¹ Veinticinconö a̧'ȩ päiömenä a̧'ȩttö a̧cuomenä kähua̧ fecha dies mö̧rö̧ pä'iomenä̧ ujuturu 'chuädinä̧tö̧, ja̧u̧nu̧ o'ca'a catorcenö a̧'ȩ pä'iomenä̧ ötahuiyä ttö̧ja̧rö̧ 'chu'ädö emipi̧nä̧tö̧, ja̧unutä̧ mö̧rö̧ TU̧RU̧HUA̧MÄ̧ ttö̧nä̧tä̧ käji̧, ja̧hua̧nö̧ ja̧'a̧ttö̧ ja̧u̧tä̧ ttöro emipäjimä̧ yi̧nȩ. ² TÖ̧ÄNÄHUA̧MÄ ya̧nä̧ jahuänä tocha pä'ö ȩmipinäcusä Israel rȩjȩra̧'a̧. ja̧u̧mä emi̧pi̧näcusä inähuä ju'toju isähuärä'ä; ka̧hua̧ räopomȩ päteömä ötahuiyä bäreu ka̧'a̧ a̧'cua̧rönä ji̧na̧'a̧. ³ Ja̧hua̧ta̧'a̧nö̧ jau̧mä̧ juäne ȩmi̧pinäcusä. ubo juene kumä !jaumä bronce jäi̧nö̧ a̧nö̧ jönä huinö̧. Ja̧hua̧nö̧ ja̧'a̧nä̧ umunä lino isappä ku̧nä̧rinö i̧so̧'quȩnä̧ ö'a̧ta̧ pä'ö, ja̧hua̧nö̧ ja̧'a̧nä̧ ja̧umä ötahuiyä apate pporädö ku̧ninö̧. Ja̧u̧ ubomä pä'inäcusä̧:" ⁴ Ubo i̧tti̧ cui'ärenä adiu topi ja̧hua̧nö̧ ja̧'a̧nä̧ cua̧ja̧nä̧ äjucui, pi̧yȩ o'cajuiyönä ucuru chi̧jepunä adiunä a̧mö̧cuädi, ja̧hua̧nö̧ ja̧'a̧nä̧ pi̧nȩ chi'cächäjäcujä ucurutä chijȩpa̧ pada'attö. pi̧yȩ o'cajuiyönä̧ to'cuäjimä Israel ttö̧ja̧rö jiähui ⁵ Ja̧'hua̧nö̧ ja̧'a̧ttö̧ DIOS ö̧jode jäyänä tto'ecuächönä ki̧na'a̧ tto'ecuä'ca. Ttö̧ja̧sä̧ u̧munä ö̧'a̧ta̧ pe'ömä i̧so̧'quȩ ö'otomä 3.2 ji̧na'a̧, pabonänö̧ ö̧'a̧ta̧ pe'ömä ö'otomä 54 ji̧na'a̧ ö̧yö̧'ca̧ri̧ttö̧ u̧mubö ja̧'a̧ttö̧. ⁶ Jo̧'u̧mä pa̧ja̧ti̧nö̧ tto'ecuo̧'ca; käcuoräcumä ja̧'hua̧ta̧'a̧nö̧ ju'tojucumä i̧so̧'quȩ ö'ototä ji̧na'a̧. Ja̧'hua̧nö̧ ja̧'a̧ttö̧ DIOS ö̧jode apate kä̧hua̧ räopa'acu katenä 'cha̧hui̧'i̧nö̧. Pa̧ja̧ti̧nö̧ apatettö ju'tojucu 'ca̧huä̧chä̧cua̧huä̧cä̧'i̧nä̧, i̧so̧'que i'oto jo̧mebu ja̧'hua̧ta̧'a̧nö̧ ju'tojucunäjä̧. ⁷ Ja̧'hua̧nö̧ ja̧'a̧ttö̧ hua̧di'a̧tö̧ tta̧tta̧ro̧ca̧mä ji̧na'a̧ i̧so̧'quȩ käcuoräcu i'otojo̧mȩtä̧; jo̧'u̧ o̧ca̧mä ki̧na'a̧ ko̧ro̧ca̧cu̧mä 2.7 jo̧menä ji̧na'a̧ cä'comä ja̧'hua̧ta̧'a̧nö̧ DIOS ö̧jode jacuä 'ca̧huä̧chä̧cua̧hua̧cä̧ ko̧me kinatemä i̧so̧'quȩ i'oto jo̧metä̧ ji̧na'a̧. ⁸ Ja̧'hua̧nö̧ ja̧'a̧ttö̧ pa̧ja̧ti̧nö̧ DIOS ö̧jode ä'cattö doächäcuähuomettö̧mä i̧so̧'quȩ oto'o'quȩ jo̧menä̧ ji̧na'a̧. ⁹ Ja̧hua̧ta̧'a̧nö̧ pa̧ja̧ti̧nö DIOS ö̧jode ä'ca doächi'äcuähuome'i̧nä. Ji̧na'a̧ i̧so̧'quȩ i'otojo̧metä̧. Apate ä'camä ki̧na'a̧ 'quiecuä'ca ttö̧yö̧'ca̧ri̧ttö̧ ttö̧mubö todärenä pa̧ja̧cu'o̧me jä'ca. DIOS ö̧jode ä'camä doächi'äcuähuomemä 'quiecö kö̧nähuä̧ ki̧na'a̧. ¹⁰ Ja̧'hua̧ta̧'a̧nö̧ ka̧cui̧na'a̧ apate doächäcuähuome ppeyä tta̧huä̧rä̧cu'ä̧a̧huä̧ o̧ca̧mä ö̧rö̧'ä̧mä yorätehuinö, ja̧'hua̧nö̧ apate yö̧'ȩcuä̧rö̧ o'camä yorätehuina'a̧ i'otomä. ¹¹ Ja̧'hua̧nö̧ ja̧'a̧ ya̧tȩ pa̧ja̧ti̧nö̧ doächäcuähuome käcuoräcu tomöre jähuä u̧yu̧'ca̧ri̧ttö̧ öoto jome, ja̧'hua̧ta̧'a̧nö̧ äpate öotomä 13nö ttu̧yu̧'ca̧ri̧ttö̧ öoto jo̧mȩnä̧. ¹² Ja̧u̧ pa̧ja̧ti̧nö̧ ä̧'ä̧huo̧ca̧ pä̧tȩcuä̧nö̧ 'quiecuä o'ca'inä, ya'ute ttu̧yu̧'ca̧ri̧ öoto jo̧mȩ ju'tojucumä ja̧u̧ o'camä ji̧na̧'a̧ 6nö̧ ttu̧yu̧'ca̧ri̧ttö̧ öoto jome pönä. ¹³ Ja̧'hua̧nö̧ ja̧'a̧ttö̧ äpatettö kä̧mä̧dö̧ isode ju'tojucu'inä ttäö o̧ca̧mä̧ ko̧ro̧ca̧ ä̧'ä̧huo̧ca̧ jubö, 25nö ttu̧yu̧'ca̧ri̧ öoto jo̧mȩ pönä, ä̧cuo̧mȩnä̧ do'ächi'ö ttä̧'o̧ca̧ kä̧ma̧dö̧ ko̧ro̧ca̧ ä̧'ä̧huo̧ca̧ jubö. ¹⁴ Ja̧'hua̧ta̧'a̧nö̧ pa̧ja̧ti̧nö̧ tta̧huä̧rä̧cuä̧huä̧ ttö̧ja̧ ttä'ö o̧ca̧'i̧nä̧, 60nö̧ ttu̧yu̧'ca̧ri̧ öoto jo̧mȩnä̧ ji̧na̧'a̧ öotomä ja̧u̧ juiyó oto pa̧ja̧ti̧nö̧ äpate ä'ca jo̧mȩ jubö. ¹⁵ Apate doächi'äcuähuomettö kä̧mä̧dö̧ pä̧tȩcuä̧nö̧ apate doächi'äcuähuomettö kä̧mä̧dö̧mä̧ koro apate doächi'äcuähuome jubömä 50nö ttu̧yu̧'ca̧ri̧ öoto jo̧mȩ jö̧nä̧ ji̧na̧'a̧. ¹⁶ Ka̧cui̧na̧'a̧ ventana cähueö ä'ähuä o̧ca̧nä̧mä̧ 'qui'epö ku̧nä̧huä̧ o'ca apatiyä jacuä jäyänä o'cajuiyönä sobucuächönä; ja̧'hua̧ta̧'a̧nö̧tä̧ doächäcuähuome'inä, ka̧cui̧na̧'a̧ ventaniyä̧mä̧ o'cajuiyönä soböcuächönä, ja̧'hua̧ta̧'a̧nö̧ ventanamä adiu a̧'cua̧cu̧nä̧ adicuina'a otoö ojiyättö. ¹⁷ Ja̧u̧nu̧ o'ca'a