¹ Phõmie ju dji simen,ixtã li te suku Maria Madalena,ale la tõn-la,li ue ki hox-la pa te la so plas. ² Ẽbe ,li kuhi pu kõthe Simão Pedro i dji uot djisip-iela ,sa ki jezi te kõta-la ,i li dji,ie txihe Jezi dji so tom i no pa save kote ie metel. ³ ẽbe Pedro i uot djisip-la sotxi ie ale la tõn-la. ⁴ Ie de kuhi ãsam;i uot djisip-la kuhi pi boku pase Pedro,i li hive la tõn-la phomiẽ. ⁵ Li pãxe ,li ué so lẽj dji "linho" te hete laba,mẽ li pa ãthe. ⁶ Ẽbe,hive Simão Pedro deie dji li ,li ale ofõ tõn-la,li ué dha dji " linho" te hete laba, ⁷ i muxué ki te la so tet,sa li pa lesel ãsam ke uot dha-iela,mẽ ie te hule lãdã un kote sepahe. ⁸ Ẽbe uót djisip-la,sa ki hive phõmie,li osi ãthe ofõ tõn-la;li ué i li khé . ⁹ Mẽ juk la sa mumã- la,ie pa te kõphan kumã pahol-la te ka dji,ki jezi te gãiẽ dji hessusite lamitã dji mun muhi-iela. ¹⁰ Ẽbe,djisip-iela ie hutonẽ ãko pu ie kaz. ¹¹ Mẽ,Maria kõtxinẽ deho dji tõn-la ka khie. ¹² ekã li te ka khie,li hete li gade ofõ tõn-la,li ué de zãj dji blã te asi,kote kó dji jezi te fika,un te dji bo dji so tet uót te bo dji so pie. ¹³ Ie dji:"fam,pu kisa u ka khie?". li hepon ie:" pase ie ale ke mo sẽie,i mo pa save kote ie mete li''. ¹⁴ kã li dji sa,li gade obo li ué jezi te laba;mẽ li pa te save se a te jezi. ¹⁵ Jezi dji;''fam pu kisa u ka khie ?. Li majinẽ ki a te '' jardineiro''-la,ẽbe li dji:'' sẽie si u txihe-li dji esi,dji pu mo kote u metel,ke mo ke ale ke li''. ¹⁶ Jezi dji:"Maria"!. li vihe li dji pu li ã "aramaico":"Raboni"!(ke ka dji ''Mestre''). ¹⁷ jezi dji:"pa txẽbe mo,pase mo pãko mute pu mo papa.Mẽ ale kote mo fué-iela, i dji pu ie ke mo ke mute kote mo papa,i zót papa,mo Bõdjie,i zot Bõdjie''. ¹⁸ Maria Madalena ale,li dji pu djisip-iela:" mo ué sẽie''! , li hakõte sa bagaj ki li dji pu li-la. ¹⁹ Li te deha ta,dã sa phomiẽ ju dji simen-la ,djisip-iela te hasãble ke lapot-iela tatxie,pase ie te pe dji judeu-iela,Jezi vini li pahet lamitã dji ie,li dji:"paz "ka hete ke zót. ²⁰ aphué ki li dji sa,li muthe so lamẽ i uot bo-la.Kã djisip-iela ué sẽie ie hete kõtã. ²¹ Djila Jezi dji:"Paz" ka hete ke zót. Kumã papa voie mo,mo osi ka voie zót. ²² Kã jezi dji sa,li sufle lasu-ie li dji; ''zót husuve sẽtesphui. ²³ Se zót padõnẽ pexe de un mun,ie ke hete padõnẽ;mẽ se ie pa padõnẽ,ie pa ka hete padõnẽ'' ²⁶ Uit ju aphué,disip-iela te uót fué hasãble laba ,Tomé te ke ie. ie lapot te tatxie, Jezi pahet lamitã dji ie,li dji; ''Paz''ka hete ke zót. ²⁷ Ẽbe li dji pu Tomé; '''mete u duét isi-la,i ué mo lamẽ ;lõge isi u lamẽ,i mete-li obo mo pa;pa tonẽ un mun ki pa ka khé,mẽ khé''. ²⁸ Tomé hepon li dji: ''Mo Sẽie i mo Bõdjie''!. ²⁹ Jezi dji pu li: "pase u ué mo, i u khé? bendito sa ki pa ué-mo mê ie khé". ³⁰ Dã lavehite,Jezi healize,la phuezãs dji so djisip-iela,boku uót sin,sa ki pa ekhi ladã liv-la. ³¹ Mẽ sa-iela,ie ekhi pu ie khé ki Jezikhi,a pitxit dji Bõdje,pu ie khé,pu ie gãiẽ lavi la so nõ.