¹ Aphue sa bagaj-iela,jezi vuiaje pu Galileia, pase li pa te le maxe pu judeia,pase judeu-iela tele txue-li. ² La fet judaika dji tabernáculo te phox. ³ So fue-iela dji:"lese sa kote-la ale pu judeia,kõsa u discípulo-iela ke puve ue bagaj ki u ka fe; ⁴ Pase pies mun pa puve fe ãiẽ ã sehe kã u le ie hukonet u pu tu mun.Se u ka fe sa bagaj-iela,mõthe u ko pu tut tã-la". ⁵ Nẽ so fue-iela pa te ka khe la su-li. ⁶ Ẽbe,jezi dji pu ie:"Mo tã pãko hive,mẽ sot tã tuju phuezãs. ⁷ Tã-la pa puve hai zot,mẽ mo li hai,pase mo ka dji ki zot thavai-iela pa bõ. ⁸ Zot ale la fet-la.Mẽ mo mem pa ka ale pase mo tã pãko kõphui". ⁹ Aphue ki li dji sa bagaj-iela,li hete la galileia. ¹⁰ Ke tut,aphue so fue-iela mõthe pu fet-la,li mõthe osi;nõ a ghã,mẽ ã sehe. ¹¹ Judeu-iela te ka sase la fet-la,ie te ka dji:"kote li fika?". ¹² Lãdã mun-iela,te gãiẽ tahot kose lasu-li.Gãiẽ te ka dji:"li sa un bõ õm";uot te ka dji:"nõ;li ka kuienẽ mun-iela". ¹³ Mẽm kõsa,pies mun pa te ka koze biẽ dji li,pu lakos judeu-iela. ¹⁴ Kã fet-la te la mitã,jezi mõthe lãdã templo-la li kumase ẽthi. ¹⁵ Ẽbe,judeo-iela hete xaghẽ,ie dji:"kumã sa õm save boku sã li pa lekol?". ¹⁶ Jezi hepõd-ie:sa ke mo ka ẽthi apa mo pa,mẽ dji sa ke voie mo isi. ¹⁷ Se gãiẽ kek mun ki le fe so volũte,u ke save akisa li ka ẽthi,si sa ka vini dji bõdjie osi, o si mo ka kose dji mo phop ko. ¹⁸ Sa ki ka kose dji li mẽm ka kose so phop glória, mẽ sa ki ka sase glória dji sa ki voie li,sa a lavehite,pa gãiẽ injustiça la su. ¹⁹ Apa Moisés ke bai sot lua?ke tut, sot un pa ka suiv-li.Pukisa zot le txue mo?". ²⁰ Mun-iela hepõn:"u gãiẽ un demõ.Ki sase pu txue u?". ²¹ Jezi hepõn e pi li dji pu ie:"Mo fe selmã un thavai,i zot tut hete xaghẽ ke sa. ²² Moisés bai zot a circuncisã sa pa vin dji Moisés,sa vini dji patriarcas-iela,e samdji ie ie circuncidais un õm. ²³ Se un hõm sa circuncidado la samdji,pu ki lua dji Moisés pa kase,pukisa sot kole pase mo djehi un õm samdji? ²⁴ Pa jugueis kumã u ka ue,mẽ jugais jis". ²⁵ Un dji mun dji jeruzalém te ka dji:"apa sa ie ka sase pu thue?. ²⁶ Li ka kose biẽ kle,i ãiẽ ie pa ka dji.Khe ki xef-iela hekonet ki li sa phop jezi khi?" ²⁷ No save dji kote li sa,mẽ kã jezi khi ke vini,pies mun pa ke save dji kote li sa". ²⁸ Ẽbe,jezi kose biẽ fo lãdã templo,kã ẽthi i ka dji:"zot konet mo i zot save dji kote mo sa;mo pa vini dji mo mẽm,mẽ dji sa ki voie mo lavehite li sa,i zot pa konet-li. ²⁹ Mo konet-li pase mo vini dji li i li voie mo". ³⁰ Ẽbe,ie te ka sase pu phui,mẽ pies mun pate puve mete lãmẽ lasu pase so lo pãko te hive. ³¹ Tuju,boku dji mun-iela khe lasu.Ie teka dji:"kã jezi khi te vini,li ke fe pi boku sin pase ki sa õm-la fe?". ³² Fariseu-iela tãde mun-iela ka koze bas sa bagaj-iela la su jezi,i xef dji sacerdotei fariseus voie soda-iela pu phui li. ³³ Ẽbe,jezi dji pu ie:"mo ãsam ke zot pu un txi mumã,i ato mo ka ale pu sa ki voie mo. ³⁴ Zot ke sase mo,mẽ zot pa ke thuve mo;i kote mo kale,zot pa puve ale". ³⁵ Pusa hesõ-la,judeus-iela te ka kose ie mẽm ke ie mẽm:"pu kote sa õm ke ale,ki no pa puve thuve?li ke ale kote gregos-iela,ale pu gãiẽ ẽthi-ie? ³⁶ Aki signifikasiõ gãiẽ sa kose ki ie dji:"zot ke sase mo mẽ zot pa ke thuve mo;kote mo kale,zot pa puve ale?". ³⁷ Hive deãiẽ ju,ghã ju dji fet-la,jezi kose biẽ fo li dji:"si kek mun ki suif,vini kote mo i bue. ³⁸ Sa ki ka khe lasu mo,kumã ka dji escrituras,dji so ko ka sotxi lahivie dji djilo vivã". ³⁹ Li dji sa la su lesphui ki ie te gãiẽ dji husuve sa ki te khe lasu li;lesphui-la pate ãko hãde so ko, pase jezi pãko te se glorificado. ⁴⁰ Un dji mun-iela,kã ie tãde sa pahol-iela,ie dji:"sala vuemã sa un profeta". ⁴¹ Uot-iela dji:"sala a phop jezi khi" mẽ un de dji:"te puve jezi khi vini dji galileia? ⁴² Mẽ li pa ekhi ke jezi khi ke vinio dji descendência dji Davi,i de Belém,dji populasiõ dji ate kote dji Davi?". ⁴³ Ẽbe,li kumase gãiẽ un diviziõ lãdã mun-iela pu so lakos. ⁴⁴ La mitã-iela te gẽ mun ki te le phui,mẽ pies mun pa mete ie lamẽ lasu. ⁴⁵ Ẽbe,soda-iela ale kote phi gho xef dji sacerdote i fariseu-iela,i ie dumãde-ie:"pukisa zot pa pote-li?". ⁴⁶ Soda-iela hepõn:"Pies mun pa jamẽ pote kumã li". ⁴⁷ Pusa,fariseu-iela hepõd-ie:"zot osi ie kuienẽ? ⁴⁸ Kek dji xef-iela o dji fariseu-iela ka khe osi lasu? ⁴⁹ Mẽ mun-iela ke pa konet lua-la,é maldita". ⁵⁰ Nicodemos,un dji fariseu-iela ki te ale khõthe li ke jezi ãvã,dji pu ie: ⁵¹ "No lua ka mete tho lasu un õm sã phomiẽ kute e save akisa li fe?". ⁵² Ie hepõn:"usa un galileu osi? sase i ue ki pies profeta pa ka sotxi dji galileia". ⁵³ Ẽbe,ie tut hutonẽ pu ie kas-ela.