¹ Ja̧hua̧nö̧ ja̧'a̧ Eliseomä pä'inö: A̧ju̧cuä̧tu̧cui̧ Dios i̧huȩnȩ, pi̧yȩtä̧ ja̧'a̧ Dios päömä: yo̧i̧ mo̧ro̧ kä̧hua̧ jitä ö̧jo̧mȩtä̧ päiomenä ya̧mö̧ i̧sa̧ppȩ chä̧i̧hua̧ppȩ Samaria ötahuiyä apate ä'ca pärätä micuänä iyähuäcua'a yaute ciclo jo̧mȩmä̧ micuähuäcua'a ya̧mö̧ i̧sa̧ppȩ yaute amöcomenä, juhua'a jö̧ ta̧'a̧nö̧, cebada i̧sa̧ppȩ'i̧nä̧ ta'are jo̧mȩnä̧ ämäca'a yaute ciclo jo̧mȩnä̧ micuähuacua'a. ² Ru̧hua̧rö̧ ppä̧dä̧rä̧cuä̧huä̧ i̧sa̧ ädätö pä'inö: Dios i̧huȩnȩ jiäcuähuä i̧sa̧rö̧: mo̧ro̧ji̧yä̧nä̧ Dios päteinä toäcuähuäte bahuepöttömä ¿Pi̧yȩmä̧ 'cuäopö'anö ja̧'a̧ tä̧ji̧? Eliseo ädätinöcu: Topihuä, ucutä cyamonä cuiärenä tocu'acua̧jä̧ 'cuäopa'amä ja̧hua̧nö̧ ja̧'a̧nä̧ ja̧u̧ttö̧mä̧ ucumä cucuiyä̧cua̧jä̧. ³ Pa̧ja̧cuä̧nö̧ huotö umätö̧ ttöttahuiyä huahuachocö juäiu nȩnȩpä̧tö̧ ki̧nä̧tö̧ ötahuiyä apate ä'ca. Jahuätömä jitötä pä'ächäcuinätö̧ ¿Däje pä'ö pȩnȩtä̧ tö̧'o̧ca̧'a̧jä̧ttö̧ hua'öticuome jubö päiönä? ⁴ Ötahuiyära'a dotächöttömä ppeittö 'corupäti'äcuotöjä; pȩnȩtä̧ tö̧ji̧pö̧ttö̧'i̧nä̧, pa̧huä̧rö̧jö̧'a̧nö̧tä̧ hua'aö ticuäcuotöjä, ja̧hua̧nö̧ jö̧ttö̧mä̧ cuorä ru̧hua̧ Sirios ttö̧ja̧'a̧tä̧ ti̧'chä̧tu̧cua̧. Jahuätö tö̧ja̧'a̧nä̧ ja̧'a̧tä̧ tottöttömä tö̧jä̧cuo̧tö̧jä̧ jahuätö cuä'ö tticuttumä huä̧i̧nä̧ cuä'ö tticuäcuotöjä. ⁵ Ja̧'hua̧nö ja̧'a̧, nipä̧ro̧me a̧ra̧mä̧cuähuinä̧tö arameo ttö̧ja̧ ttö̧'ahuariyä tti'cha pä'ö; jua'a yabocumä juättömä̧ rȩbȩhui̧nätö yabocu oto jo̧mȩ ttö'äbariyära̧'a, Juȩnemä̧ ya̧tȩi̧'i̧nä̧ to'ina'a̧. ⁶ ja̧'hua̧'a̧nö ja'a TÖ̧Ä̧NÄ̧HUÄ̧ - mä jȩpi̧nö aramero ttö̧ja̧ ttä̧ju̧cua̧ pä'ö carö'oquiyä rö̧'äönä jä̧inö̧'a̧nö̧ rä̧mi̧pä̧'a̧ Ja̧'hua̧ta̧'a̧nö̧ ca̧huäyötuttö'inä - Ja̧'hua̧'anö ja̧'a̧nä rö̧'ä̧u̧nä̧ rä̧mi̧pä̧'a̧ ttä̧ju̧cu̧nä suro̧dö̧'u̧ recuätö tticha'a a̧cuä̧rö̧nä, Ja̧'hua̧'a̧nö ja̧'a̧ttö̧ juättömä̧ ya̧cupunä pä'ähuinätö: ''Israel röhuämä ä̧tȩpä̧ji̧'cu̧ Hititas ttöröhuä̧rö̧'i̧nä Ja̧'hua̧ta̧'a̧nö Egipcios- rö̧'i̧nä̧ Ujutucu Rohuä'ö ticha Pä'ö'' ⁷ Ja̧'hua̧'a̧nö ja̧'a̧ttö̧ su̧ro̧do̧'u̧mä a̧rä̧mi'ö̧ ttö̧'ipäichinätö̧ nipä̧ro̧mȩ ja̧'a̧; juättömä̧ jaropinä̧tö̧ odehuiyä ttö'ahuariyä'inä, cahuäyöttörö'inä; ttäjimö̧ mu̧ro̧ba̧rö̧'i̧nä; Ja̧'hua̧ta̧'a̧nö odehuiyättö' ahuäriyä'inä̧ ju̧ta̧'a̧nö̧ cu̧ni̧pi̧nä̧tö̧, ttöji̧pä̧ du̧acuächinä̧tö̧. ⁸ ja̧'hua̧'a̧nö ja̧'a̧ u̧mä̧tö̧ huäre cu̧närä̧tö̧ chi̧nä̧tö̧ ttö'ähuäriyä oto jo̧mecu; juättömä̧ 'chi̧nä̧tö̧ yodeterä̧'ä̧ ja̧'hua̧'a̧nö ja̧'a̧ttö̧ ttöcuä'inä̧ cuinätö auinä̧ a̧huinätö̧, Ja̧'hua̧ta̧'a̧nö̧ pärätä'inä , oro'inä̧ po̧jä̧ti̧yö̧'i̧nä̧, juȩnȩ O'cä'amä̧ juättömä̧ da̧ju'icuinätö̧ pä'ata'anö juättömä ppa'achi̧nä̧tö̧ ja̧'hua̧'a̧nö̧ ja̧'a̧mä dodepinätö̧ korodenä̧ juodettö'inä̧ ȩpi̧nä̧tö̧ korojuei, ja̧'hua̧ta̧'a̧nö̧ 'chä̧nö̧ dajinätö. ⁹ Juȩnȩ O'ca'a̧ juättömä̧ pä'ahuinä̧tö̧ ya̧cu̧pönä̧: '' adiumä̧ jȩpo̧'co̧ttöja ujutumä,'' Pi̧yȩ mo̧ro̧mä̧ adiu huȩnȩ mo̧ro̧, Ja̧'hua̧'a̧nö̧ ja̧'a̧nä̧ ujutumä̧ 'corö jö̧nä̧ttä̧ ,cacuetö̧jä̧ pi̧yȩnä̧mä. mo̧ro̧ juo'anä 'tattäröttömä̧, ro̧ȩcuättä ichäcua'a ujuturömä̧. Jitämä̧ ti'chätucua̧ röhua̧ o̧jo̧so̧dȩrä̧'a̧ ji̧ä'ö.'' ¹⁰ Ja̧'hua̧'a̧nö̧ ja̧'a̧ttö̧ juättömä̧ 'chi̧nä̧tö̧ Ja̧'hua̧'a̧nö̧ ja̧'a̧ huopinä̧tö̧ rö̧'ä̧u̧ odehuiyä ' ta'a̧rä̧ttö̧rö̧ juättömä̧ päi'nätö '' Ujutumä arameo ttö'ahuäriyära̧ 