¹ Ja̧u̧nu̧ o'ca'a CHU̧RU̧HUA̧ i̧huȩnȩ ttörö rä̧bȩhui̧na̧'a̧, pa̧'a̧nö̧ pä'ö: ² "Ttö̧ja̧sa̧ i̧tti, pi̧yȩ pä'ösä ucu cuahuärucuärömä; jahuätörö ji'ähui: Ji̧yȩnö̧ TTÖ curä'chu chi'cächö pänä̧mä̧ pähuä̧rö̧jö̧'a̧nö̧ tti̧rȩjä̧ ttö̧jo̧mȩttö̧ jä̧cua̧'a̧, ja̧hua̧nö̧ jö̧ttö̧mä̧ juä̧jä̧ ttö̧ja̧ttä̧ ya̧tȩrö̧ chuä̧dö ȩmu̧ ku̧nu̧ jahuätörötä tta̧huä̧ra̧ pä'ö. ³ ¡Jä̧u̧tä̧ to̧ä̧rä̧cua̧ ttirȩjä̧ rohuäu ichätörömä, jä̧hua̧ja̧ttö̧ ja̧u̧tä̧ i̧sa̧ ä̧ja̧ i̧sä̧na ppu̧ä̧cua̧ ttö̧ja̧ ttu̧'ȩpä̧rö̧nö̧! ⁴ Ötahuiyä ttö̧ja̧ i̧sa̧ ä̧ja̧ i̧sä̧na̧ ttä̧ju̧cua̧'a̧nä̧, jarodätömä, ja̧'hua̧ta̧'a̧nö̧ curä'chu i'chö cuä'ö icuttumä, tta̧mo̧nä̧ ttucuojatä mö̧ä̧cuö̧tö̧ ttu̧nä̧mä̧. ⁵ Ya̧tȩ i̧sa̧ ä̧ja̧ i̧sä̧nä̧ ucuocua'a ä̧ju̧cua̧'a̧nä̧, ä̧ju̧cuo̧cö̧tö̧ jȩ'ö̧ttö̧mä̧, cuojamä ja̧u̧ru̧tä̧ mo̧ä̧cua̧'a̧; ja̧'hua̧nö̧ ja̧'a̧nä̧ adiunä ä̧ju̧cu̧ttu̧mä̧, toe'oca'atä ö̧ji̧pä̧cua̧. ⁶ Ja̧'hua̧nö̧ ja̧'a̧nä̧, tta̧huä̧rä̧cuä̧huä̧ i̧sa̧ curä'chucu icha'a toa'anä i̧sa̧ ä̧ja̧ i̧sä̧nä̧ ppujuiyöttömä, ttö̧ja̧'i̧nä̧ adinä ttä̧ju̧cu̧ juiyöttömä, curä'chuinä ja̧'a̧tä̧ra̧'a̧ ichi'ö ya̧tȩrö̧ cuä'ö icuttumä, jua'amä suronä jȩä̧ji̧tä̧ pätecuächäcu, ja̧'hua̧nö̧ ja̧'a̧nä̧ ttöta ro̧dȩpä̧cua̧ tta̧hua̧rä̧cuä̧huaä̧ i̧sa̧ suron jȩ'ä̧ji̧mä̧. ⁷ ¡Jitämä ucutätä, ttö̧ja̧sa̧ i̧tti̧! Ucumä jȩchi̧nä̧cu̧jä̧ Israel ttö̧ja̧rö̧ adiu to̧pä̧rö̧ tta̧cuä̧ra̧ pä'ö; Ucumä chucuocumä cuä̧ju̧cua̧ttö̧jä̧ ja̧'hua̧ta̧'a̧nö̧ ttö jidäu 'cuäopäcuȩmä̧ jicuähuatöjä̧. ⁸ Isopäi'önä ya̧tȩ ttö̧ja̧sa̧rö su̧ro̧pa̧ pädöttömä, ¡Suropäjinämä ucutä 'corujuocuächäcua̧jä̧! ja̧'hua̧nö̧ ja̧'a̧nä̧ ja̧u̧ su̧ro̧pa̧ u̧mä̧nä̧ tö'cö 'cuä̧o̧pä̧cuȩ jicuähuoca'a jö̧ttö̧mä̧, su̧ro̧pa̧mä̧ surojö jȩä̧ji̧ jähuänätä toe'ä̧chä̧cua̧, ⁹ ja̧'hua̧nö̧ ja̧'a̧nä̧ ¡ja̧u̧ toe'ächäji micuämä ucurutä jä̧dȩpä̧cua̧sä̧! Ja̧'hua̧nö̧ ja̧'a̧ ucu suronä jȩpö̧ u̧mä̧nä̧ tö'cö 'cuäopcuȩ jicuäuttömä, suronä jȩä̧ji̧ cädiá pä'ö, ja̧'hua̧nö̧ jicuähua'anä ö'ärohuächa päoca'a jö̧ttö̧mä̧, ja̧u̧mä̧ chutä amönä pa̧ja̧tö̧ surojö jȩä̧ji̧nä̧tä̧ toe'ächä̧cua̧, ja̧'hua̧nä̧ ja̧'a̧nä̧ ucumä cuamö cua̧'cua̧rö̧mä̧ to'e'ächocöjä. ¹⁰ Ja̧'hua̧nö̧ ja̧'a̧ttö̧ ucu ttö̧ja̧sa̧ i̧tti̧mä̧, Israel ttö̧ja̧rö̧ ji'ähui, ucumä pi̧yȩ pä'öjä̧: "¡Ujutu tucuotocömä ja̧'hua̧ta̧'a̧nö̧ surojö jȩtö̧mä̧ ujurunätä̧ ka̧'a̧ ja̧'hua̧nö̧ ja̧'a̧ttö̧ ujutumä ja̧u̧tä̧tä̧ hua'epö i̧cuä̧u̧jä̧! ¿Tocu a̧'cua̧rö̧ ttö̧jä̧cua̧'a̧ttö̧? ¹¹ Jahuätörö ji'ähui: Ttömä Kö̧sa̧, pi̧yȩ ja̧'a̧ TÖ̧Ä̧NÄ̧HUA̧ huäjuetö icu jiäumä. Ttömä suronä jȩpö̧ 'corujuoächomenämä esehuocösa, ja'huatäcu su̧ro̧pa̧ suronä jȩä̧ji̧ cädi'öttömä, ja̧u̧mä̧ ö̧jä̧cua̧, ¡suronä jȩ'cuä̧ji̧ cä́'ädi'öttömö! isopäi'önätä ¿Tta'anö pä'ö 'corujuottächoca'a. ja̧'hua̧nö̧ jo̧ca̧'ttö̧mä̧ Israel ttö̧ja̧? ¹² Ja̧'hua̧nö̧ ja̧'a̧ttö̧ jitämä, ttö̧ja̧sa̧ i̧tti̧, cuahuaruhuärö ji'ähui: "¡Ya̧tȩ adihuomenä ku̧, adihuomenä jȩa̧ja̧ pä'ö'inä suronä jȩö̧ttö̧mä̧ ra̧huä̧pi̧ju̧ttö̧mä̧ ki̧'o̧cö̧ jä̧cua̧ ya̧tȩ su̧ro̧pa̧ surojö jȩö̧nä̧mä̧, to'e'ächocö jä̧cua̧ suronä jȩä̧ji̧ cädi'öttömä! Isopäi'önä adiu kö̧ ja̧'a̧nä̧ surojö jȩö̧ttö̧mä̧ adihuomenä jȩu̧mä̧ ppädococu jä̧cua̧. ¹³ Ttö adihuomenä kö̧rö̧ pädöttömä: Isopäi'önätä 'cuäopönätä̧ ku̧jä̧cua̧, chutä adihuomenä jȩö̧ a̧'cua̧ i̧huȩnä̧ra̧'a̧nä̧, surojö jȩö̧ttö̧mä̧, adihuomenä jȩi̧nö̧ ji̧nö̧mä̧ ji̧yȩtȩ'i̧nä̧ a̧mö̧cuädäcuähuocö jä̧cua̧. Ja̧u̧mä̧ surojö jȩi̧nö̧nä̧tä̧ toe'ächä̧cua̧. ¹⁴ Ja̧'hua̧ta̧'a̧nö̧ suronä jȩpö̧rö̧ pädöttömä: "Ucumä isopäi'önätä 'corujuocu'chä̧cua̧jä̧," ja̧'hua̧nö̧ pädäcu suronä jȩä̧ji̧ cädi'öttömä ja̧'hua̧nö̧ adihuomenätä̧ jueö huȩnȩtä̧ jȩö̧ttö̧mä̧, ¹⁵ suronä jȩo̧mȩnä̧ ö'ärohuinö jinö toe'ächinömä ppa̧huä̧di̧pä̧cua̧, ja̧'hua̧nö̧ jo̧ca̧'a̧jö̧ttö̧'i̧nä̧ u̧nä̧u̧cui̧nö̧ ppa̧huä̧dö̧ttö̧mä̧ ja̧'hua̧ta̧'a̧nö̧ hueähuä huȩnȩ tta̧'cua̧rö̧ iyö jähuänä cueächöttömä jjuhua'atäcu