¹ Ja̧'hua̧nö̧ ja̧'a̧ttö̧ juorömä ȩpi̧nö̧sä̧ ö̧mi̧cu̧ kä̧hua̧ u̧huo̧jua̧'a̧cu̧ ja̧'hua̧ta̧'a̧nö̧ ȩpi̧nö̧sä̧ ä'ähuä o̧ca̧ ka̧'a̧cu̧ isode ä'ca isaräcu kä̧hua̧ u̧huo̧jua̧'a̧cu̧nä̧. ² Äpate kä̧hua̧ u̧huo̧jua̧'a̧cu̧ kate öotomä ciennö ttu̧yu̧'ca̧ri̧ öoto jo̧mȩ jo̧mȩnä̧ ji̧na̧'a̧ ja̧'hua̧ta̧'a̧nö̧ ö̧rö̧ä̧mä̧ cicuentanö ttu̧yu̧'ca̧ri̧ ttu̧mö̧ jubö öoto jo̧mȩnä̧ ji̧na̧'a̧. ³ Ja̧'hua̧ta̧'a̧nö̧ jacuä doächiäcuähuome ä'cacumä ji̧na̧'a̧ veintenö ttu̧yu̧'ca̧ri̧ ttu̧mö̧ jubä öoto jome jubö pa̧ja̧cuo̧mȩ ji̧na̧'a̧ juhua'atäcu jacuode imi ä'ca adihuä̧jä̧ quiecuina'a, ja̧hua̧nö̧ jo̧mȩ ka̧cui̧na̧'a̧ ä'ähuä o̧ca̧mä̧ isode huä̧bo̧jä̧cuä̧nä̧ ko̧ro̧ca̧cu̧ pä̧tȩcuä̧nö̧ ka̧cui̧na̧'a̧. ⁴ Ja̧'hua̧nö̧ ja̧'a̧ttö̧ ä'ähuä o̧ca̧ ä'camä 'quiecuä̧jä̧mä̧ isotö tomöre jähuä ttu̧yu̧'ca̧ri̧ ttu̧mö̧ jubö öoto jome ji̧na̧'a̧ jacuäcumä, ja̧'hua̧ta̧'a̧nö̧ äpatiyä ki̧na̧'a̧ kä̧hua̧ u̧huo̧jua̧'a̧cu̧. ⁵ Ja̧'hua̧nö̧ ja̧'a̧nä̧ ä'ähuä o̧ca̧ ju'toju i̧sä̧jä̧nä̧ ka̧cu̧mä̧ cähueinö kada'ca i̧sä̧jä̧nä̧ ja̧'hua̧ta̧'a̧nö̧ kä'co i̧sä̧jä̧nä̧ ka̧cu̧ttö̧'i̧nä̧ abonänö cähueinö. ⁶ Huä̧bo̧jä̧cuä̧ ka̧cui̧nö̧mä̧, juiyinö 'chu̧huä̧rö̧ o'ca rötädö 'qui'epö 'chu̧huä̧ra̧ pä'ö ttaditinönämä, ja̧'hua̧nö̧ ja̧'a̧ttö̧ rȩjȩttö̧ kä̧mä̧dö̧, rȩjȩ i̧sä̧jä̧nä̧ ka̧cu̧ttö̧'i̧nä̧ kä'co kcu̧ttö̧'i̧nä̧ abonänö cähueinö. ⁷ O̧ca̧hui̧yä̧ ppeyänämä ttoecuäbä ki̧na̧'a̧ o̧ca̧hui̧yä̧ pä̧tȩcuä̧nö̧mä̧ isarä ki̧na̧'a̧. Ja̧u̧ ttoecuäbä öotomä 50nö ttu̧yu̧'ca̧ri̧ öoto jo̧mȩ ji̧na̧'a̧. I̧so̧ca̧ umi isaränä ka̧cu̧ o̧ca̧ öcähuemä 50nö ttu̧yu̧'ca̧ri̧ öoto jo̧mȩ ji̧na̧'a̧. ⁸ u̧mi̧ isaränä ka̧cu̧ o̧ca̧ öotomä 50nö ttu̧yu̧'ca̧ri̧ öoto jo̧mȩ ji̧na̧'a̧, ja̧'hua̧ta̧'a̧nö̧ Dios ö̧jo̧de pä̧tȩcuä̧nö̧ ka̧cu̧ o̧ca̧ öotomä 50nö ttu̧yu̧'ca̧ri̧ jo̧mȩnä̧ ji̧na̧'a̧. ⁹ O̧ca̧hui̧yä̧ra̧'a̧ doächi'äcuähuomemä deadä̧ i̧sä̧jä̧ dȩa̧'a̧nä̧ ka̧hua̧ räopa'acunä̧ u̧mi̧ isaränä doächi'äcuähua'a ji̧na̧'a̧. ¹⁰ Ö̧minä käbä jäyänä ttoehuäbämä ö'otomä pä̧tȩcuä̧'a̧dä̧mä ji̧nä̧'ä̧ ttö̧huo̧ja̧'ö̧nä ttö̧huö̧cuo̧nä isäränä, Tö̧ä̧nä̧hua̧ ö̧'ö̧de pa̧tȩhuänö ja'huä isaränämä, Ja̧'hua̧ta̧nö ka̧hui̧na'a̧ ä'ähuä o̧'ca̧. ¹¹ juenemä pa̧tȩcuä̧nömä chä̧'cuähuö̧me, juo̧'ö̧mä ttö'ojuecunä ka̧cuo̧ ä'ähuä'ä ö̧'ca̧ ja̧i̧nö'a̧nö juinätö, ja'huänö