¹ Kä̧hua̧ ä̧cuo̧mȩnä̧ mo̧ro̧ huäbodäcuä kä̧hua̧ du'ottö tö̧mu̧rȩ ya'ute jo̧mȩ, TÖ̧Ä̧NÄ̧HUA̧ i̧huȩnȩ ichina'a Ttörö, ja̧'hua̧nö̧ pä'inö: ² Faraónrö ji'ähui, Egipto ru̧hua̧, ja̧'hua̧ta̧'a̧nö̧ umöhuäyotö o'catoi'önä , ¿Däjenä ttö̧'a̧tö̧'a̧nö̧ ja̧'a̧ttö̧ ucu cu̧ru̧ä̧mä̧? ³ Cipres a̧'cua̧rö̧nä̧ ja̧'a̧ ja̧'hua̧nö̧ ja̧'a̧nä̧ Cedro dau änajui̧yä̧ öadihuämä ottopa'a kada'ca de'a o'cajuiyönä adiutä otoa päjuremä rȩbȩhua̧'a̧ mo̧ro̧jä̧ isoppanä. ⁴ A̧'ȩ ajiya ja̧'hua̧ta̧'a̧nö̧ rȩjȩ ajiya ppädäjäcujä̧ ppuruhuönä bacui'a pä'ö; jäyänä ajetä ra̧'a̧ ttö̧ja̧cui̧no̧mȩmä̧, pö̧o̧mȩttö̧ iyepäja'a o'cajuiyönä dauhuiyä jäyänä ka̧cu̧ de'iyunä. ⁵ Ajiya rö̧ä̧nä̧ acua'attö̧, jurunä bahui'ina'a koro dauhuiyä abonänö de'a jähuä; ä̧na̧jui̧yä̧mä̧ otoächi'ina'a ja̧'hua̧ta̧'a̧nö̧ yabocu te'chächina'a. ⁶ ppi̧yu̧ rö̧ä̧nä̧ 'cä̧ö̧nä̧ o'catoi'önä ttiä rutinä̧tö̧ dau ä̧na̧jui̧yä̧nä̧ de'a isotö pä̧i̧cuä̧tö̧'i̧nä̧, 'cä̧'ä̧huä̧tö̧ o'cajuo'inä̧tö̧ dauhuiyä dea'attö, Dau kada'camä rö̧ä̧nä̧ rö̧ä̧nä̧ ötahuiyä pi̧jä̧nä̧ kä̧tö̧ ttö̧ja̧ pä'ö ji̧na̧'a̧. ⁷ Juäi daumä adihuinäi, rö̧i̧näi, ä̧na̧jui̧yä̧'i̧nä̧ yabocutä otoächina'a ja̧'hua̧nö̧ ja̧'a̧ttö̧ ihuehui appiyä'inä todehuina'a ajiya rö̧ä̧nä̧ acuomecu̧. ⁸ Cedro dauhuiyämä yorätehuoca'a YÖ̧Ä̧NÄ̧HUA̧ i'ättä dau jö̧'ä̧nö̧mä̧. Yorö'iso i̧mi̧cu̧nä̧ ja̧'a̧ ccipreses ä̧na̧jui̧yä̧cu̧mä̧, jä̧'hua̧ta̧'a̧nö̧ pöruru ojiyämä yorätehuyoca'a ä̧na̧hui̧yä̧cu̧mä̧. Koroi dau'inä juiyina'a YÖ̧Ä̧NÄ̧HUA̧ i'ättänä dau jö̧'ä̧nö̧ a̧'cua̧cu̧nä̧ kä'imä. ⁹ TTÖTÄ rö̧'ä̧nä̧ ä̧na̧jui̧yä̧ a̧'cua̧cu̧nä̧ kö̧ni̧nö̧sä̧ jja̧'hua̧ta̧'a̧nö̧ o'cajuiyönä Eden pättänä ka̧cu̧mä̧ TÖ̧Ä̧NÄ̧HUA̧ ä'cuoyäunu to̧pä̧ri̧nö̧. ¹⁰ Ja̧'hua̧nö̧ ja̧'a̧ttö̧ TU̧RU̧HUA̧MÄ̧ pa̧'a̧nö̧ pä'ö: Ucumä juiyó ju'töjunä huinöjä̧, ju'tojunä buó juocuina'a̧ttö̧ ju'toju isoppa ro̧mȩ be'ipinöjä. ¹¹ Juruhuätö tti̧rȩja̧nä̧ abetö chu̧ju̧ni̧nä̧u̧jä̧, juȩttȩpä̧rä̧tu̧cua̧cu̧ pä'ö suronä jȩcu̧'i̧nä̧tu̧cuo̧mȩttö̧ topö. TTÖMÄ tä'cö rä'epö chicuinö. ¹² Ttö̧ja̧ o'catoinä yettecuinä̧u̧ Ko̧ro̧jä̧ttö̧ ichäcuäcuotö pinätö̧mä 'cui'opu ttutinä̧u̧ 'coru juottächa'päö. Ä̧najui̧yä̧mä mo̧i̧na̧'a̧ deatä jahuajö̧'ta'anö pämä̧roppänä'inä mo̧i̧na'a̧ anajui̧yä̧mä o'cajuiyönä juhuȩnȩtä̧ ttoruhuächö pina'a̧ juhuä'ca rȩjȩ o'cajuiyönä huihuahuächötä. Jaunu o'camä o'cajuiyönä̧ ttirȩjä̧ punä̧ttö̧ rättopäcuotö suronä̧ jȩtti̧nö ji̧nö ko̧mȩttö̧ koromȩcu̧ ti'ipächö tti'cha̧ pä'ö. ¹³ Mo̧ro̧jä̧ttö̧ ppiyu̧ o'catoinä juhuäi dau kada'cacu jo̧mȩ cuä'ächö pinä̧tö̧ jahuata'anö o'catoinä dea jo̧mȩ cueächätö'inä juhuäi anajui̧yä̧nä peji̧nä̧tö̧. ¹⁴ Pi̧yȩmä cuä'opina'a̧ koro dauhuiyättöinä abonänö ju'ttoju jö̧nä ajiya ri̧ri̧pä̧rö̧ buo juottepäittö'inä abonänö. jahuätö ttärä̧mi̧'ö̧ juiyönä̧ juhuä dau beipome päjurera'acu, jahua̧ja̧ttö̧ poyabocumä juiyäcua'a koroi dau juttoju jäimä ajiya ri̧ri̧pä̧rö̧ jȩttä̧a̧'nä̧ buo juoiyacua'a pä'äjita'anömä. Täcö jahuätö o'catoinä̧rö̧mä iyähuina'a̧ cua'rera'atä pi̧jä̧ dea'attö'inä abonä̧nö jo̧mȩtä̧, korotö ttö̧ja̧'inä ttörä̧bȩcuä̧cuo̧meta̧. ¹⁵ TÖ̧Ä̧NA̧HUA̧ Diosmä pi̧yȩ pä'äji: Ja̧u̧mö̧rö̧ Rȩbȩcui̧o̧menä Cedro dau pätäi dȩ'a̧ cuä'are ju ttömä chi̧'cä̧cha̧cuä̧sä̧ juä̧'a̧nämä 'ta̧cua̧'ta̧cuȩpu̧tä, ttömä 'ttöepinösa̧ ajiya tähuome dȩ'a̧, ja̧hua̧ta̧nö de'a i̧sä̧tä̧ 'cä̧tȩjo̧me pämärächiome. kunärinösä̧ ajiya abojanä ruo̧'ömä. Ja̧hua̧nö ja̧'a̧ttö ttömä chi̧'cä̧chä̧cua̧sä̧ ajäcuätä juȩnȩ de'amä jau̧rö̧mä. ja̧hua̧nö ja̧'a̧ttö̧, daucuiyä de'a ka̧cu̧ O'cajuiyunätä ja̧'a̧cu̧ehuȩ jua̧ju̧ jähuänä. ¹⁶ Ttömä i̧'cä̧chu̧sä recuätö ttö̧ja̧ ti̧tä̧cuä̧cuo̧tö̧ ma'ö̧ ra̧pi̧po̧menä, ja̧hua̧nö ja̧'a̧ttö huä'are rejucu kioputtihuomenä juä'attörö matä̧cha̧cuo̧ttö rejunä. Ja̧hua̧ta̧nö ro̧dȩpä̧cua̧sä̧ daujuiyädä'ä̧ O'cajuiyunätä Edén rȩjȩttö̧i̧nä yabonänö päte'ö. pi̧yȩttö̧mä daucuiyämä pojopu kunäcuina'a̧ dacuiyämä rȩjȩ a̧dicuome, Daucuiyämä ajiya acuiena'a̧. ¹⁷ Ja̧hua̧ja̧'a̧ttö̧ jahuätö'inä ja̧u̧cu̧ta̧ mo̧ttä̧chä̧cuo̧ttö̧ cua'are rejura'attä, jahuätömä jitö ja̧'a̧ curächunä toeinätö̧ pinätö̧. Pitömä öjohuiyä juruhuö ji̧na'a̧, ötahuiyä bärehuönä ko̧cui̧nätö̧. ¹⁸ ¿Ti̧yȩ dauhuiyättö Edénjö̧ta̧'a̧nö yoretecuina'a̧ttö̧ ucu curuhuo ucuo tecuäumä? Jahuaja̧'a̧ttö̧ ucumä Edén dauhuiyäcutä rȩjȩ dȩa̧'a̧ täcuäju ra̧'a̧ kä'ö icuäcua̧tä̧ cuäcua̧jä̧ ttö̧dä̧pä̧rȩ päjure 'cui'ohuocotucutä, curächunä̧ cuäö tticuinä̧u̧cu̧tä̧ cu̧jä̧cua̧jä̧. " Pidemä ja̧'a̧ Faraón umuhuäyotö o'catoinä pinä̧tö̧, pa̧'a̧nö̧tä̧ päö TU̧RU̧HUA̧ TÖÄ̧NÄHUA̧MÄ."