧tä̧ jȩtta̧ pä'ö; ja'huätömä padinö jȩttä̧ pä'ötä huotö. Ja'huätömä ttö jȩcuä̧tu̧cua̧ja̧ padinöta̧'a̧nö̧ jȩpö̧ ka̧cuä̧tö̧ pä'cari pä̧nä̧'i̧nä̧, ja'huätömä eseu pä'cariritä jȩpö̧tä̧ ka̧cuä̧yö̧ 'cuächäcuähuä mo̧ro̧ pädinö'inä. ²⁵ Jahuätömä ttö̧ja̧'i̧sa̧ 'corujuoächinö ö̧ja̧mä̧ tti̧'chi̧chä̧cuo̧tö̧ surojuotö pättiu juiya'a pä'ö, ja̧hua̧nö̧ jo̧'ca̧ ja'o'i̧nä̧, ja̧ju̧'i̧nä̧, ö̧jä̧hua̧'i̧nä̧ ja̧hua̧ta̧'a̧nö̧ u̧ja̧huaju ubocu ä'ocoju jö̧tä̧ i̧'cha̧'a̧ pä'ö ja̧'a̧; ja̧hua̧nö̧ jo̧'ca̧'a̧ jö̧ttö̧mä̧, jahuätömä suroppatä ttö̧nä̧rä̧cuo̧tö̧. ²⁶ Diosttö'inä ttö̧ja̧ttö̧'i̧nä̧ käcopäteö adicuä i̧sa̧ su̧ro̧jua̧ päittömä, jahuätömä ttö̧'a̧tä̧cuo̧tö̧ siete mo̧ro̧nö̧ pä'iunä ja̧u̧ru̧mä̧. ²⁷ Ja̧u̧ suroju jui̧yä̧jä̧ra̧'a̧ doächö mo̧ro̧mä̧, suroju juiyote jahuä umisarättö suroju jui̧yä̧jä̧ra̧ adita'a pä'ömä, ja̧u̧mä̧ öäre iyäcuä i'cächa'a pä'ö jä̧hua̧'a̧ chutä soroju jȩä̧ji̧ micuä jö̧nä̧, pi̧yȩ ja̧'a̧ TÖ̧Ä̧NÄ̧HUA̧ Dios jiäu pä'ömä. ²⁸ Pi̧yȩ jä̧cua̧'a̧ ucuru ki̧'ä̧cuä̧mä̧: Ttötä ja̧'a̧ ucuturu ki̧'ä̧cuä̧mä̧, ja̧'hua̧nö̧ ja̧'a̧ttö̧ ucutumä cuiyäcucua pä'ömä jui'ätöjä ja'huätörö Israel rȩjȩtö̧mä̧; Ttötä jä̧cua̧'a̧ ja'huätörö chi̧yä̧cua̧mä̧. ²⁹ Ja'huätömä ttucuäcuotö mippo'önä iyähuä u̧huä̧ju̧ ote ttiyomettö̧, ja̧'hua̧ta̧'a̧nä̧ suronä jȩttö̧ micuä päi'önä isa̧rö̧ cuä'ö ttiyomettö̧, o'cajuiyönä Israel ttö̧ja̧ TÖ̧Ä̧NÄ̧HUA̧RÖ̧ ttiyömä, ja'huätörö'inä jä̧cua̧'a̧. ³⁰ Ä̧cuo̧mȩnä̧ji̧ u̧huä̧ju̧ a̧di̧u̧mä̧ o'cajuiyönä cu̧ju̧nä̧tu̧cu̧ttu̧mä̧ ja̧'hua̧nö̧tä̧ cuiyäcuotöjä, ucutu ja̧'hua̧nö̧ cuiyätucumä Dios huȩ'ä̧hua̧ ö'äre yä̧cuä̧ ja̧'hua̧nö̧ jo̧mȩnä̧tä̧ o'ädihuä rä̧bȩhuä̧cua̧'a̧ ucutu cuojuisodenämä. ³¹ Diostö huȩ'ä̧hua̧mä̧ cuo'cö jä̧cua̧ ka̧ra̧ i̧sa̧ buó cuä'ö icuäcurumä co'ö jö̧ttö̧'i̧nä̧ ja̧'hua̧ta̧'a̧nä̧ rȩjȩnä̧ cue'ächätö jö̧ttö̧'i̧nä̧.