1
Aphue dji sa ,te gãiẽ un lafet dji judeus-iela,Jezi mõte pu Gerusalém.
2
Te gãiẽ la Gerusalém un tanque,phox dji la pot dji mũtõ-iela,ki la aramaico ka dji Betsda,te gãiẽ sẽk ãthe tut kuvui pa ãtxie.
3
un ghã lemeho dji mun malad,seg ,sa ki paka maxe i paraliticos,ie te kõtã hete obo sa la pot-iela ka ãtan djilo-la bhase,
4
pase zaj dji Sẽie te ka desan pu bhase djilo-la dji tã pa tã,i ne pot ki te ãthedã dã mumã ki djilo-la te ã muhmã ,ie te ke djiehi dji ne pot maladji.
15
Un tel om,ki te malad te gãiẽ thãt uit ãne ,te laba.
6
Li ue li kuxe li save ki lõtã li te laba,Jezi dumãdel:u le djiehi ?''.
7
Om malad-la hepon: ''Sẽie,mo pa gãiẽ pies mun pu metemo la tanque,kã djilo-la dã muhmã xak fue kimo ka sase ale ,uot ka pase djivã mo''.
8
Jezi dji puli : leve phã u bukã,i maxe
9
Ladã,Sá mē mumã-la,om ki djiehi-la li phã so bukã li maxe. Sa ju-la ate sandji.
10
Ẽbe,judeu-iela dji pu om ki djihi :''A samdji u pa puve xaie u bukã jodla''.
11
Om-la hepon: ''sa ki djiehi-mo li dji phã u bukã i maxe
12
Ie dumãdel:''ki mun ki djiu:'phã u a mak i maxe?''.
13
Pase om-la pate save a ki mun ki te djiehil,a pusa Jezi hale so ko lin so,pase te gãiẽ un ghã kãtxite mun.
14
Pita Jezi kõthe om-la,la (templo),li dji pu-li:''gade u djiehi,patonẽ fe pexe ãko,pu pa fe bagaj pi vilẽ''.
15
Om-la ale dji pu judeus ki ate Jezi ki djiehil.
16
Ẽbe,lideres dji judeu-iela mẽnase Jezi,pase li te kafe thavai lãdã ju dji samdji.
17
Jezi dji:mo papa ka thavai juk ato,mo osi ka travai''.
18
I pusa hezõ-la judeu-iela tele boku txuel,nõ kili te kase lua-la dji samdji,me pase li ka aple dji Bõdje dji so phop papa,li kafe so ko ãtxie Bõdje.
19
Jezi hepon: dã lavehite,dã lavehite,mo ka djiu ki pitxit-la pa puve fe ãiẽ puli mem mem,selmã sa kili ka ue so papa ka fe;sa ki papa-la ka fe,pitxit-la ka fe osi.
20
Pase papa-la kõtã pitxit-la i li ka mõthe tutsa kili mem mem ka fe,i mo ke mõthe bagaj ki pi gho pase sa,i zot ke hete susphan.
21
Pase,kumã papa-la ka hesusite sa ki muhi li ka bai lavi,pitxit-la osi ka bai lavi pu ki mum lile.
22
Pase papa paka juga pies mum,me li bai tut julgamento pu so pitxit,
23
kia pu tut honra pitxit-la,kuma ie ka honra papa-la.isa ki pa honra pitxit-la pa ka honra papa sa ki voiel .
24
Dã lavehite,dã lavehite,mo ka dji zot saki kute mo pahol i khe lasu sa ki voie-mo gãiẽ lavi etehnel li pake kõdãnẽ me li pase dji lamo pu lavi .
26
Pase kuma papa-la gãiẽ lavi li mem mem a kõsa dji mem mãiẽ li bai pu pitxit-la gãiẽ lavi lasu li mem,
27
I papa bai pu pitxit-la otohite pu fe jugamento,pase li sa pitxit dji Bõdje .
28
Pa hete thakase ke sa,pase li ka hive tã ki saki lãdã tom ie ke tãde so vue ie ke sotxi :
29
Saki fe biẽ,ie ke leve pu lavi,isa ki fe mal,ie ke hesusite pu jugamento.
30
Mo pa puve fe ãiẽ pu mo mem.Zot ka tãde mo jugamento,i mo jugamento li jis pu kisa mo paka fe mo plezi,me plezi dji saki voie mo.
31
Si mun so bai selmã mo temuẽ,mo temuẽ apa lavehite.
32
Gãiẽ un uot ki ka pale dji mo,mo save ki so temuẽ dji mo a lavehite.
33
Zot voie mensageiro pu Jã,ki pale lavehite.
34
pase temuẽ ki mo husuve pa ka vin dji om.Mo ka dji sa bagaj-iela kia pu zot puve sove.
35
Jã ate un lime ki teka klehe,i pu un ti mumã,zot te hete kõtã ke sa lime-la.
36
Ke tut mo temuẽ li pigho pase dji Jã,pase thavai ki mo papa bai pu mo fe, a mem la ki mo ka fe,li ka pale dji mo ki mo papa voie mo.
37
phop papa-la,ki voie mo,li ka pale dji mo hespe.Zot pa jẽ kute so vue,i pa jẽ uel kuã li fika;
38
i nẽ pa gãiẽ so pahol la su zot,pase zot paka khe lasu saki li voie.
39
Zot gade pahol-iela,zot puve khe ki li gãiẽ lavi etehnel sa mem pahol-la ka pale la mo hespek;
40
me zot pale vin pu mo ,pu gãiẽ lavi
41
Mẽ mo paka husuve Gloria dji om,
42
me mo save ki zot pa gãiẽ ofõ zot,kõtatmã dji Bõdje .
43
Mo vini lasu nõ dji mo papa,i zot pa husuve-mo;si uot vini lasu so phop nõ, zot ke husuvel.
44
Kumã zot puve khe,zot ka husuvel gloria un dji uot,mẽ zot paka sase gloria ki ka vini dji Bõdje?
45
Zot pa ka magiẽ ki mo mem ke a kuze zot dji vã mo papa.saki ka a kuzeu a Moisés,saki zot ka mete zot esperança.
46
Si zot te khe lasu Moisés,teke khe lasu mo,pase li bai temuẽ la mo hespek.
47
Pase si zot pa khe lasu saki li ekhi ,kumã zot ke khe la mo pahol