Capitulo 25
1
koromöttönö pa̧ja̧cuä̧nö̧ du'o pä'i'omenä ru̧hua̧ Sedequias ruhuonä huea'a 'cuäopina'a, tomörenö ka̧hua̧tö̧ päiomenä, ka̧hua̧tö̧ to̧mö̧rȩnö̧ jahuä mo̧ro̧ päiomenä. Babilonia ötahuiyä ru̧hua̧, Nabucodonodor, umöhuäyotö cuoräruhuä o'catoinäcu ichinö Jerusalen ötahuiyäcu örähuähua pä'ö. Ja̧u̧ ötahuiyä pätecuänö kä̧mä̧dö̧, Jerusalen ötahuiyä jäyänä isäbä ttoepäräbä 'quiyönä aditinötö.
2
Ja̧hua̧nö̧tä̧ ötahuiyämä ttoecua'atä ki̧na̧'a̧ yaute tomöre jähuä du'o päiönä ru̧hua̧ Sedequias ruhuonä hueome jubö päiönä.
3
Ja̧u̧tä̧ du'onä pa̧ja̧cuä̧nö̧ kä̧hua̧tö̧ttö̧ koromöttö pa̧ja̧cuä̧nö̧ mo̧ro̧ päiomenä ötahuiyänä ppäi rö̧ä̧nä̧tä̧ juruhuina'a ju̧huä̧jä̧ rȩjȩnä̧ kä̧tö̧ tucua pä'ö cuäcuähuämä juiyina'a.
4
Ja̧hua̧nö̧ ja̧'a̧ ötahuiyä jä̧ji̧nä̧ do'ächö chi'ipinätö̧, curä ru̧hua̧ u̧mä̧ä̧tö̧ o'catoinä yodo apate mänänä tocare isä'ca ötahuiyä ttoepärä'ca 'cä̧tȩnä̧, ru̧hua̧ öäre ku̧nä̧huä̧ ppo̧'ö̧ adiyä jäyänä tö'ipächinätö̧, cuorä ru̧hua̧ Caldeos ötahuiyä jäyänö tta̧'a̧rö̧ ttö̧ja̧'a̧nä̧'i̧nä̧, ru̧hua̧mä̧ Arabara'acuu̧ tö'ipächinö.
5
Ja̧hu̧nö̧ ja̧'a̧nä̧ cuorä ruhuä Caldeosmä ru̧hua̧ Sdequiasrö rui'inätö̧ ja̧hua̧nö̧ rui'ö Jordan ajettö rȩjȩ pä̧mä̧ro̧mettö 'chuträdinäcu Jerico ötahuiyä tö'cöttö o'catoinä umöhuäyotö cuorä ruhuä päjätömä ja̧u̧ttö̧mä̧ oto pperecuächinätö̧.
6
Jahuätö ruhuotö 'chuätdö ttȩmi̧pi̧nä̧cu̧ Babilonia ru̧hua̧ ö̧ja̧'a̧ Riblara'a juhuorötä cuä'ö tticuarö pä'ö.
7
Ja̧hua̧nö̧ ja̧'a̧ Jedequias i̧tti̧mö̧rö̧ chutä ä'ca jo̧mȩttö̧ toära'anä cuä'ö tticuiniyä̧cu̧. Ja̧hua̧nö̧ jȩpö̧ churutämä i'äriyä baropö icu, cuorä̧u̧sa̧ broncettö̧ adicuäsa̧nä̧ mö'quipö ttemipi̧nä̧cu̧ Babilonia ötahuiyära'a.
8
Babilonia ru̧hua̧ Nabocudocosor 19 a̧'ȩ ruhuo hueomenä, ka̧huä̧tö̧mä̧ ji̧mö̧tȩnö̧ jo̧mȩnä̧ mo̧ro̧mo̧ ko̧ro̧mö̧ttö̧ ta'cherenö päi'omenä, Nabuzaradan, babilonia ru̧hua̧ u̧mu̧huä̧ya̧, su̧ro̧da̧u̧ ttu̧ru̧hua̧m, Jerusalenra'a 'chi̧nö̧.
9
Juhua'a ichö Dios ö̧jo̧de ku icuin, ja̧hua̧ta̧'a̧nö̧ ru̧hua̧ ojusode'inä, o'ca juiyönä odehuiyä Jerusalenä ka̧cu̧mä̧ku icuinö, juhua'a jö̧ ta'anö odehuiyä ötahuiyänä ka̧cu̧ ucuo jähuä pättömä ku icuinö.
10
O'ca toi'önä su̧ro̧da̧u̧ Babilonia ru̧hua̧ u̧mu̧huä̧yotömä Jerusale ötahuiyä soböcuächönä ttoecuä'ca kä'ö icuinätö̧.
