¹ Ja̧'hua̧nö̧ ja̧'a̧ ja̧u̧ ubomä ȩpi̧nä̧cu̧sä̧ adihuä i̧sa̧ ö̧jo̧de jacuä ja̧'hua̧nö̧ ja̧'a̧ pa̧ja̧ti̧nö̧ äpate jäyänä odiyä otomä seisnö ttu̧yu̧'ca̧ri̧ öoto jo̧mȩnä̧ ji̧na̧'a̧. ² Äpate doächi'äcuähuome öcähuemä dieznö ttu̧yu̧'ca̧ri̧ öoto jo̧mȩnä̧ ji̧na̧'a̧, ja̧'hua̧nö̧ ja̧'a̧ ttoecuäbä pätecumä cinconö ttu̧yu̧'ca̧ri̧ öoto jome jina'a, ja̧u̧ ubomä pajatinö ro̧o̧mȩ i̧so̧ca̧ öotomä cuarentanö ttu̧yu̧'ca̧ri̧ öoto jo̧mȩnä̧ ja̧'hua̧ta̧'a̧nö̧ käcuoräcumä veintenö ttu̧yu̧'ca̧ri̧ jo̧mȩnä̧ ji̧na̧.a̧, ³ Ja̧'hua̧nö̧ ja̧'a̧ ja̧u̧ ubomä do'ächinö yotä ro̧o̧mȩ jacuä, ja̧'hua̧nö̧ ja̧'a̧ ja̧u̧mä̧ pa̧ja̧ti̧nö̧ äpate 'chu̧huä̧rö̧nä̧ ki̧nä̧huä̧ odiyä öotomä todäre ttu̧yu̧'ca̧ri̧ öoto jome ji̧na̧'a̧ juhua'atäcu doächi'äcuähuome öotomä seisnö ttu̧yu̧'ca̧ri̧ öoto jo̧mȩnä̧ ji̧na̧'a̧. ⁴ Ttoecuä obä käcuoräcumä sietenö ttu̧yu̧'ca̧ri̧ äoto jo̧mȩnä̧ ji̧na̧'a̧. Ja̧'hua̧nö̧ ja̧'a̧ ja̧u̧mä̧ pa̧ja̧ti̧nö̧ i̧so̧ca̧ öotomä̧ veintenö ttu̧yu̧'ca̧ri̧ öoto jo̧mȩ. Käcuoräcu'inä veintenö ttu̧yu̧'ca̧ri̧ öoto jome ji̧na̧'a̧ Dios ö̧jo̧de jubö, ja̧'hua̧nö̧ ja̧'a̧ ja̧u̧mä̧ päinäcu̧sä̧" pȩnȩ ja̧'a̧ rö̧ä̧nä̧ ro̧o̧mȩmä̧" ⁵ Ja̧'hua̧nö̧ ja̧'a̧ttö̧, isode räbä pa̧ja̧ti̧nö̧, ö̧rö̧'ä̧mä ji̧na'a̧ ji̧mutejähuä koro̧muttö̧nö̧ yaute ttö̧yö̧'ca̧ri̧ttö̧ ttö̧mu jo̧mebu pa̧ja̧cu'ä'ca. Isode ä̧ä̧'huo̧ca̧ ö̧yö̧'ca̧ri̧ ö̧rö̧'ä̧mä ji̧na'a̧ pa̧ja̧cu'ä̧nö̧ ö̧yö̧'ca̧ri̧ttö̧ ttö̧mu jubö pa̧ja̧cuo̧me. ⁶ Ja̧'hua̧nö̧ ja̧'a̧ttö̧ tta̧'ó̧ca̧ jö̧a̧'u̧cuä̧ 'cahuächö̧ a̧'ö̧cuä̧ ki̧na'a̧ ö̧yö̧'ca̧ri̧pu̧nä, ko̧ro̧ca̧ ä̧'ä̧huo̧ca̧ huä̧mepu̧nä ki̧na'a̧, 30nö ä̧'ä̧huo̧ca̧ jo̧menä ji̧na'a̧ yoyonö juttojucu 'cahuächö'a̧cuä̧. Isode tto'ecuä'ca jäyänä ki̧na'a̧, o'cajuiyönä ä'ähuä o̧cá̧ ö̧yö̧'ca̧ri'o̧dö̧nä chö̧'a̧ra̧ pe'ö, isode tto'ecuä'ca chö̧'ä̧ro̧me yuiya'attö. ⁷ Ja̧'hua̧nö̧ ja̧'a̧ttö̧, ä'ähuä o̧cá̧mä ö̧yö̧'ca̧ri̧mä rö̧'ä̧di̧nätö̧ ja̧'hua̧nö̧ jȩpu̧ 'cha'adinätö̧ ju'tojúcu jäyänä, ja̧'hua̧nö̧ jȩpu̧ äräbe'inätö̧ isode ju'tojucu; ä̧'ä̧huä o̧cámä