¹ Aphue dji sa bagaj-iela,jezi ale pu uot bo dji mar dji Galileia,ki osi ka ple dji mar dji Tiberíades. ² Un bãn mun te ka maxe deie li,pase ie te ka ue boku sin-iela ki jezi te ka fe lasu sa ki te malad-iela. ³ Jezi mõthe ãle mõtãi-iela i laba li asi ke so discíp. ⁴ Pak,sa fet dji judeu-iela,deha te phox. ⁵ Kã jezi gade li ue un bãn mun te ka vini la so dihesiõ,li dji pu Felip:"kote no kale aste dipẽ pu sa mun-iela mãje?" ⁶ Jezi dji sa pu li te seie Felip,pase li te save sa kin li te ke fe. ⁷ Filip hepon:"desã denários dji djipẽ pa te ke bai pu xak un husuve un mo so". ⁸ Un dji so discípulo-iela,André,jue dji Simão Pedro dji pu jezi: ⁹ "Isi gãiẽ un txi õm ki gãiẽ sẽk djipẽ dji sevada e de puasõ;mẽ akisa sa-iela pu sa bãn-iela?". ¹⁰ Jezi hepon:"zot fe pov-la asi".Te gãiẽ boku txi hadje lãdã sa kote-la.Ẽbe õm-iela asi,ã lemeho dji un sẽk mil. ¹¹ Ẽbe,jezi phã dipẽ-iela i,aphue ki li bai graça,li pataje pu sa ke te ka asi-iela.Mẽ kõsa,li fe ke puasõ-iela,kumã ie te le. ¹² Kã pov-la hete satisfeito,jezi dji pu so discípulo:"zot hamase tut la hestã ki hete pu ie pa gate ãiẽ". ¹³ Ẽbe,discípulo-iela hasãble i ie ple duz pãiẽ ke pedas dji sẽk djipẽ-iela dji cevado,la hestã dji sa ki mãje-iela. ¹⁴ Kã mun-iela ue sa sin ki jezi fe,ie dji:"sala a vuemã phofet ki djivet vin lasu tã". ¹⁵ Kã jezi ue ki ie te ka vini pu txẽbe li ã fos pu ie fe kumã un hue,li sotxi lin so ãko pu mõtãi-la. ¹⁶ Kã nuit-la hive,so discípulo ie desãn pu lag-la. ¹⁷ I,ie ãthe ãdjidã un bato, ie ale pa lahivie(mar) la dihesiõ dji kafahnaũ.Deha te suku la sa lokaziõ-la,e jezi pa te ãko vini kõthe ke ie. ¹⁸ I,palakos dji un gho vã ke te fo ke te ka sufui,mar-la hete boku fo. ¹⁹ Kã,discípulo te deha te pagai un ven sẽk ou thãt estádio,ie ue jezi ka maxe lasu mar,ka vini phox dji ie bato,ie hete pe. ²⁰ Mẽ jezi dji pu ie:"A mo!Zot pa hete pe. ²¹ Ẽbe,la mem ie puepahe pu husuve li,i la mem bato-la hive kote li te ke hive. ²² So la djimẽ,bãn mun-iela ki te uot bo dji mar ue ke pa te gãiẽ pies bato laba,mẽ sel un,i ki jezi pa te ãthe ke so discípulo,mẽ ki so discípulo te ale sel iẽn so. ²³ Mẽ ke tut sa,te gãiẽ un de bato ki vini dji Tiberíades phox dji kote ie mãje djipẽ aphue ki sẽie te bai graças. ²⁴ Kã ban-mun-iela dekhuvui ki nẽ jezi nẽ so discípulo pa te laba,ie ãthe lãdã bato-iela i ie ale pu Kafahnaũ ka sase li. ²⁵ Ie kõthe-li la uot bo dji lag-la,ie dji:"Rabi,ki tã u hive isi-la?". ²⁶ Jezi hepon ie,li dji:"la lavehite,la lavehite,zot ka sase mo,nõ pase ki zot ue sin-iela,mẽ pase zot mãje djipẽ-iela i zot hete kõtã. ²⁷ Thavai nõ pu mãje ke ka fini,mẽ pu sa mãje ki ka hete pu lavi etehnel,sa ki pitxit dji õm-la ke bai pu zot,pase Bõdjie,papa-la,deha make li(selou). ²⁸ Ẽbe,ie dji pu jezi:"akisa no djivel fe pu healize thavai dji Bõdjie?". ²⁹ Jezi hepon:"Sa thavai-la a dji Bõdjie: zot khe ãle sa ki li voie". ³⁰ Ẽbe,ie dji:"ke sin u ka fe,pu no ue i pu no khe la su u? kisa u ka fe? ³¹ No papa-iela mãje dji mana la deserto,kumã li ekhi:"li bai zot mãje djipẽ dji lahosiel". ³² Ẽbe,jezi hepon:"la lavehite,la lavehite,mo ka dji pu zot a pa Moisés ki bai zot mãje djipẽ dji lahosiel,mẽ a mo papa ki ka bai lavehite djipẽ dji Bõdjie. ³³ Pase djipẽ dji Bõdjie a sa ki ka desan dji lahosiel i ka bai lavi pu tã-la". ³⁴ Ẽbe ie dji pu jezi:"Sẽie,bai no tuju xak fue dji