yabonä surojö jȩö̧ juiyöttömä, 'corujuottächajueimä 'cuäopönätä ö̧jä̧cua̧. ¹⁶ Ji̧yȩtȩ'i̧nä̧ ja̧u̧ suronä jȩi̧nö̧mä̧ a̧mö̧cuädäcuähuoca'a jä̧cua̧'a̧. ¡Ja̧u̧mä̧ adihuomenä jueö huȩnȩnä̧ ö̧ja̧'a̧ttö̧ ja̧'hua̧nö̧ ja̧'a̧ttö̧ ja̧u̧mä̧ 'cuäpönätä̧ ö̧jä̧cua̧! ¹⁷ Ja̧hua̧nö ja̧'a̧ pä'ättö: " ¡tö̧ä̧nä̧hua̧ ö̧mänämä suronä jȩpu̧jä̧!" ¡ja̧hua̧nö ja̧'a̧ttö̧ juämämä jo̧ca̧'ä̧ suronä jȩpä̧ttö̧ to̧mänämä! ¹⁸ ¡ttö̧ja̧ adiu jȩpä̧ji̧mä isopä'önätä̧ ja̧hua̧ta̧a̧nö suronä jȩ'öttömä ja̧hua̧nö ja̧'a̧ttö̧ ja̧u̧mä ja̧u̧ttö̧tä̧ 'coruhuoächä̧cua̧! ¹⁹ Ja̧u̧ suronä jȩpäi päi̧ta'anö ja̧u̧nätä̧ pä̧'ä̧chu̧ ja̧hua̧nötä jȩpo̧ adiunätä ja̧hua̧ta̧nö jueönätä, ¡Ja̧u̧mä ji̧yȩnätä ijäcua! ²⁰ Ja̧hua̧nö ja̧'a̧ttö̧ ucutudäjä̧ pä'ättöja̧: "¡juä̧'a̧mä tö̧a̧nä̧hua̧ ö̧mänämä jueo'comä! "¡ttömä ucuturu yotucunäru̧ jȩcui̧tu̧cua̧cu̧ ro̧dȩpä̧cua̧sä̧, I̧srael ttö̧ja̧ro̧mä. ²¹ Doncenö a̧jȩ päi'ome cuäopina'a̧, mo̧ro̧tä cinconö mo̧ro̧ päi'omenä kächua̧ttä̧ dieznö päi'omenä 'chucuädinättö, tȩpi̧nä̧'ö̧ ttö chi̧a̧'a̧cu̧ 'i̧cächinättö Jerusalén 'cä̧mädö̧ ja̧hua̧ta̧nö päi'nätö̧, "¡ Bä̧rehujö Ötahuiya siepuicuäcuä'a!" ²² TÖ̧A̧NA̧HUA̧ Dios ö̧mönätä ki̧nö̧sä̧ ttömä cärenä pȩä̧ttö ttichäcuä'a a'canämä nipäro̧memä, Ja̧hua̧nö̧ jä̧'a̧ mo̧ro̧ päi'a chichomenämä chä'amä ä'ättä ji̧na̧'a̧; Ja̧hua̧nö ji̧na̧'a̧ chä'ämä ättä ji̧nätä̧ ; ¡ ttömä chucuoka'amä 'ko̧'ku̧pinösä̧! ²³ Jahua'anö ja̧'a̧tö̧ TU̧RU̧HUA̧ TTÖ̧Ä̧NA̧HUA̧MÄ̧ ttö chöjo̧mȩcu̧ i̧chö pä'inö: ²⁴ Ttö̧ja̧sa̧ i̧tti̧, I̧srael rȩjȩnä̧ kä̧nö̧ suräcuätömä ucuocuä'chätö pa'anö pä'ö: '¡Abrahamä ttö̧ja̧sa̧ ya̧tȩtä̧ huinö, jahua'anö ja̧'anä rȩjȩ rö̧ä̧'i̧nä̧ ku̧nä̧ri̧nö, jahua'anö jo̧ca̧'a̧ ujutumä juiyo recuätöjä!. Rȩjȩmä̧ tä'cö ujuturutä iyähui'inä̧jä̧.' ²⁵ Jahua'anö̧ ja'anä̧ jiähuitö: TU̧RU̧HUA̧ TTÖ̧Ä̧NÄ̧HUA̧ pa'a̧nö̧ pä'ö: Ucutumä idepä ucuoja ka̧'a̧nä̧ cuätöjä jahua'anö̧ janä̧'i̧nä̧ amonä