rö̧'ä̧di̧nätö̧ isode rö̧ttä̧dö̧ta̧'a̧nö, ja̧'hua̧ta̧'a̧nö̧ 'ca̧huä̧chä̧cuä̧huä̧cä̧'i̧nä̧ otodinätö̧ rö̧ttä̧dö̧ a̧'ú̧cuä̧. ⁸ Ja̧'hua̧ta̧'a̧nö̧ topinösä̧ isode ju'toju jode jäyänä; adicua'a ki̧na̧'a̧ kada'cattö kä̧mä̧dö̧ ä'ähuä o̧ca̧mä̧ pa̧ja̧cua̧'a̧ koromöttö ya'ute ttu̧yu̧'ca̧ri̧ttö̧ ttömö öoto jo̧mȩnä̧. ⁹ Ja̧'hua̧nö̧ ja̧'a̧ttö̧ ä'ähuä o̧ca̧ uminä ttoecuäbä ö̧rö̧ä̧mä̧ jimöte jähuä ttu̧yu̧'ca̧ri̧ttö̧ ttu̧mö̧ jubö öoto jomenä jina̧'a̧ ja̧'hua̧nö̧ ja̧'a̧ttö̧ isode ä'ähuä o̧ca̧mä̧ doächäcuähuome kina'a jacuojunämä. ¹⁰ Yabocu jäyänämä huäose jomemä bahuecua'a kina'a sacerdotetö ttä'ome o̧ca̧hui̧yä̧; ju̧huȩnȩ huäose jomemä veintenö käcuoräcu öcähuemä o'cajuiyönä ro̧o̧mȩ jäyänä. ¹¹ Ki̧na̧'a̧ äpatiyä yo jäyänä o̧ca̧cu̧, doächäcuähua'acumä ki̧na̧'a̧ kä̧hua̧ u̧huo̧jua̧'a̧cu̧nä̧, ja̧'hua̧ta̧'a̧nö̧ karatemä ki̧na̧'a̧ jäyänä kä̧hua̧ ö'ohuecunä juarä öcähue käcuoräcumä bahuecua'a öotomä ji̧na̧'a̧ ji̧mö̧tȩ jo̧mȩnä̧ o'cajuiyönä jäyänämä. ¹² Ju'toju isodemä umi isarä päte'ö ji̧na̧'a̧ kä̧hua̧ ma̧ä̧cha̧'a̧cu̧ käcuoräcu öcähuemä setentanö jo̧mȩ ja̧'a̧ttö̧. Ttoecuä obämä jimöte jo̧mȩnä̧ ji̧na̧'a̧ öpuämä jäyänämä pätecu, ja̧'hua̧nö̧ ja̧'a̧ttö̧ noventanö jo̧mȩnä̧ ji̧na̧'a̧ öotomä. ¹³ Ja̧'hua̧nö̧ ja̧'a̧ ja̧u̧ ubomä pa̧ja̧ti̧nö̧ ro̧o̧mȩ ciennö̧ jo̧mȩnä̧ ji̧na̧'a̧ öotomä, ju'toju isodemä 'cä̧ȩcua̧'a̧ ttoecuäbä ja̧'hua̧nö̧ ja̧'a̧mä̧ umi isarä juhua'atäcu pa̧ja̧cui̧na̧'a̧ ciennö jo̧mȩnä̧ öotomä. ¹⁴ Käcuoräcumä öcähue umi isaräcu pätecumä ro̧o̧mȩcu̧mä̧ ciennö jo̧mȩnä̧ ji̧na̧'a̧. ¹⁵ Ja̧'hua̧nö̧ ja̧'a̧ ja̧u̧ ubomä öoto pa̧ja̧ti̧nö̧ isode ju'toju isode ro̧o̧mȩ aboja'anä, kä̧hua̧ ma̧ä̧cha̧'a̧cu̧, ja̧'hua̧nä̧ ja̧'a̧ koromä ppeyäumä kina'a ciennö jo̧mȩnä̧ surojö juiyomemä ja̧'hua̧nö̧ ja̧'a̧ttö̧ äpate ä'cacu. ¹⁶ Ttoecuä obä jacuäcumä ja̧'hua̧ta̧'a̧nö̧ yäecuate ppä'ädö yäecuate cähueö ate, ja̧'hua̧ta̧'a̧nö̧ o'ca juiyönä o̧ca̧ jäyänä huäbodäcuä atemä yorätehuinö tto'epö icuähua'a jina'a dau isodänä. ¹⁷ Doächäcuähuome huä̧mȩ ro̧o̧mȩ ja̧'a̧cu̧ jacuä ja̧'hua̧ta̧'a̧nö̧ pperetö icuähua'a ttoecuäbä öoto o'cajuiyönä ju̧huä̧nd ki̧na̧'a̧ ya'ute pa̧ja̧cuo̧mȩ. ¹⁸ Ji̧huȩnȩ ä̧cuo̧mȩ jo̧mȩ ji̧na̧'a̧ querubines ja̧'hua̧nö̧ ja̧'a̧ dauhuiyä i̧so̧i̧ ja̧'a̧ dauhuiyä o̧i̧ 'cä̧tȩ ya̧cu̧nä̧ querubin ka̧cui̧nä̧tö̧ ja̧'hua̧ta̧'a̧nö̧ ya̧cu̧nä̧ querubinmä i'ämä todäre ku̧nä̧ri̧nö̧. ¹⁹ Ya̧tȩ ttö̧ja̧sa̧ i'ämä to̧ä̧ri̧na̧'a̧ dau i̧so̧i̧ ko̧mȩcu̧ a̧'u̧cu̧nä̧ jäyä jo̧mȩcu̧, ja̧'hua̧ta̧'nö̧ ya̧tȩ mö yähui to̧pä̧rö̧ dau i̧so̧i̧ ko̧mȩcu̧, jäyäcu jahuätörömä ki̧na̧'a̧ 'co̧'ö̧ ku̧nä̧hua̧'a̧ isade jäyä o'cajuiyönä. ²⁰ Rȩjȩttö̧ ja̧'a̧mä̧ doächäcuähuome jubö ji̧na̧'a̧. Querubines ja̧'hua̧ta̧'a̧nö̧ dauhuiyä oinämä 'co̧'ö̧ ku̧nä̧hui̧na̧'a̧ juhua'atäcu umi ttoecuäbänä'inä 'co̧ä̧hua̧'a̧ ji̧na̧'a̧ isodenämä. ²¹ TTö̧ä̧nä̧hua̧ ö̧jode ro̧mȩ do'ächäcuähuome o'camä pa̧ja̧cuä̧nö̧ yoräteunä adicuä'ca ji̧na̧'a̧. Juȩnȩmä̧ dau isodä ²² i̧sa̧rö̧ ku icu iyahuome ro̧mȩ 'cua̧ri̧na̧'a̧, juȩnȩ ju'tojucu ö'otomä huäba'acuä tu̧ju̧'ca̧ri̧ ttu̧mö̧ jubu ji̧na̧'a̧ ja̧'hua̧ta̧'a̧nö̧ öcähuemä pätecumä ta'are tu̧yu̧'ca̧ri̧ ttu̧mö̧ jubu ji̧na̧'a̧. Isode u̧yu̧'ca̧ri̧ ku̧nä̧huä̧ o'camä dauttu adicuä'ca ji̧na̧'a̧. Ja̧'hua̧nö̧ ja̧'a̧, ja̧u̧mä̧ pä'inö ttörö: "Podä ja̧'a̧tó TÖ̧Ä̧NÄ̧HUA̧ ä'cajo̧mȩ ku̧nä̧huo̧dä̧mä̧. ²³ "Ä̧cuo̧mȩnä̧ do'ächäcuähuome ja'huata'anö ja̧u̧nu̧ o'ca'a doächäcuähuome'inä apatiyämä ta'are ka̧cui̧na̧'a̧. ²⁴ Ja̧u̧ apatiyämä ya'acupönä kärächönä jö̧ ka̧cui̧na̧'a̧, apatiyä jö̧ta̧'a̧nö̧. ²⁵ Dauttu 'co̧'ö̧ adicua'a jina'a̧, apate jä'epö dottächatemä, querubine'inä ka̧cui̧nä̧tö̧ ha̧'hua̧ta̧'a̧nö̧ dauhuiyä ojiyättö a̧'cua̧tö̧ räbänä adicuina'a, ja̧'hua̧ta̧'a̧nö̧ ju'tojunämä dau odiyättö ttoecuina'a do'ächäcuähuomemä. ²⁶ Ka̧cui̧na̧'a̧ yäecuä̧ ate bäreu ja'huata'anä do'ächäcuähuome'inä pätecun dau ojiyättö aditö ku̧nä̧hui̧na̧'a̧. Pi̧yȩ ä'ähuä o̧ca̧mä̧ ka̧cui̧na̧'a̧ isode ppeyä, ju'tojunä ttöecuome'inä u̧mi̧cu̧ räo'önänö ji̧na̧'a̧.