¹ Ja̧u̧nu̧ o'ca'a TÖ̧Ä̧NÄ̧HUA̧ i̧huȩnȩ rȩbȩhui̧pö̧ pa̧'a̧nö̧ päina'a: ² Ttö̧ja̧sa̧ i̧tti̧ Seir möä'cara̧'a̧cu̧ topi ja̧'hua̧ta̧'a̧nö̧ jahuätörö 'cuäopä̧cuȩ ji̧'ä̧hui̧. ³ Pa̧'a̧nö̧ pä'ö TÖ̧Ä̧NÄ̧HUA̧MÄ̧ , pä'ö ji'ähuitö: Topittö, Ttömä ucucumä to'ija'acu kö̧sä̧. Seir möä'canä kö̧rö̧ ja̧'hua̧ta̧'a̧nö̧ Ttömä chumönä cuädinä̧cu̧jä̧ ja̧'hua̧nö̧ jȩpö̧ toächomettä ja̧'hua̧ta̧'a̧nö̧ surojometö jö̧nä̧ pärotö chicuäcua̧jä̧. ⁴ Cuidepiyumä surojuo'epö chicuiyä̧cua̧jä̧ ja̧'hua̧ta̧'a̧nö̧ ucumä cuamönä pa̧ja̧tö̧tä̧ toächome jö̧nä̧tä̧ pärotäcuäu cui̧cuä̧cua̧jä̧; ja̧'hua̧nö̧ jo̧mȩnä̧ Ttörö TTÖ̧Ä̧NÄ̧HUA̧ ja̧'a̧ pä'ö cu̧huo̧juä̧cua̧jä̧. ⁵ Ucumä 'cuäopönä̧tä̧ Israel ttö̧ja̧ ttaboi̧ya̧ jö̧nä̧tä̧ huä'ijöjä̧, juhua'amä isopäi'önä tta̧'cua̧ tta̧ttȩcu̧ mo̧ro̧ ja̧'hua̧ta̧'a̧nö̧ ro̧ȩcuä̧nä̧ ttö̧ja̧cu̧ mo̧ro̧ curä o'chunä cuä'ä tticu cuiyina'attö̧. ⁶ Ja̧'hua̧nö̧ ja̧'a̧ttö̧ Ttömä 'cuäopönä̧tä̧ kö̧sä̧, pa̧'a̧nö̧tä̧ huäjuetö ji'öu icu TÖ̧Ä̧NÄ̧HUA̧MÄ̧ Dios. ¡Ttömä cuä'ö tticuacu pä'ö jo̧mȩnö̧ jȩpö̧ chu̧ju̧nä̧cua̧jä̧ ja̧'hua̧nö̧ jo̧mȩnä̧ ja̧u̧ cuättäumä cädi'oca'a jä̧cua̧'a̧! cuä'äumä chicu jiyö'anö ja̧'a̧ päcuoca'a jä̧ja̧'a̧ttö̧, cuä'äu cuicuäjimä cuo'ca'anä ru̧huä̧rä̧cua̧jä̧. ⁷ Ttömä jȩchȩcuä̧sä̧ seir deiyumä O'cäjuiyunätä icuihuomenätä jö̧nätä̧ ja̧'hua̧'a̧nö ja̧'a̧ huȩnȩnä pä'äjita̧'a̧nö jueinenä 'cuäopumä siepuicuäcuäcua̧. ⁸ juene deiyumä ja̧'hua̧nö jö̧ O'ca'amä 'corujuoächä'ätö ja̧'hua̧'a̧. 'cuarätö rohuäju 'coruhuoächätörömä po̧ri̧yä̧tä̧i̧nä̧ pä̧märoppä̧ päi'o medä̧jä̧ 'cua'ajenäinä O'cäjuyunätä cuäjätö jä̧'hua̧ ja̧'a̧. ⁹ tömä pärotö chi̧cua̧cua̧sä̧ tö̧ju̧ jui̧yu̧nätä junä. Cuo̧jo̧me ötahuiyamä tö̧ju̧ jui̧yunätä̧, Ja̧'hua̧nötä uhuojuipä̧cua̧ TÖ̧Ä̧NÄ̧HUA̧ pä'ömä. ¹⁰ Ucutä pä'äjiyä̧: "ta̧ju̧ huotömä toja̧rȩ'ȩ rȩjȩnä ka̧cua̧tö̧mä ttö chumöcuäyotö ttäcuotö, "Ja̧'hua̧'a̧ttö̧ ujututä huetähuotö,"ji̧nä'ä TÖ̧Ä̧NÄ̧HUA̧ jitötäcu i̧ja̧'i̧. ¹¹ ttömä,'ji̧nä'a a̧huä̧ru̧sä̧,' TÖ̧Ä̧NÄ̧HUA̧ Diosmä cuäjunä cuäjuettöicuäji pi̧yȩmä, Ja̧'hua̧nötä̧ jȩhä̧'ä̧cua̧sä̧ ucu cuämisurächiä'jimä ja̧'hua̧nö cuä'cuoyähuoinä cuju'coca'a jȩ'cuä̧ji̧mä Israelrö, Ja̧'hua̧nötä̧ chi̧jȩpä̧cua̧sä̧ ro̧ȩ'cuä̧mä juättörömä, ¹² Jau̧nu̧tä̧ cu̧huo̧juä̧jä̧ TTÖRÖMÄ CHU̧RU̧HUA̧ ja̧'a̧ pä'ömä. Ä̧ju̧cuä̧'i̧yö̧sä̧ ucu o'cajuiyönä suronä päö cucuohuä'cha'amä Israel ttö̧ja̧ deiyunä, ucumä päinöjä̧: " Jahuätörömä i̧yähui'inä̧u̧jä̧ cua'cuäpu siepu ticua'päötä." ¹³ Ucumä TTÖTTÖ'INÄ abonänö buosä päö päinöjä̧, ja̧'hua̧nö̧ ucuocu rö̧ä̧di̧ni̧jä̧ ttörömä ; TTÖ ä̧ju̧cui̧nö̧sä̧ o'cajuiyönätä̧. ¹⁴ TÖ̧Ä̧NÄ̧HUA̧ DIOS pi̧yȩ pä'ö: TTÖ ucuru jȩ'chä̧cua̧sä̧ katätä cu̧ji̧pu̧nä, pi̧jä̧ o'cajuiyönä eseu ttö̧jo̧cua̧'anä. ¹⁵ Ucutä Israel ttirȩjä̧ 'cho'ipä'chö eseu cu̧ji̧nö'a̧nö tta̧'cua̧ tta̧ttȩcua̧'anä, TTÖMÄ ja̧'hua̧nötä̧ jȩchä̧cua̧jä̧. Ucumä katätä cu̧ji̧pä̧cua̧jä̧, Seir dea'nä̧mä jahuata'anö Edomttö̧ o'cajuiyönä̧tä̧, ̧huä̧ne ko̧cuä̧tö̧ o'catoinätä̧! Ja̧u̧nju̧ o'ca'atä ttu̧cuo̧juä̧cuo̧tö̧ TTÖRÖMÄ TÖ̧Ä̧NÄ̧HUA̧ pä'ömä.