¹ Joacin ö̧mo̧rö̧ pä̧nä̧ päia'a, Nabucodonosor Babilonianä ru̧hua̧. Joacimä öäre adicuä i̧sa̧ päi'önä ichinö huabodäcuä duo päiomenä ji̧na̧'a̧, ja̧hua̧nö̧ ji̧na̧'a̧ ji̧nö̧ o'ca'a ja̧u̧cu̧mä̧ pä'chäcuähuänä päina'a. ² Diosmä hueinö so̧ro̧da̧u̧rö̧ Joacimcumä pätä'chacuacuipönä Caldeo ttö̧ja̧ttö̧'i̧nä̧ so̧ro̧da̧u̧ Arameottö'inä, Moabitattö'inä, ja̧hua̧ta̧'a̧nö̧ jȩpö̧ ticua pä'ö, Dios ucuocu pä'ö ku̧ni̧nö̧ ji̧nö̧tä̧ öäre adicuä ttö̧ja̧rö̧. ³ Iso päi'önätä Dios päinö ji̧nö̧tä̧ ji̧na̧'a̧ Judarö rȩbȩhui̧nö̧ ji̧nö̧mä̧, choipinö toöttö'inä, Manasés suronä jȩi̧no̧mȩttö̧'i̧nä̧, ja̧hua̧nö̧ ja̧'a̧ o'cajuiyönä ja̧u̧tä̧ ji̧na̧'a̧ jȩpi̧nö̧mä̧; ⁴ Ja̧hua̧nö̧ ja̧'a̧ huȩnȩ'i̧nä̧ jui̧a̧rö̧ ucuojanä'inä riripinö, ja̧hua̧ ja̧'a̧ Jerusalemnä'inä su̧'pȩnö̧ suädiömä'inä huȩnȩ'i̧nä̧ jui̧a̧ ucupja. Tu̧ru̧hua̧ Diosrö ucuotunö jȩö̧'i̧nä̧ juiyua'anö ji̧na̧'a̧. ⁵ Koro'inä rö̧ä̧nä̧ jo̧mȩnö̧ jȩpi̧nö̧ Jpacimmä. jahuanö ja̧'a̧ o'cajuiyunä jȩpi̧nö̧, ¿huȩyu̧tu̧ kunähui̧o̧'ca̧'a̧ ji̧na̧'a̧ tä̧ji̧ Cronicas cuyärubanä'inä hueähuä huȩnȩ Judattö'inä? ⁶ Ja̧hua̧nö̧ ja̧'a̧ äi'inö Joacimä jä̧do̧tö̧ mi̧nä̧cu̧, ö̧ji̧no̧mȩmä̧ i̧tti̧ Joaquintä ruhuo hueinö ji̧na̧'a̧. ⁷ Egipto ttö̧ja̧ ttu̧ru̧hua̧ ji̧yȩtȩ'i̧nä̧ räocuä juiyunä ki̧nö̧ ja̧hua̧jä̧ rȩjȩttö̧mä̧; dä̧bö̧ ji̧na̧'a̧ttö̧ Babilonia ru̧hua̧mä̧ o'cajuiyönä Egipto rȩjȩttö̧'i̧nä̧ aje jo̧mȩ jubö'inä ja̧u̧tä̧ ji̧na̧'a̧ Eufrates aje jubö päiönä ji̧na̧'a̧ ja̧u̧tä̧tä̧. ⁸ Ja̧hua̧nö̧ ja̧'a̧ 18nö du'o 'cuäopinö o'ca'a Joaquim ruhuonä ö̧ja̧ pä'ö kä̧mä̧di̧nö̧, ja̧hua̧ ja̧'a̧ ruhuonä ö̧ja̧ pä'ö kä̧hua̧tö̧ huabodäcuä jo̧mȩnä̧ Jerusalen ötahuiyänätä. A̧ju̧ ki̧mi̧mö̧ micuinäju ji̧na̧'a̧ Nehusta jahuajumä Elnatán ittiju ji̧na̧'a̧, Jerusalen ttö̧ja̧ i̧sa̧ ji̧na̧'a̧. ⁹ Ja̧hua̧nö̧ ja̧'a̧ ja̧u̧mä̧ U̧ru̧hua̧ to̧ä̧ro̧mȩttö̧'i̧nä̧ surojö jȩpi̧nö̧ ji̧na̧'a̧, ja̧hua̧ta̧'a̧nö̧ ji̧na̧'a̧ ja̧u̧mä̧ o'cajuiyönä jäo jȩi̧nö̧mä̧ jo̧mȩnö̧ ka̧cua̧'a̧'i̧nä̧ topinö. ¹⁰ Ji̧yȩnö̧ pä̧nä̧ ru̧hua̧ Nabubodonosor, u̧mö̧huäyotö so̧ra̧da̧u̧ Babilonia rȩjȩ ttö̧ja̧mä̧ Jerusalen ötahuiyä ttö̧ja̧rö̧ sobucuächönä ka̧cui̧nä̧tö̧. ¹¹ Babilonia ötahuiyä ru̧hua̧, Nabucodonosor, ichi'inö ötahuiyära'acu u̧mö̧huä̧yotö so̧ro̧da̧u̧ soböcuächönä ttö̧ju̧cua̧'a̧ttö̧. ¹² Joaquim, Juda