Alexandri_Cardozo-pid_2ki_text

capitulo 6

¹ Dios ihuȩnȩ jiäcuäcuä ttö̧ja̧ tti̧tti̧mö̧ Eliseorö jiähuähuinätö: "Ucutäcu ujutu tö̧ju̧cui̧no̧mȩmä̧ juiyo a̧u̧cui̧no̧mȩ ujututärö'inä o'catoinärö. ² Adiunänötä icuipitö ti̧cha̧ pä'ö jordan rȩjȩnä, jahuanö ja'anä u̧mä̧tö̧ttö̧ ya̧cu̧nä̧rö̧ dau ku̧tta juorutä, jahuanö ja'a taditäcuotöjä juȩnȩtä̧ tö̧ju̧cua̧ pä'ö. ³ Jahuätuttö ya̧tȩ päinö:" Adiunänötä cui̧chö̧'anö ja'a cuiere adicuä ttö̧ja̧cu." Eliseo ädätinödo: "ttö chi̧cha̧cua̧sä̧" ⁴ Ja̧hua̧nö̧ ja'a jahuätucu räopächinö ja̧hua̧ta̧nö̧ jahuätö rä̧bȩhu̧ipinätö Jordan rȩjȩnä̧ dauhuiyättö'inä kuäu̧ kämädinätö. ⁵ Ya̧tȩ pö̧nä̧ ku̧ä̧huo̧'inätö, däpä'que ö̧ paiönä jo̧mȩ aje acuoto mo̧o̧po̧ä̧cui̧na̧'a̧; Jaumä huopi'inö jahuatanö pä'ö: !ö̧ jahuanömäcö, ttö chu̧ru̧hua̧ oicuä i̧sa̧ juamä chioropo'aja'a! ⁶ Diosttö ubo jo̧na̧ hua̧mä̧ pä'äji: ¿ Ti̧nȩ mö̧a̧cha̧ja'cuä̧ttö? Eliseorö ijȩpinö ubomä mo̧ä̧cha̧jo̧mȩ. Jaunö o'ca'a dau cuiopo'inö aje jacuoto käinö, jaumä jȩpi̧nö̧ 'quiyu juäittö'inä ppoepina'a. ⁷ Eliseomä painö: "ȩmo̧po̧i̧." Jahuanö ja'a öbo'inä umönä 'chuädopä'ö 'tti̧ȩpi̧nö. ⁸ Jitämä aram ru̧hua̧mä̧ kä'ädö kunö Israel ttöja̧ttö̧'inä rohuäcuähuä. Oäre adicuä ttö̧ja̧rö̧ jaepö äjo̧cui̧nö̧, painödö: "TTö chähuäränä'inä ö̧ja̧cua̧ jahuanö ja'a korome'inä". ⁹ Diosttö äbo jo̧nä hua̧mä̧ hueö icuinö Israel ttö̧ja̧ ttu̧ru̧hua̧nö̧ painödo: "TTö̧ȩcuä̧nä̧ kahui koromenä'inä cuäcuopo, arameo ttöja'inä chä̧no̧ juȩnȩnä̧tä̧ mȩjä̧huä̧tö̧." ¹⁰ Koronö Israel ttö̧ja̧ ttu̧ru̧hua̧ hueinö u̧mätörö'inä Diosttö ubo jo̧nä hua̧'inä päinö'anö ja̧unö. Röänä'inä yaute'inä jo̧mȩnä̧, ja̧u̧ ru̧hua̧mä̧ juatä chi̧nö̧, tta̧hua̧rä̧cuä̧huä̧ i̧sa̧ jo̧nä̧'i̧nä̧ ki̧nö̧. ¹¹ Aram ru̧hua̧mä̧ rö̧ä̧nä̧tä ye'ecuä̧rö̧nä̧nö̧tä̧ kinö. Jahuanö ja'a ja̧u̧mä̧ huopo'inö oäre adicuä ttö̧ja̧rö̧ ja̧hua̧nö̧ ja'a päinö jahuatörö: "¿ Jahuanömäcö pacujuiyäcuotöjä