cu̧'änä̧huo̧tö̧rö̧tä̧ to̧pä̧rä̧tö̧jä̧ ja̧u̧nu̧ o'ca ucutumä ttö̧ja̧ ttucuoja huerädö cuä'cuäpu icuätöjä. ¿Ja̧hua̧'a̧nö̧ huotömä rȩjȩ uruhuotö päi'önä cu̧jä̧tu̧cua̧'a̧nö ja̧'a̧tä̧ji̧? ²⁶ Ucutumä cua̧monä̧ cujurutucunä̧tä̧ rohuäu 'cho'ipä'chö surojönä̧tä̧ jȩpi̧'änä̧tö̧jä̧; ya̧cu̧nä̧mä̧ ka̧ra̧ irecuarö 'cho'ipä'chö pähuärö̧jö̧'anö jȩpi̧nä̧tö̧jä̧. ¿Jahua'anö huotömä rȩjȩ uruhuotö päi'önä cu̧jä̧tu̧cua̧'anö ja̧'a̧ tä̧ji̧?'. ²⁷ Ja̧'hua̧nö̧ ja̧'a̧ttö̧ huȩnȩ ro̧'ȩpu̧nö̧ ji'ähuirö TU̧RU̧HUA̧ o'cajuiyönä ju̧ru̧hua̧mä̧ pa̧'a̧nö̧ pä'ö: Isopäi'önä Ttömä 'cuäopönätä kö̧sä̧, jitö ttö̧jö̧'i̧nä̧ i̧jȩcuä̧cho̧ca̧'a̧nä̧ kä̧tö̧mä̧ hua'ö tticuäcuotö curä'chu pätecu sahuecuä'chunä ja̧'hua̧ta̧'a̧nö̧ pi̧jä̧ huä̧mȩnä̧ tti'ättiyura̧'a̧ ka̧cuä̧tö̧rö̧mä̧ iyö chi̧cuä̧cua̧sä̧ isotö ttö̧jä̧pi̧yä̧ pa̧ja̧cuä̧nö̧ ku̧nä̧rä̧tö̧ ttucui'ätucuacu pä'ö. ²⁸ Ja̧'hua̧nö̧ ja̧'a̧ pi̧jä̧ rȩjȩmä̧ Ttö pärotö chi̧cuä̧cua̧jä̧ tta̧'cua̧tta̧ jö̧'i̧nä̧ ja̧'hua̧ta̧'a̧nö̧ ttami suru'inä juhua'atäcu ttötä chujurunä hueda päcuäjimä beipächäcua'a, Israel de'iyumä ki̧'i̧pcua̧'a̧ de'a jui̧yä̧jä̧ jö̧nä̧tä̧; ya̧tȩ'i̧nä̧ ju̧huȩnȩmä̧ 'cuäopö juiyönätä. ²⁹ Ji̧yȩnö̧ pä̧nä̧ de'a jui̧yä̧jä̧nä̧ Ttö ku̧ni̧pi̧nö̧sä̧ ja̧'hua̧ta̧'a̧nö̧ ja̧huä̧jä̧ rȩjȩttö̧ usurä isotö juo'ächinätö̧jä̧ jitö surojö uhuäbe'ä'chu jȩttä̧'cha̧'a̧ttö̧, ja̧'hua̧nö̧ jä̧u̧ ttu̧ttȩpä̧rä̧chi̧'ä̧cuo̧tö̧ TU̧RU̧HUA̧ Diosrö. ^{30 31} maria ³² Ucumä kö'cö ra̧huä̧huä̧ jä̧'i̧nö̧'a̧nö̧ hua̧jä̧ jahuätörömä adiu rä̧mi̧pa̧'a̧ jä̧'i̧nö̧'a̧nö̧ appiyänä 'porähuäbanä ttu'poromenä, ja̧'hua̧nö̧ ja̧'a̧ ttö̧ju̧cuä̧cuo̧tö̧ cui̧huȩnȩ, ja̧'hua̧nö̧ ja̧'a̧nä̧ jahuätöttömä ya̧tȩ'i̧nä̧ ä̧ju̧cuo̧co̧tö̧ ttäcuotö. ³³ Ja̧'hua̧nö̧ ja̧'a̧ttö̧ pi̧yȩ o'cajuiyönä 'cuäopäcua'a, Ja̧'hua̧ta̧'a̧nö̧ pi̧yȩmä̧ 'cuäopäcua'a! Ja̧u̧nu̧ o'ca'a jahuätömä ttuhuo̧juä̧chi̧'ä̧cuo̧tö̧, ujutucu ki̧nä̧ Dios i̧huȩnȩ jiäcuähuä i̧sa̧ pä'ömä.