ttö̧ja̧ ttu̧ru̧hua̧, räopächinö babilonia ru̧hu̧ ö̧jo̧mȩcu̧, ja̧u̧mä̧ a̧ju̧rö̧'i̧nä̧ öäre adicuä ttö̧ja̧rö̧'i̧nä̧, ucuo ttö̧ja̧'i̧nä̧ ja̧hua̧ta̧'a̧nö̧ jueiopotu'inä. Babilonia rhua̧mä̧ ja̧u̧rö̧ chöädinö täcö 8nö duo päiomenä ja̧u̧tä̧ ruhuonä hueinö pänä ji̧na̧'a̧. ¹³ Nabucodonosor rö̧ä̧nä̧ micuäu juäittö'inä räepö icuinö Dios ojusodettö, ja̧hua̧ta̧'a̧nö̧ ru̧hua̧ ö̧jä̧dȩttö'inä. Ja̧u̧mä̧ cuäcuäpö'inä icuinö ppö̧'ö̧nä̧nö̧ päiönä Salomón jo̧mȩnö̧ aditö u̧ji̧nö̧ ji̧nö̧'i̧nä̧ oro'inä, Israek ttö̧ja̧ ttu̧ru̧hua̧, DIos ö̧jo̧dȩttö, ttu̧ru̧hua̧ päinö ji̧nö̧á̧nö̧tä̧ ji̧na̧'a̧. ¹⁴ Ja̧u̧mä̧ ȩmi̧pi̧nö̧ o'catoinä Jerusalemttö̧ huȩttä̧u̧rö̧'i̧nä̧, o'catoinä ttörohuähua pä'ö, 10milnö huotuttö huȩttä̧rä̧u̧rö̧, ja̧hua̧nö̧ ja̧'a̧ a̧cua̧jä̧ adicuä ttö̧ja̧rö̧'i̧nä̧ ji̧na̧'a̧. Ya̧tȩttö̧'i̧nä̧ ttö̧ja̧ usurä isotö jö̧nä̧ huotöttö'inä ka̧cui̧po̧co̧tö̧ pi̧nä̧tö̧ ja̧huä̧jä̧ rȩjȩttö̧mä̧. ¹⁵ Nabucodonosor ȩpä̧ji̧ Joaquin huȩä̧ttö̧'i̧nä̧ Babilonia rȩjȩra̧'a̧, ru̧hua̧ a̧ju̧rö̧'i̧nä̧, ttirecua̧mö̧rö̧'i̧nä̧, jueipotörö'inä, ja̧hua̧ta̧'a̧nö̧ u̧mä̧tö̧rö̧'i̧nä̧ rȩjȩ uruhuoturö'inä. Ja̧u̧mä̧ ȩmi̧pi̧nö̧ huȩttä̧u̧rö̧'i̧nä̧ Jerusalenttö babilonia rȩjȩra̧'a̧. ¹⁶ O'catoinä curä rihuäcuähuä ttö̧ja̧ umätöttö̧, 7milnö huotutö'inä juahua'a jö̧ ta̧'a̧nö̧ a̧'cua̧jui̧yä̧ttö̧ adicuä ttö̧ja̧rö̧'i̧nä̧ cuoräuttö adicuä ttö̧ja̧rö̧'i̧nä̧ 1milnö huotörö. Juhua'a jö̧ ta̧'a̧nö̧ ucuo ttö̧ja̧rö̧ cuorä ttörohuähuiyarö pä'ö Babilonia ru̧hua̧mä̧ ȩmi̧pi̧nö̧ ji̧na̧'a̧. ¹⁷ Babilonia ru̧hua̧mä̧ ku̧ni̧nö̧ Mataniasrö ru̧hua̧ päiönä, ja̧u̧mä̧ Joaquin jäo böo ji̧na̧'a̧, ja̧hua̧nö̧ ja̧'a̧ttö̧ i̧mi̧mä̧ pärotö icuinäcu Sedequias pä'ö. ¹⁸ Sedequiasmä 21nö du'o jo̧mȩnä̧ ku̧nä̧ri̧nö̧ ruhuonä hueä pä'ö ö̧jä̧bä̧di̧nö̧ pänämä; ja̧u̧mä̧ ruhuonä hueinö 11nö du'o jo̧mȩnä̧ Jerusalen ötahuiyänä. Ja̧u̧ a̧ju̧mä̧ micuänäjudo Hamatal pä'ö; jahuäjumä Jeremias ittiju ji̧na̧'a̧ Lbna ttö̧ja̧ isaju ji̧na̧'a̧. ¹⁹ Ja̧u̧mä̧ suroju jȩpi̧nö̧ ji̧na̧'a̧ u̧ru̧hua̧ to̧ä̧ro̧mȩ o'cattö, ja̧u̧mä̧ o'cajuiyönätä̧ jȩpi̧nö̧ ji̧na̧'a̧ Joacim jȩi̧nö̧mä̧. ²⁰ Diosmä na̧hua̧ri̧pi̧nö̧ Jerusalen'inä ja̧hua̧ta̧'a̧nö̧ Juda'inä, a'ca jo̧mȩttö̧ umicutä räepö icuinö, Ja̧hua̧ ja̧'a̧ Sedequias pärocua'attö ittoti'inäcu Babilonia rȩjȩ ru̧hua̧rö̧.