ja'a̧ yoräte'önätä jinä'a̧ ö'otonä'aja̧ ö'cähueinä ja̧'huänötä̧ ji̧nä'ä rä'ohuomeinä̧ apateinä̧. ¹² pa̧tȩcua̧'a̧dä̧ ttö̧juo̧juo̧'a̧cu̧nä' ki̧nä'a apatemä ki̧nä̧'ä̧ ä̧'ä̧huä̧ ö̧'ca̧ yoräteötä kä̧hui̧nä'a̧ ttö'ohue'a̧cu̧nä. yȩnetȩ ja'huänä cuä'ohuomemä beipomemä apate ji̧nä̧'a̧, ja̧'huä̧ta̧nö cuä'ocuä'acumä ö̧.ca̧cui̧ya̧ rö̧ȩi̧nä̧ ka̧huinä'ä'a̧. pa̧tȩcuä̧'a̧nä̧ o̧'ca̧juiyönä cuä'oönätä̧. ¹³ Ja̧'ö̧no̧ o̧'ca'a päinäcusä: "Ö̧'ca̧cui̧yä̧ ttö'ohuejacuö̧ jähuäinä'a̧ ttö̧huo̧jua'a cunä ö̧miisärä pa̧tȩhuä̧'a̧nomä ja̧'ö̧ ö̧'ca̧ hui̧yä̧mä suroju juyö ji̧nä̧'a̧ sacedotȩttö̧ ttäditome jinä'a̧ tö̧ä̧nä̧hua̧cu̧ ttö'cö junä juamä rö̧ȩnä ro̧'o̧ jähuä ttöcua pa,ö. Ja'huättomä ro̧'ö̧ jahuä ttoju̧nä pä'ö, ö̧'huä ju̧ ö̧tȩ mipponä iyähuä, suronä jȩtä̧ji̧ttö̧ mipponä ja̧'hua̧ta̧no̧ suronä jȩchä̧'jȩttö̧ mipponä iyähuä, juene surojumä juiyome ja̧'a̧tto̧. ¹⁴ Sacerdote juene doächiömenämä, Ja̧'huä̧nö ja̧ttö̧ ja'huatömä juo'orömä ö̧mi'isarä huömä rä'to pä'a pä'ömä ö̧'ca̧'a̧ ji̧na̧'a̧ suroju huiyomettömä, ttö̧'cä̧tä̧huä̧tä̧ kä̧räcu ttöto'ca'amä adittö ttö'ca̧huä̧ta̧mä, juoamä tä'co suroju juiättö ja̧'a̧ttö, Ja̧'huä̧nö ja̧'a̧ttö̧ ttö̧ja̧ ttö̧jö̧ huome ti̧cha̧ pä'ömä ko̧ro̧tä̧ ttö̧'ca̧tä̧ huä̧ pä'ö ji̧nä̧'a̧.'' ¹⁵ Ja̧u̧ ubo isode jahuä pa̧ja̧tö̧ cä'ädinö ja̧u̧nu̧ o'ca'amä ȩpi̧nä̧cu̧sä̧ u̧mi̧cu̧ kä̧hua̧ räopa'acu äpate ka̧'a̧cu̧ ja̧'hua̧nö ja̧'a̧ttö̧ ju̧huä̧nȩ o'cajuiyönä sobucuächönä pa̧ja̧ti̧nö. ¹⁶ Ja̧u̧ pa̧ja̧ti̧nö̧ pa̧ja̧tä̧cuä̧huo̧'quȩnä̧ kä̧hua̧ rä'opa'acuttö, quinientonö ttö̧yö̧'ca̧ri̧ jo̧mȩnä. ¹⁷ Ja̧u̧tä̧ pa̧ja̧ti̧nö pa̧ja̧tä̧cuä̧huo̧'quȩnä kä̧hua̧ u̧huo̧jua̧'a̧cuttu̧'inä, quinientonö ttö̧yö̧'ca̧ri̧ jo̧mȩnä. ¹⁸ Ja̧'hua̧ta̧'a̧nö pa̧ja̧ti̧nö kä̧hua̧ ieruhua'acu'inä, quinientonö ttö̧yö̧'ca̧ri̧ jo̧menä pa̧ja̧ta̧cuä̧cuo̧'quȩnä. ¹⁹ Ja̧u̧mä pä'äji ta'anö ppa̧'a̧chi̧'ö̧ kä̧hua̧ mo̧'ä̧cha̧'a̧cu̧'inä quinientonö ttö̧yö̧'ca̧ri̧ jo̧menä pa̧ja̧cuo̧'quȩnä̧ pa̧ja̧ti̧nö̧. ²⁰ Ja̧u̧mä̧ pa̧ja̧ti̧nö̧ pa̧ja̧cuä̧nö̧ i'ä jo̧mȩ. Jäyänä 'toecuä o'ca ö̧rö̧'a̧mä̧ quinientonö ttu̧ju̧'ca̧ri̧ jo̧mȩ ji̧na̧'a̧, ja̧'hua̧ta̧'a̧nö̧ quinientonö ttu̧yu̧'ca̧ri̧ jo̧mȩ ji̧na̧'a̧ öcahuemä, adihuä surojö juiyö 'quȩ'ȩpö̧ surojönä jȩpö̧ ttö̧jo̧mȩttö̧.