ja̧u̧ ubomä̧ ȩpi̧ä̧cu̧sä̧ Dios ö̧jo̧dera̧'a̧. Topittö, ki̧nö̧ o'ca'a ja̧'hua̧ta̧'a̧nö̧ ki̧na̧'a̧ rȩjȩ 'qui̧ȩcuä̧jä̧ umi isaränä, 30önö̧ o̧ca̧ jo̧mȩnä̧ ki̧na̧'a̧ 'quiecuä o'ca jäyänä. ¹⁸ Rȩjȩ 'qui̧ȩcuä̧jä̧mä̧ 'chahuächina'a äpate jäyänä, ja̧'hua̧ta̧'a̧nö̧ käcuoräcumä ji̧na̧'a̧ öotomä korote äpate jö̧ ta'anö ji̧na̧'a̧, pi̧jä̧ ji̧na̧'a̧ kȩdä̧huä̧jä̧tö̧ rȩjȩnä̧ i̧sä̧jä̧mä̧. ¹⁹ Ja̧u̧nu̧ o'ca'a ja̧u̧ ubomä öoto pa̧ja̧ti̧nö̧ äpate rȩjȩnä̧ kate ä'cattö kä̧mä̧dö̧ äpate jacuä jo̧mȩ jubö, ju̧huȩnȩ ötomä ciennö ttu̧yu̧'ca̧ri̧ öoto jo̧mȩnä̧ ji̧na̧'a̧ kä̧hua̧ räopa'acumä ja̧'hua̧ta̧'a̧nö̧ öotomä yorätehuina'a ttu̧huo̧jua̧'a̧cu̧nä̧'i̧nä̧. ²⁰ Ja̧'hua̧nö̧ ja̧'a̧ ja̧u̧mä̧ pa̧ja̧ti̧nö̧ äpatemä öoto'inä ja̧'hua̧ta̧'a̧nö̧ käcuoräcu'inä ttu̧huo̧jua̧'a̧cu̧nä̧ ja̧'a̧nä̧ umi isaränä katemä. ²¹ Ju̧huȩnȩmä̧ ki̧na̧'a̧ huä̧bo̧ca̧cuä̧ aboja̧'a̧cu̧nä̧mä̧ äpatiyä ka̧cui̧na̧'a̧, ja̧'hua̧ta̧'a̧nö̧ äpatemä öotomä doächi'äcuähuome äpate jö̧ta̧'a̧nö̧ yorätehuina'a: Öotomä 50nö ttu̧yu̧'ca̧ri̧ öoto jo̧mȩnä̧ ja̧'hua̧ta̧'a̧nö̧ käcuoräcumä 25nö ttu̧yu̧'ca̧ri̧ öoto jo̧mȩnä̧. ²² Yäecuate, doächiäcuähuome, ä̧'ä̧huä̧'oä̧ca̧, ja̧'hua̧ta̧'a̧nö̧ daujuiyämä ko̧cu̧yi̧na̧'a̧ apate kä̧hua̧ räopa'acunä. Ji̧mu̧tȩ ta'arenö jo̧mȩ kä̧dö̧ 'chahuächäcuähuome ji̧na̧'a̧ kä̧hua̧ räopa'acu apatera̧'a̧ isarara̧'a̧ pätti'apä'ömä. ²³ Yatete apate ki̧na̧'a̧ isode aboja̧'a̧nä̧ karate pä̧tȩcuä̧nö̧ kä̧hua̧ u̧huo̧jua̧'a̧nä̧cu̧, ja̧'hua̧ta̧'a̧nö̧ ki̧na̧'a̧ karate apatemä ki̧na̧'a̧ kä̧hua̧ räopa'acunä; Tö̧ja̧sa̧mä̧ pa̧ja̧ti̧nö̧ apate karate apatecu jo̧mȩmä̧, 100nö ttu̧yu̧'ca̧ri̧ ttu̧mu̧ jo̧mȩ ö'otomä. ²⁴ Ja̧'hua̧nö̧ ja̧'a̧ ja̧u̧mä̧ i'chächinäcu̧sä̧ apate kä̧hua̧ i'eruhua'acu katera̧'a̧, tto̧ȩpä̧rä̧bä'inä ja̧'hua̧ta̧'a̧nö̧ do'ächä̧cuä̧huo̧ca̧'i̧nä̧ apate u̧mi̧nä̧ kate jö̧ta̧'a̧nö̧ ö̧rö̧ä̧mä̧ yorätehuina'a. ²⁵ Yäecuä ate ka̧cui̧na̧'a̧ apatiyä'inä ja̧'hua̧ta̧'a̧nö̧ do'ächi'äcuähuome'inä dottächä pä'ö ttö̧ȩpä̧ro̧mȩ'i̧nä̧ muȩcuä̧ri̧na̧'a̧. Kä̧hua̧ ö'ohue ja̧'a̧cu̧ ka̧cu̧ ate'inä ö'otomä jina'a 50nö ttu̧yu̧ca̧ri̧ ttu̧mu̧ jo̧mȩ ji̧na̧'a̧ ja̧'hua̧ta̧'a̧nö̧ öcähuemä ji̧na̧'a̧ 25nö̧ ttu̧yu̧ca̧ri̧ ttu̧mö̧ jo̧mȩ. ²⁶ Sietenö jo̧menä ki̧nä̧'a̧ 'quȩnö̧ 'chäcuächäcuä cuomemä aparte jo'ttöju isatemä ja̧'hua̧ta̧nö doächäcuomemä, ja̧'hua̧nötä̧ ki̧na'a̧ palmera 'co̧'ö̧ adihuä'ä 'toecuäbä punä'a̧. ²⁷ Isode apate ä'cä isarämä doächi'ö ki̧nä̧'a̧ ttierucuä'acunä, Ja̧'huätä̧nö ttö̧jo̧sa̧mä juä'atettö ka̧mädu̧ pä̧'ä̧ti̧nö apate ttierucuä'acunä do'ächäcuäte 'ka̧'ä kädö ö'otömä jinä'a̧ cien ttöyuca̧ri̧nö jo̧menä. ²⁸ Ja̧'hua̧nö ja̧'a̧ ja̧u̧mä̧ ojuisode ä'ca'a jacuojunä isaräcu jȩpi̧näcusä̧ apate ttierucuä'äcunä 'kate ka̧'a̧cu̧nä, 'juate apatemä ö'otomä 'cäräte jä'ämetä̧ ji̧na̧'ate. ²⁹ Ä'ä̧cuo̧'cä̧mä, ttöecuäbä, ja̧'hua̧ta̧nö doächacuäjuiomämä ö'otomä käräte apate ja̧metä̧ ji̧na̧'a̧; doächä'äcuomenä jäyänämä O'cä'ajuiyunä ki̧na'a̧ vetaniyu̧mä. doä'äcuähuiomä jacuänä käte apatemä ö'otomä ji̧na̧'a̧ cincuenta jomenä ji̧na̧'a̧ tä̧ ja̧'hua̧ta̧nö veinticinco jo̧menä ji̧na̧'a̧ ö̧'ru̧ä̧'a̧mä. ³⁰ Ja̧'hua̧ta̧nö do'ächäcuome jäyänämä O'cäjuiyumätä ka̧cui̧nä̧'a̧ jahuänä apatiyumä. pi̧yȩmä veinticinco jo̧menä ö'otomä ja̧'hua̧tä̧'a̧nö cinconö jome ttöyu'cä̧ri̧nö ji̧na'a̧ ö'cähuememä. ³¹ Doähacuäcuäjuiomä apate öminä isaränämä palmerasttö 'cö̧'ö̧ adihuä jäyättöecuäbänämä ochonö jo̧mȩnä kina'a̧ chacuächäcuähuomenä penebumä. ³² Ja̧'hua̧nö̧ ja̧'a̧ ttö̧ja̧sa̧mä̧ kä'co isaräcu kä̧hua̧ räopa'acu mänänä oipinäcu̧sä̧ ja̧'hua̧ta̧'a̧nö̧ äpate'inä pa̧ja̧ti̧nö̧, jahuatemä ö̧rö̧ä̧mä̧ karate jö̧ta̧'a̧nö̧ yorätehuina'a. ³³ Ä̧'ä̧huo̧ca̧'i̧nä̧, ötahuiyä ttoecuäbä'inä ja̧'hua̧ta̧'a̧nö̧ doächäcuähuome'inä koro äpatiyä jö̧ta̧'a̧nö̧ yorätehuina'a juhua'atäcu jäyänä̧mä̧ ventaniyu̧ ka̧cui̧na̧'a̧. Apate