ucutumä dijättö ujututtö kömä adiunänö Israel ttö̧ja̧ ttu̧ru̧hua̧ttö̧mä?" ¹² Ja̧hua̧nö̧ ja'a ya̧cu̧nä̧ öäre adicuä ttö̧ja̧ päinätö: "¡ Ja̧hua̧no̧mä̧cö̧, ru̧hua̧, ttö chu̧ru̧hua̧, Dios ihuenä jiäcuähuä i̧sa̧ Eliseo Israel ttöja̧ ttu̧ru̧hua̧ pä'ö ru̧hua̧rö̧ Israelttö'inä, ucututä cucuocuätucu'inä jitutä pättäu'inä ¹³ Ja̧u̧ ru̧hua̧mä̧ ädätinö:"Cui̧'cho̧'a̧nö̧ ja'a ja̧hua̧nö̧ ja̧'a̧nä̧ topi Eliseomä to ö̧ja̧ pä'ö ttö'inä imätörö huedö'a̧no̧ ja̧'a̧ - jahuatanö po̧cui̧pätucuirö ja̧u̧rö̧. Jaurömä jahuarötö pä'inö: "Topi, Dotan rȩjȩnä'inä ö̧ja̧ pä'ö. " ¹⁴ Ru̧hua̧mä̧ hueinö Dotan rejera'a cabayuturö'inä caru'quiyä'inä ja̧hua̧nö̧ ja'a So̧ra̧da̧urö'inä. Jahuätumä ichinätö yodo jahuanö ja'a ötahuiya'inä sobucuächunä ¹⁵ Adicuä i̧sa̧ Diosttö ubo jo̧nä̧ hua̧ yo̧a̧sa̧na̧ ä̧rä̧minö ja̧hua̧nö ja'a räopächinö u̧mi̧cui̧, pi̧nȩtä̧ ja'a recuätö so̧ra̧da̧u̧ cabayutucu'inä jahuanö Caru'quiyä'inä ötahuiyä'inä sobucuächi'önä. Jahuanö ja'a adicuä i̧sa̧ päinödö:" ¡oh, chu̧ru̧hua̧ ttö repedäcu! ¿daje jȩtacuajättö ujutumä?" ¹⁶ Eliseo ädätinö: "Jahuänömäcö yecuäcuiä, ta'anö jo̧nä tto̧ju̧cua̧jättö ujutucumä jahuätumä recuätö jahuätucutä ka̧cuä̧tu̧'inä̧. " ¹⁷ Eliseomä ucuocu päinö: "Chu̧ru̧hua̧, ttömä ucurö ucuotunö ucutä baepiyittö oäriyättö'inä jau'inä toönä päiönä". Ja̧u̧nö̧ o'ca'a u̧ru̧hua̧mä̧ öäre bahuepiniyä̧cu̧ öäre adicuä i̧sa̧rö̧ ja̧hua̧nö̧ ja̧'a̧ ja̧u̧mä̧ topinö. ¡Möä'ca'inä rö̧ä̧nä̧tä̧ sobocuächönä ka̧cui̧nä̧tö̧ cabayutö'i̧nä̧ ja̧hua̧ta̧'a̧nö̧ caru'quiyä'inä ocuriyä'inä Eliseo ö̧jo̧mȩcu̧. ¹⁸ Arameos ttö̧ja̧mä̧ ö̧jo̧mȩcu̧ ichicuipinätö̧, Eliseomä U̧ru̧hua̧rö̧tä̧ jä̧ȩpä̧ri̧nö̧ ja̧hua̧ta̧'a̧nö̧ pä'inö: pitö ttö̧ja̧rö̧mä̧ aräö'icuitö ruhuäcuähuänätä̧, ttömä jädepäcujä". U̧ru̧hua̧mä̧ jȩi̧ni̧yä̧cu̧, Eliseo jäepäji'a̧nö̧tä̧. ¹⁹ Ja̧u̧nö̧ o'ca'a Eliseo pä'inö Arameo ttö̧ja̧rö̧: "pi̧yȩmä̧ pa̧'a̧nö̧mä̧cö̧ ja̧'a̧ 