11
Ja̧hua̧ta̧'a̧nö̧ ötahuiyä ttö̧ja̧ ki̧nä̧tö̧mä̧ juȩnȩ ötahuiyänä, Babilonia ru̧hua̧cu̧ ji̧nä̧ yo̧mȩtȩ pä'i'inätö̧do, ja̧hua̧ta̧'a̧nö̧ Vulganä ca̧ca̧cui̧pi̧nä̧tö̧ pi̧nä̧tö̧mä̧ Nabusarada, ttö̧ja̧rö̧ tta̧huä̧rä̧cuä̧huotö ttu̧ru̧hua̧ ji̧na̧'a̧ ȩmi̧pi̧nä̧u̧do dajö hua'adö ku̧nä̧huo̧tö pä'i'inätö̧do ja̧u̧ u̧mu̧nä̧.
12
Tta̧huä̧rä̧cuä̧huä̧ ttö̧ja̧ ttu̧ru̧hua̧mä̧ ja̧huä̧jä̧ rȩjȩnä̧ ka̧cuä̧tö̧ ttö̧ja̧ usurä isotörömä ja̧'a̧tä̧ topinödo uva pättiyu ttaditäcuotö pä'ö amucuäda'attö ja̧hua̧jä̧ rȩjȩ adicuä ttö̧ja̧ pättiäcua'attö.
13
Ja̧hua̧ta̧'a̧nö̧ Caldeo ttö̧ja̧mä̧ ttu̧ru̧hua̧ tö̧ä̧nä̧hua̧ ojusode jacuä ka̧cu̧ broncettö adicuä o'ca yu̧ȩpa̧rö̧nä̧ ka̧cu̧mä̧ cuäö tȩ'chä̧rö̧ icuinätödo ja̧hua̧ta̧'a̧nö̧ rȩjȩnä̧ 'quiyönä ppaepu rötähuäjä ajiya räba kiyönära päö kiädäcuähuä 'quiyumä Ttu̧ru̧hua̧ ttö̧ä̧nä̧hua̧ oju isodenä ka̧cuä̧i̧jö̧mä̧ ppoäsätä päiönä jȩpu̧ icuinätö̧do ja̧u̧nu̧ o'comenämä bronce cuoräumä ȩpi̧nä̧tödo Babiloniara̧'a̧.
14
Ja̧hua̧ta̧'a̧nö̧ ȩmi̧pi̧nä̧tö̧do bäreu öribiyu'inä pala oya'inä, lampariyu'inä huȩ'chä̧qui̧yu̧'i̧nä̧, o'cajuiyönä daö juäopu jȩä̧cuä̧huä̧ broncettö̧ adicuä Dios i̧huȩnȩ jiäcuähuä ttö̧ja̧ daö juattopäijö'inä ttihuiroaijö'inä Dios ö̧jo̧de jacuättö, Caldeos ttö̧ja̧mä̧ na̧u̧cu̧ ȩmi̧pi̧nä̧tö̧do.
15
16
icui'quiyu to'care bronce o'cainä, ajiya acuome'inä, ji̧yȩtä̧ kda'ca 'chu̧huä̧rö̧ o'cainä Salomon Dios ojusodenä aditinä ji̧nö̧mä̧; pi̧yȩ o'ca juiyönä cäepömä juiyöanötä jö̧nä̧ ämäquinö.
17
Ji'cacu pönämä pa̧ja̧cua̧'a̧ ji̧na̧'a̧huä̧mȩcu̧nä̧ ko̧ro̧mö̧ttö̧ huäbochecuänö jo̧mȩnä̧, i'quiquiyu ji'cacu pönä bronce o'ca kä̧cui̧nö̧mä̧ pa̧ja̧cua̧'a̧ ji̧na̧'a̧ yaute pä̧ja̧cuo̧mȩ ja̧'a̧nä̧ ju'tometä jö̧nä̧ ju'toju jacumä. Ja̧hua̧nö̧ ja̧'a̧ jäyämä a̧'cua̧tä̧cuä̧huä̧'a̧ ji̧na̧'a̧ ppötä̧huä̧sa̧ rö̧nö̧, ja̧u̧cu̧tä̧ rö̧ji̧na̧'a̧ broncettö adicuä oba'inä. Ja̧u̧ to̧'ca̧rȩ icui'quiyumä yoräteunätä a̧cua̧tö̧ ku̧nä̧hua̧'a̧tä̧ ka̧cui̧nö̧.
18
Su̧ra̧da̧u̧ttu̧ hueähuä i̧sa̧mä̧ cärenä öta pä'ö ȩmi̧pi̧nö̧ sacerdotettö juȩi̧pa̧ Seraiasrö'inä, ja̧u̧tä̧ ötö'cönä Sacerdote hua̧ Sofoniarö'inä, apatiyä tta̧huä̧rä̧cuä̧huä̧ tttö̧ja̧ huämetucuärö'inä.