jacuänä kate'inä ja̧'hua̧ta̧'a̧nö̧ doächi'äcuähuome öotomä 50nö ttu̧yu̧'ca̧ri̧ jo̧mȩ ji̧na̧'a̧ ja̧'hua̧ta̧'a̧nö̧ 25nö̧ ttu̧yu̧'ca̧ri̧ jo̧mȩnä̧ ji̧na̧'a̧ käcuoräcumä. ³⁴ Doächi'äcuähuomemä kä'co isaräcu bahuecuächa'a jina'a; ja̧u̧ jäyänämä ojiyä ka̧cui̧na̧'a̧ ja̧'hua̧ta̧'a̧nö̧ 8nö̧ jo̧mȩnä̧ ki̧na̧'a̧ ju'tojucu 'chahuächi'äcuähuomemä. ³⁵ Ja̧'hua̧nö ja̧'a̧ ja̧u̧nö O'cä'a ja̧u̧mä apate ttuhuo̧'a̧cunä ka̧'a̧cu̧ i̧'cächinäcusä̧ ppa̧'a̧tto̧mä, kärate apate juo̧ta̧'a̧nö päjätinö käratenä. ³⁶ Ä'ähuo'cädä'a̧ ttoehuäbämä ja̧'ha̧ta̧'a̧nö doächiäcuähuomedä'ä̧ kärate apate ja̧metä̧ yoräteönätä̧ ji̧na̧'a̧ ö'otomä, jäyänämä vetaniyo̧ ka̧jui̧na̧. Apate ttoehuäbämä cincuentanö ttöcho̧'ca̧ri̧ jo̧menä ji̧na̧'a̧ ö'otomä veinticinconö jo̧menä ö'cäjuemä. ³⁷ Doächähuähuiomeisä'cä'anä pa̧tȩcuo̧ 'cö̧'ö̧ huȩyo̧ttö̧ rutinättö palmeras ö̧'a̧cuä̧'a ja̧'hua̧nö ja̧ttö̧ juȩnmä ochonö jomenä kinä'a̧ cha̧huächä'ä huäcuomemä. ³⁸ Doächä huähuiome apate jähuänämä pä̧tȩcö̧ 'ka̧cui̧mö̧nä̧'a̧ ä̧'ähuo'cä'a̧i̧nä. juenemä jinä'a̧ ku'juihu iyähuä ttö'co'ö tihuome. ³⁹ Doächäcuä juiomemä pä̧tȩö̧ mesa odiyä todäre kä̧cui̧nä̧'a̧, juo̧'ö̧mä ku'ui cu iyäcuä iyinättö, Ja̧hua̧ta̧nö ja̧u̧mä suronä jȩttö̧ ttö'cächi'önä iyähuä ja̧'hua̧ta̧nö ttö suronä jȩchä̧ji̧mä. ⁴⁰ Ttoecuäpi jäyänä, kä̧hua̧ ö̧huo̧jua̧cu̧ apate ka̧'a̧cu̧ 'ca'achinö, mesa isodä todäre ki̧na̧'a̧. Ja̧hua̧ta̧'a̧nö̧ karanä päteömä mesa isodä todäre ki̧na̧'a̧ apate ä'ca jo̧mȩ. ⁴¹ Pa̧ja̧cuä̧nö̧ mesa isodä ki̧na̧'a̧ apate jäyänä ka̧'cu̧ ya'acu jönä; Jahuätömä ochonö otänämä isotörö kuicu ichinätö̧. ⁴² Ko̧cui̧nä̧ pa̧ja̧cuä̧nö̧ mesa'odiiyä i̧nä̧ o'quittö 'cui'ö adicuä o'dä ku'icu iyähuomemä, yaute ttu̧yu̧'ca̧ri̧ ttu̧mu̧ beipomejubu yaute me'ä̧huo̧mȩ ji̧na̧'a̧ ö'otomä, ja̧'hua̧ta̧'a̧nä̧ yaute ttu̧yu̧'ca̧ri̧ ttu̧mu̧ beipomejubu yaute me'ä̧huo̧mȩ ji̧na̧'a̧ käcuoräcumä, ju'tojucutmä