'chä̧cuä̧huä̧mä̧, pi̧yȩ ötahuiyättö'inä Ja̧hua̧ta̧'a̧nö̧ ttötä chȩpä̧cua̧sä̧ ucutu cusätucua̧u̧rö̧'i̧nä̧". Ja̧u̧mä̧ ja̧'a̧ ja̧u̧tä̧ 'chi̧nö̧ Samria rȩjȩra̧'a̧. ²⁰ Samaria rȩjȩnp ttu̧ra̧bȩhuo̧mȩnä̧ Eliseomä pä'inö: "Chu̧ru̧hua̧ pitö u̧mä̧tö̧rö̧ ttöäriyä baepiyittö jahuätö'inä tottönä päiönä". U̧ru̧hua̧mä̧ bahuepiniyä̧cu̧ jahuatö ttöäriyä töttönä päiönä ja̧hua̧nö̧ jahuätumä ka̧cui̧nä̧tö̧ Samaria rȩjȩ ötahuiyä kä'co päteö. ²¹ Israel ttö̧ja̧ ttu̧ru̧hua̧ päinö ja̧u̧rö̧ topoö: "¿ttö chä'o, mippotösä ttömä cuäö chicuäpä'ömä? ¿mippotösä cuäö chicua pä'ömä? ²² Eliseomä adätinö: "Ja̧hua̧nö̧mä̧cö̧ jahuätörömä cuä'ö cuicö juiyu'anö ja̧'a̧. ¿Cuä'ö cui̧cua̧cua̧jä̧ jahuätörömä titöjättö ȩmi̧po̧ö̧ huecuäömä curädä'inä ja̧hua̧ta̧'a̧nö̧ 'pöonönä'inä? ku̧no̧po̧i̧ pan'inä ja̧hua̧ta̧'a̧nö̧ ajiya'inä jahuätö 'ttä'ca jo̧mȩ. Jahuätö tucua päö'inä tahua päö'inä, ttu̧ru̧hua̧ ö̧jo̧mȩ ti̧'cha̧ pä'ö. ²³ Ru̧hua̧mä̧ rö̧pnä̧ jȩpo̧'o̧ j=ku̧ni̧nö̧ cuähuä'inä jahuäturö ja̧hua̧nö̧ ja̧'a̧nä̧ jahuätumä cuäjätö pinätö̧, ja̧hua̧ta̧'a̧nö̧ au'inä ahuajätö pinötö̧, ja̧u̧mä̧ hue'ö icuinäu̧, jahuätumä ppa̧'a̧chö̧ i̧hui̧nä̧tö̧ jitutä ttu̧ru̧hua̧ö̧ja̧'a̧tä̧. So̧ro̧da̧u̧ pitumä Arameo ttö̧ja̧ ja̧hua̧nö̧mä̧ recuo päiönä ppa̧'a̧cho̧co̧tö̧ pinätö̧ Israel ttö̧ja̧ ti̧rȩjä̧ra̧'a̧. ²⁴ Ja̧u̧nä̧ o'ca'a pi̧yȩttö̧'i̧nä̧ Ben-Adad aram ru̧hua̧mä̧ o'ca toinärö ji̧nä̧ yo̧mȩtȩ ca̧ca̧to̧po̧ö̧ umöhuäyotö so̧ro̧da̧u̧rö̧ jahuäta'anö Samariattö'inä 'chuädö ku̧ni̧nö̧. ²⁵ Ja̧hua̧nö̧ ja̧'a̧ rö̧ä̧nä̧tä̧ ppä̧i̧rö̧jä̧chi̧na̧'a̧ Samaria rȩjȩttö̧, recuä rö̧jä̧chi̧na̧'a̧ buru̧ba̧ öyu'inä pärätänä iyu'icuäcuina'a 80nö jo̧mȩnä̧, ja̧hua̧nö̧ ja̧'a̧ pa̧ja̧cuä̧nö̧ jo̧mȩnä̧ 1.23 litros isoya 'carö ku̧nä̧huoya unucuttö'inä korojuotö'inä adicuä'a ji̧na̧'a̧, 5nö jo̧mȩnä̧ pärätä ji̧na̧'a̧. ²⁶ Ru̧hua̧ Israel ttö̧ja̧ ttö̧ru̧hua̧ 'cuäopinö tto̧ȩpä̧rä̧bä̧nä̧'i̧nä̧ yajute