sa djipẽ-la". ³⁵ Jezi dji pu ie:"mo sa djipẽ dji lavi,sa ki ka vini kote mo pa ke sotxi fẽ,i sa ki ka khe lasu-mo pa ke jẽ sotxi suef. ³⁶ Mẽ,osi mo ka dji,ki zot ue mo,mẽm kõsa zot pa khe. ³⁷ Tut sa ki mo papa ka bai ka vini pu mo,e sa ki ka vivi pu mo,mo pa ka jẽ voie deho. ³⁸ Pase mo vini dji lahosiel,nõ pu fe mo phop volũte,mẽ volũte dji sa ki voie-mo. ³⁹ Sa la a volũte dji sa ki voie-mo,ki pu mo pa piad ãiẽ dji sa tut ki li bai pu mo,mẽ ke hesusite lãdã deãiẽ-ju". ⁴⁰ Pase sa a volũte dji mo papa,tut sa ke ka ue pitxit-la i khe ãle li,gãiẽ lavi etehnel; i mo ke hesusite-ie lãdã deãiẽ ju-la". ⁴¹ Ẽbe,judeu-iela te ka heklamẽ a so hespek pase li dji:"Mo sa djipẽ ki desãn dji lahosie". ⁴² Ie te ka dji:"A pa sa-la jezi,pitxit de José,ki so papa i so mãmã no konet?kumã,lidji:"Mo desãn dji lahosil?". ⁴³ Jezi hepon-ie:"zot pa heklamẽ pu zot kõpãiẽ. ⁴⁴ Pies õm pa puve hive kote mo,si mo papa ki voie mo pa aple ie,i mo ke hesusite ie la deãiẽ ju. ⁴⁵ Li ekhi la liv dji phofet-iela :"ki ie tut Bõdjie ke mõthe.Tut sa ki kute i ãphãn ke papa ka hive kote mo". ⁴⁶ Nõ ki kek mun ue papa-la,mẽ selmã sa ki vini dji Bõdjie;sa ue papa-la. ⁴⁷ La lavehite,la lavehite,mo ka dji pu zot sa ki khe gãiẽ lavi etehnel. ⁴⁸ Mo sa dipẽ dji lavi. ⁴⁹ Zot papa mãje maná la deserto,ie muhi. ⁵⁰ Sala a djipẽ ki desãn dji lahosiel,pu sa ki mãje djili pamuhi. ⁵¹ Mosa djipẽ vivã ki desãn dji lahosil.Si kek mun mãje dji sa djipẽ-la,ke viv pu etehnite.Sa dipẽ ke mo ke bai a mo laxe pu lavi dji tã-la". ⁵² Judeu-iela hete kole,ie kumase dumãde,ka dji:"kumã sala puve bai so laxe pu mo mãje?". ⁵³ Jezi,ẽbe,dji pu ie:"la lavehite,la lavehite,mo ka dji pu zot si zot pa mãje laxe dji pitxit dji õm-la,i bue dji so disã,pa ke gãiẽ lavi ãle zot mem. ⁵⁴ Kin ka mãje dji mo laxe i ka bue dji mo djisã gãiẽ lavi etehnel,i mo ke hesusite-ie ie la deãiẽ ju. ⁵⁵ Pase mo laxe a vuemã un bõ mãje,i mo djisã a vuemã buesõ. ⁵⁶ Sa ke ka mãje dji mo laxe i ka bue dji mo djisã ka hete la su mo,i mo ka hete la su li. ⁵⁷ Kumã sa papa-la ki voie mo ka vivi,i akõsa mo ka viv palakos dji papa,sa ke ka mãje dji mo osi pu mo ie ke viv. ⁵⁸ Sa la a djipẽ ke desãn dji lahosiel,nõ sãble sa ki zot papa mãje,mẽ ie muhi.Sa ki ka mãje sa djipẽ-la ke viv pu etehnite". ⁵⁹ Jezi dji sa bagaj-iela la sinagoga,ẽkã li ka mõthe la Cafahnaũ. ⁶⁰ Ẽbe,boku dji so discípulo,kã ie tãde sa,ie dji:"sa pahol boku hed ;kin ke puve kute li?". ⁶¹ Mẽ jezi,te save ke so discípulo te ka hek lãmẽ suje sa,li dji:"sa ka fe zot eskãdalize? ⁶² Si zot ue pitxit dji õm-la ka mõthe pu kote li te fika ãvã? ⁶³ A lesphui-la ka bai lavi.Laxe-la pa ka produzir ãiẽ.Sa pahol-iela ki mo ka dji ie sa lesphui i lavi. ⁶⁴ Gãiẽ tuju dji zot ki pa ka khe".Pase jezi deha te save djipi kumasmã sa ki pa te ke khe i ke les te ke trair. ⁶⁵ Lidji:"A pusa mo ka dji pu zot ki pies mun pa puve hive kote mo,se mo papa pa bai zod". ⁶⁶ Aphue dji sa,boku dji so discípulo tonẽ,i ie pa maxe ke li ãko. ⁶⁷ Jezi,ẽbe,dji pu duz-iela:"zot pale ale osi?" ⁶⁸ Simão Pedro ie hepon:"Senhe,kote ki mun no ke ale?u gãiẽ pahol-iela dji lavi etehne. ⁶⁹ No khe e no hete save ki u sa sẽ dji Bõdjie". ⁷⁰ Jezi hepon:"Mo pa xuezi zot,duz?mẽ ke tut sa,un dji sot a un djiab". ⁷¹ Lite ka pale dji Judas,pitxit dji Simão iscariotes,pase ate li,un dji duz-iela,ki te ke trai-li.