19
ötahuiyättömä ȩmi̧nö̧ cärenä ötarö pä'ö ya̧tȩ cuo̧rä ru̧hua̧rö̧ tta'äiö adicuä i̧sa̧rö̧'i̧nä̧, ji̧mö̧tȩnö̧ huotö u̧mä̧tö̧ ru̧hua̧rö̧ jiähuä̧rö̧ adicuä ttö̧ja̧rö̧'i̧nä̧, ötahuiyänä ka̧cui̧nä̧tö̧rö̧mä̧ cuorä ru̧hua̧ttö̧ 'cuäopö huȩnȩ huȩyu̧cuä̧ i̧sa̧ juȩi̧pa̧rö̧'i̧nä̧, ttö̧ja̧ ttö̧'quȩtȩttö̧ cuorä rohuähuö tti̧chä̧cuo̧tö̧rö̧ utu'chähua pä'ö huȩä̧hua̧rö̧'i̧nä̧, sesentanö huotö u̧mä̧tö̧ micuäunä juä̧jä̧ rȩjȩ ötahuiyä ka̧cui̧nä̧tö̧rö̧.
20
ja̧hua̧nö̧ ja̧'a̧ cärenä ötinö o'ca'a Nabuzaradan cuorä ru̧hua̧ttö̧ hueähuä i̧sa̧mä̧ ȩpö̧ iyinö Babilonia ru̧hua̧rö̧ Riblanä ki̧nö̧rö̧.
21
Juorö Ribla ötahuiyä Hamat rȩjȩttö̧, Babilonia ru̧hua̧mä̧ o'ca toinärö cuä'ö tticua pä'ö hueinö. Ja̧hua̧nö̧ ja̧'a̧ttö̧ Juda ttö̧ja̧rö̧mä̧ tti̧rȩjä̧ttö̧ rä'opö icu, de'a ji̧yä̧jä̧ ra̧'a̧ ttȩmi̧pi̧nä̧u̧.
22
Juda rejenä kacuipinätö̧ttö , Babilonia atahuiyä hueähuä ru´hua Nabucodonosor somä̧ , Kacuipinätörö tottä̧ra̧ pä´ö hueinä, Gédalias, Ahican i̧tti̧rö, Ahicaumä Safan ittí ji̧na̧´a.
23
O´catoinä Sorodau tturuhuo tömä̧ , Babilonía hueahuä ru̧hua Gedaliarö huea huä ruhua ujunä̧ji äju uünätö, jätömä Gedalias öjá´a Mizpará´a chi̧nätö, juätuuimä ´chinä̧tö̧ , Ismael Netania I´ttíinä, johanám caria i´tti̧ inä̧ , Sariamä tanhumet netotatita ttö̧ja̧ i̧ttí ji´naa,
o´cátoinä juätömä ttu̧mu̧huäjotucú po̧nä ´chi̧nätö̧.
24
Gedaliamä juätö ttu̧mu̧huäjotö ttä´ca jomettö hueönä pä´inö, "caldeottö ucuo ttö̧jarömä yecue cuätucuä. juätucutä cujatu cúa̧, Babilonia rahua hueötä jepö, j´ahuanö je cuä túcuó̧mȩ nämä
adiu´nä̧tä adiu´nä̧tä cú̧´jä cuo̧ ´tö̧ja̧".
25
Kähuatö jimötettö̧ todärenö jinö o´ca´a pa´anö ´cuä´opina̧´a, Ismael netánía Ittimä̧, Elisama ö̧do̧ jätömä ttahuär´ahuä tä jina̧´a, jätömä ttumuhuäyo tä ionö huotucú rehä̧nö cuä´ö Icuinä̧tö Gedaliarömä.
26
Jahuanö ja̧´attö o´catoinä ttöjamä, ppo̧ä̧töttö tä̧mu̧ra´a ica´adö, o´catoinä sóró̧da̧u̧ ttúrúhuotö inä ärämiö Egipto ra̧ía ´chinätö, Babilonia ttöja̧rö̧ ri̧ȩnä̧ yette cúa´attö.
27
O'catoionä tto̧ja̧ a̧u̧cu̧nänö jo̧mȩttö'inä bäreumä jo̧mȩttö'inä, so̧ro̧da̧u̧ ttöruhuotöttö'inä, huȩnȩ päinä̧u̧ jahuanö ja'a Egipto rȩjȩra̧'a̧ ihuinätö babilonios ttö̧ja̧rö̧ ye'ecuiö.
28
Jaumä ucuocuinö repeönänö ucuotunö ruhuo dea'canä'inä korotö hueahuä röhuotö'ttö'inä kacuinätö jina'a Babilonia rȩjȩnä̧'inä.
29
Evil Meredacmä ja̧hua̧nö̧ ja̧'a̧ pärötö icuinäcu ö'ca̧ta̧hua̧ta̧'inä ja̧'a̧ 'cha̧cua̧hua̧ jo̧nä̧ ku̧rö̧ Joaquinmä 'cuäopönä mo̧ro̧ ja̧u̧cu̧ta̧ a'ca jo̧mȩ ucuä'inä cuänö kinö. Ru̧hua̧ u̧cuä̧ ucuome mesa isodanä a'cua̧rö ö̧jo̧mȩ jubö.
30
mo̧ro̧'inä 'cuäopönä u̧cuä̧mä̧ iyinäcu ru̧hua̧mä̧ o'cajuiyunä̧tä̧ ö̧jo̧mȩnä̧mä̧ ja̧u̧ta̧cu̧.