isaju huopinäju ja̧u̧rö̧ päinä̧ju̧: "ppä'ädi, ru̧hua̧, ttö chu̧ru̧hua̧ ru̧hua̧". ²⁷ Ja̧u̧mä̧ päinö: "Ja̧u̧ Chu̧ru̧hua̧ ppädö'inä juiyu'anötä ja̧'a̧, ¿Ta̧'a̧nö̧tä̧ ppädädö'anötä̧ ja̧'a̧jä̧ttö̧ ttömä? ¿ku̧nä̧huä̧ o̧tȩ'i̧nä̧cö̧? ²⁸ Ja̧u̧ ru̧hua̧mä̧ yabocu 'chä̧hui̧'i̧nö̧: Ja̧u̧mä̧ "¿däjettö mȩo̧pä̧ri̧nä̧cu̧jä̧ttö̧?" jahuäjumä ädäinäju: ttörö päjäji paju isajurumä: iyittö ucutä cui̧tti̧rö̧ ujutumä jitämä ka̧cuä̧tu̧jä̧ tucuia'a päötä, ja̧hua̧nö̧ ja̧'a̧ yo̧i̧ mo̧ro̧mä̧ ttö chi̧tti̧rö̧'i̧nä̧ tucuiäcuotujä, pä'inö. ²⁹ Ttö chi̧tti̧rö̧'i̧nä̧ cuäräunä dau cuätujä, ja̧hua̧nö̧ ja̧'a̧ koro mo̧ro̧ päiomenä jahuäjurö pä'äjisä: iyittö cui̧tti̧rö̧ tucuarö pä'ö; ja̧hua̧nö̧ ja̧'a̧ jahuäjumä ki̧tti̧rö̧ daju icuinäju. ³⁰ Ja̧huänö̧ ja̧´a̧ rö̧hä̧ isaju ki̧huȩnȩ ä̧ju̧ cuo̧mȩnä̧mä̧ , o̧´Ca̧Tä̧HUä̧Ta̧ sȩRu̧Co̧ ICUINö̧ (JITäMä Ja̧u̧Mä̧ ttoecuäbänä ´kuä´opinö), ja̧hua̧ta̧nö̧ Otahuiyä ttö̧ja̧maä̧ tuttinäcö ja̧hua̧ta̧no̧ o̧´ca̧tä̧huä̧ta̧mä̧ dötäyötto adicua ö̧jö̧näia̧ topinätö i̧jȩta̧ tto̧ȩcä̧iö̧nä̧. ³¹ Ja̧u̧nu̧´camä ja̧u̧mä̧ pä´inö "pa̧á̧´nö̧ Dios ttörö jȩö̧ttö̧mä̧ , ja̧ha̧ta̧no̧." ³² ja̧hua̧no̧ ja̧´a̧nä̧ Eliseomä Ojusode jacuä pi̧no ja̧hua̧ta̧nö̧ buosotö´inä ja̧u̧cutä pȩji̧nä̧tö̧. "rö̧hua̧mä̧ hue´inö ya̧tȩ öbrö ja̧u̧ ä´cajo̧mȩ , ja̧hua̧nö̧."Topätucui, ¿tocu pä´ö pide cuä´icuähuähuäsa̧ i̧ttimä̧ chöyöyö ttȩpa̧pä´ö hueaja̧ttö? topätucui, huȩnȩ ȩcuä̧sa̧

ichi´omenämä̧ , apate mö̧´ȩpö icuätu cuijo, ja̧hua̧tä̧nö̧ apatemä mö̧ȩcuä̧nö̧tä̧ ku̧ju̧nä̧rä̧tucua̧ja̧ ja̧u̧ru̧mä̧. ¿ö̧rö̧hua̧ ijä̧pä̧ i̧cha cuocuoca´atä̧ji̧ ja̧u̧ o´canämä?"

³³ Ja̧hua̧na̧nö̧ ja̧´a̧nä̧ ja̧u̧ juätucu ji̧nä̧ Ucuocuanätä̧, täcu pi̧nȩtä̧ , hu̧ȩnȩ ȩcuä̧ i̧sa̧mä̧ mȩyȩhuipinö ja̧u̧ ö̧jo̧mȩ. rö̧hua̧mä̧ pä´inö ji̧nä: "jitämä , ja̧hua̧nö̧ja̧´a̧ , pi̧yȩ huȩnȩmä̧ tö̧ä̧nä̧hua̧ttötä ichö. ¿dä̧bö̧ pä´ö ttömä recua̧ , tta̧dä̧ra̧ pä´ö ja̧´a̧ttö̧ tö̧ä̧nä̧hua̧rö̧?".