yaute ttu̧yu̧ca̧ri̧ jo̧mȩtä̧ ji̧na̧'a̧. Jahuätömä juȩnȩtä̧ rötinätö̧ ku'icu jȩtta̧ pä'ö iyähuämä. ⁴³ Äcuädö rö̧nä̧huä̧ o̧'cä̧ päjure ta'are ä'chunu päi'önä ji̧na̧'a̧ ö'otomä ya'ate mȩä̧huo̧mȩ jo̧mȩ ko̧cui̧na̧'a̧ do'ächä̧cuä̧huö̧ca̧ sobuchächönä, Ja̧'hua̧nö̧ ja̧'a̧ttö̧ ku'icu iyähuä idepämä huȩji̧na̧'a̧ mesiyu ju'tä ⁴⁴ Apate jacuä tö'cönänömä, isode isarä jacuäcu ko̧cui̧na̧'a̧ ra̧huä̧huä̧ ttö̧ja̧ tttä'ö o̧ca. Pi̧yȩ o̧ca̧ttö̧ yautemä ki̧na̧'a̧ kä̧hua̧ uhuo̧jua̧'a̧cu̧ ja̧'hua̧nö ja̧'a̧nä yautemä kina'a kähua̧ ieruhua'acu. Ja̧'hua̧ ja̧'a̧tö̧ ja̧u̧ ubomä päinä̧cu̧sä̧: ⁴⁵ "Po̧ca̧ kä̧hua̧ ieruhua'acu to̧pä̧rö̧ kö̧ca̧mä sacerdotes huotö ttä'a pä'ö ja̧'a̧ pode jacuä aditätö. ⁴⁶ Apate kä̧hua̧ u̧huo̧jua̧'a̧cu̧ katenämä Sacerdote huotö ku'icu iyähuome tta̧'a̧rä̧tö̧tä̧ ttö̧jo̧mȩ ji̧na̧'a̧. Ja'huätömä Sadok i̧tti̧mö̧ ji̧na̧'a̧ TTÖ̧Ä̧NÄ̧HUA̧TTÖ̧ ötö'cönä ttö̧ja̧ pä'ö pätecuächinätö ji̧na̧'a̧; Ja'huätömä Levi ahuaruhuäcu tö'cönä huinätö̧. ⁴⁷ Ja̧u̧nu̧ o'ca'a u̧mi̧'isarenä̧ pa̧ja̧ti̧nö̧- ji̧mu̧tȩnö ttu̧yu̧'ca̧ri̧ ttu̧mu̧ jo̧mȩ ji̧na̧'a̧ öotomä ja̧'hua̧ta̧'a̧nö̧ öcähue'inä ciennö ttu̧yu̧'ca̧ri̧ ttu̧mu̧ jo̧mȩ ji̧na̧'a̧ i̧so̧ca̧mä̧, ku'icu iyähuomemä isode ä'ca jo̧mȩcu̧ ji̧na̧'a̧. ⁴⁸ Ja̧'hua̧nö̧ ja̧'a̧ ja̧u̧mä̧ i'chächinäcu̧sä̧ ojusode do'ächäcuähuomȩcu̧ ichiö pa̧ja̧ti̧nö̧ apate kä̧cuä̧ obu, ja̧u̧ obumä ji̧na̧'a̧ ji̧mu̧tȩnö ttu̧yu̧'ca̧ri̧ ttu̧mu̧ jo̧mȩ ji̧na̧'a̧ pätecu ö̧rö̧a̧mä̧. ⁴⁹ Ji̧nä̧ iso doächäcuähuome ö̧rö̧'ä̧mä̧ ji̧na̧'a̧ 14nö̧ ttu̧yu̧'ca̧ri̧ ttu̧mu̧ jubu, juȩnȩ ppeyanä ttö̧'ȩpä̧rö̧ o'camä huäba'acunö ttu̧yu̧'ca̧ri̧ ttu̧mu̧ jubu ji̧na̧'a̧. Do'ächäcuähuome o̧rö̧'ä̧mä̧ 20nö̧ ttu̧yu̧'ca̧ri̧ ttu̧mö̧ jubu ji̧na̧'a̧, ja̧'hua̧ta̧nö̧ rȩjȩcu̧mä̧ ji̧na̧'a̧ 11nö̧ ttu̧yu̧'ca̧ri̧ jo̧mȩ. Ju̧huȩnȩmä̧ jua'a 'chähuächäcuähuome'inä ka̧cui̧na̧'a̧ ja̧'hua̧ta̧'a̧nö̧ ppeyänämä 'quiecuä o'ca ka̧cui̧na̧'a̧.