'chä̧jä̧ttö̧jä̧ , Ja̧'hua̧'a̧nö̧ ja̧'a̧nä̧ ya̧tȩi̧'nä̧ to̧'a̧ja̧'a̧ jua'amä̧ cahua̧yotumä̧ ti'ä̧dä̧cuähua'a kä̧jä̧tö̧, murötö'inä̧ Ja̧'hua̧ta̧'a̧nö̧ ti'ädäcuähua'a, ttö'ariyä'inä̧ juȩnȩtä̧ käja̧'a̧ ¹¹ ''Juȩnȩ O'ca'amä suro̧da̧u̧mä̧ huo̧pi̧nä̧tö̧ Ja̧'ö̧ huȩnȩ, ja̧'ö̧nö̧ O'ca'a jiähuinätö rö̧hua̧ Ojuisoderä̧'a̧. ¹² Ja̧'hua̧'a̧nö̧ ja̧'a̧ttö̧ röhuämä, ä̧rä̧mi'inö yodo ja̧'a̧ ja̧'hua̧'a̧nö̧ ja̧'a̧mä päi'nö umu̧huäyotörö: ''ttö ji̧dä̧huä̧cuä̧sä̧ arameos ujuturö jȩttä̧ji̧. juättömä̧ huo̧juä̧tö Ujuturumä ppä'icuättö pä'ömä, Ja̧'hua̧'a̧mö̧nö̧ ja̧'a̧ttö̧ juättömä̧ ö̧mi 'chinätö̧ ttö'ähuäriyäräcö̧ ttödajuächa'a pä'ö pä'ttiyö jo̧mȩ. Juättömä pä'ättö: juättö Ötahuiyättörä rä'topomenä, ujutumä 'chuttädäcoto̧ a̧'cuä̧rä̧tö̧rö̧ Ja̧'hua̧ta̧'a̧nö̧ Ötahuiyärä̧'a̧ tȩpäcuä'ö. ¹³ Ya̧tȩ röhuä u̧mu̧huäyä̧ ädättö pä'inö̧'' ttö̧mä̧ jaepusäto, Ja̧'a̧ttä̧ topi korottö U̧mätö̧ ji̧mu̧tȩnö̧ huo̧tö̧ ca̧huä̧yö̧tö̧ ca̧cui̧pä̧jä̧tö̧, pi̧yȩ Ötahuiyänä. juättömä ja̧'a̧ Israel ttö̧ja̧tö̧ ca̧cui̧pä̧tö̧ Jä̧i̧'nö̧'a̧nö̧ ja̧'a̧. (recuätö̧ 'co̧rö juo'ächäjätöttä'cö); Ja̧'a̧ttä̧ topittö hueta̧'a̧nä̧ 'ta̧'a̧nö̧ ja̧pä'ötota. ¹⁴ Ja̧'hua̧'a̧nö̧ ja̧'a̧ttö̧ juättömä huinätö̧ to̧'cä̧re carö'quiyä cahuyötö̧cuö̧ ja̧'hua̧'a̧nö̧ ru̧huä̧mä̧ huei'nö arameos suro̧do̧'u̧ ttö̧'ahuäriyärä'a pä'ö känö: '''chänö topäjätucui.'' ¹⁵ Juättömä to'ca'anä̧ 'chi̧nä̧tttö̧ Jordánbu , Ja̧'hua̧'a̧nö̧ ja̧'a̧ juä'amä̧ mä̧nä̧ O̧'cajuiyunä̧ pu̧jä̧ti̧u̧ö̧ttä̧ pä̧ji̧nä̧'a̧ Ja̧'hua̧'a̧nö̧ ja̧'a̧ttö̧ arameos -mä̧ ju̧ru̧nä̧, ttöipächä'chu ttömu̧jähuä'inä̧ i̧cui̧pu̧ duehuinättö, Ja̧'hua̧'a̧nö̧ ja̧'a̧ttö̧ huȩnȩ jiäcuähuottömä̧ ppä̧'ä̧chi̧nä̧tö̧ ppa̧'a̧cho̧mä jiähuinä̧tö̧ ro̧cuä̧ro̧mä. ¹⁶ Utahuiyä ttö̧jä̧mä̧ rä'opinätö̧ Ja̧'hua̧'a̧nö̧ ja̧'a̧mä̧ arameos ttö̧jä̧ tti̧äre ȩpi̧nä̧tö̧ ttö̧'a̧huariyättö̧mä̧, Ja̧'hua̧'a̧nö ja̧'a̧ harina i̧sä̧ppemä̧ iyinä̧tö̧ 'corömuttönö todärenä litronä ji̧bi̧tȩ pärätäbimä , Ja̧'hua̧ta̧'a̧nö̧ cebada i̧sä̧ppȩmä̧ qui̧cȩnö̧ litros jo̧mȩnä̧ ji̧bi̧tȩ pärätäbi̧nä̧mä̧, TÖ̧Ä̧NÄ̧HUA̧ I̧huȩnȩ päi'nö̧tä̧'a̧nö̧. ¹⁷ Ruhua̧mä huei'nö̧ churutä 'pädäcuähuä isä̧rö̧ 'ta̧huärä̧ pä'ö Ötahuiyä do'ächäcuähuomȩ , Ja̧'hua̧'a̧nö̧ Ja̧'a̧nä̧ ttö̧ja̧mä̧ kä̧du̧ tti̧cui̧näcu̧ äpate jo̧mȩttö 'corö juä'achinö turuhua̧ Dios i̧huȩnȩ Ji̧äcuähuä i̧sä̧ pä'inö'änö ruhua̧ topu̧ i̧chäjä̧cu̧. ¹⁸ 'Cuä'opina̧'a̧ Ja̧'hua̧'a̧nö̧ Dios huȩ'äcua̧ päi'nötä'anö̧ ru̧hua̧rö̧, päi'nö: yo̧'a̧imä̧ pa̧'a̧ta̧'a̧nö̧ jo̧mȩnä̧ i̧yähuäcuä'a harina i̧sa̧ppȩ 'corömu̧ttö̧nö̧ todäre jo̧mȩnä̧ litronä ji̧bi̧tȩ pä̧rä̧tä̧bi̧nä̧, Ja̧'hua̧ta̧'a̧nö̧ cebada i̧sa̧ppȩ quincenö̧ litros jo̧mȩnä̧ ji̧bi̧tȩ pä̧rä̧tä̧bi̧nä̧ samaria apate ä'ca jo̧mȩttö̧. ¹⁹ Ruhua̧rö ppädäcuähuä i̧sä̧mä̧ ädätinö̧ ja̧'a̧ Dios huȩ'ä̧cuä̧rö̧ pä̧'ä̧nö̧ päi'nö:'' Topittö, Ja̧'hua̧'a̧nö̧. TÖ̧Ä̧NÄ̧HUA̧ Yä'ȩcu̧'ate Jä'i ttö'inä̧ mo̧ro̧jä̧nä̧, ¿ Ja̧'hua̧ta̧'a̧nö̧, cuä'opäja'a pi̧yȩmä̧? Eliseomä̧ ädätinö:''ucumä to'cuäcua̧jä̧ cuamonä̧ cui'ärenä̧ 'cuä'opä'ämä ja̧'hua̧'ä̧nö̧ ja̧'a̧nä̧ ucumä̧ co'cöjä a̧'u̧cu̧nä'inä Ja̧'u̧ttömä̧. ²⁰ Pi̧yȩtä̧ ji̧na̧'a̧ jue'ö̧ 'cuä'opinömä ja̧'u̧ru̧mä̧, ja̧'hua̧'a̧nö̧ ja̧'a̧ttö̧ Ötahuiyä ttö̧jä̧mä̧ kädinätö̧ Ötahuiyä do'ächäcuähuomettö̧; Ja̧'hua̧'a̧nö Ja̧'a̧ttö juoruttä 'corö juo'ächinö̧.