¹ Aplué dji sa bagaj-iela,jezi pahet ãkó pu djisip-iela la lahivie dji Tiberíades.Akõsa li pahet; ² Simão Pié te ãsam ke tomé, te ka aple li Dídimo,Natanael dji Caná da Galiléia,pitxit-iela dji Zebedeu, i uót de djisip dji Jezi. ³ Simão Pié li dji;'' mo ka ale pexe''.ie dji;'' No osi ke ale ke zót''.Ie ale i ie ãthe lãdã bato-la;Mẽ sa nuit-la ie pa txẽbe ãiẽ. ⁴ Kã li ju, Jezi te la ''praia'',mẽ so djisip-iela pa save si a te Jezi. ⁵ Ẽbe Jezi dji: '' jon mun,gãiẽ kek bagaj pu mãje''?.Ie hepon:"nõ". ⁶ I ie dji : "Lõje zót thamai bo adhet dji bato- la,i zót ke thuve".I ie lõje ie thamai ,ie phós pa te puve hale pu lakós dji kãtxite dji puasõ. ⁷ Ẽbe, disip ki Jezi te kõtã dji pu Pié: "A u Sẽie!". Kã Simão Pié tãde ki a te Sêie,li fuhe so lêj, pase li te tuní,li vole la lahivie. I uót ⁸ djisip- iela vini lãdã bato-la(pase ie pa te luẽ dji laté,nẽ desã met dji djistãs) ,hale thamai plẽ ke puasõ. ⁹ Kã ie debake,ie ué laba djipẽ ke puasõ lasu labhues. ¹⁰ Jezi dji;''pote kek puasõ ki zót fini txẽbe''. ¹¹ Simão Pié mõte ãle bato-la li hale thamai,plẽ ke sã sẽkãt thoa gho puasõ;mem ki te gãiẽ boku,thamai- la pa kase. ¹² Jezi dji: "vini i mãje".Pa un dji djisip-iela pa te gãiê txó dji dumãdel:" kin ki a u?",save ki li a te Jezi. ¹³ Jezi phoxe, li phã djipê i li bai pu ie; li fé dji mem zés ke puasõ. ¹⁴ Sa a thoazem fué ki Jezi pahet pu so djisip-iela aphué ki li hesusite dji lamó. ¹⁵ Aphué ki ie mãje,Jezi dji pu Simão Pié;''Simão, pitxit dji Jã,u kõtã- mo plis pase sa-iela?''.Pié hepon li: '' Ui Sẽie; U save ki mo kõtã u''.Jezi dji: ẽtxupe dji mo mutõ-iela''. ¹⁶ Li hutonẽ dumãde pu dezem fué:''Simão pitxit dji Jã, u kõtã mo ?''Pié hepon li :'' ui Sẽie; u save ki mo kõtã u ''. Jezi dji pu li; Ẽtxupe dji mo mutõ-iela. ¹⁷ Li dji pu thoazem fué;''Simão,pitxit dji Jã, u kõtã -mo ?''.Pié hete this pase ki Jezi te dumãdel pu thoazem fué:" U kõtã-mo?''.Li dji;'' Sẽie, u save tut bagaj-iela;u save ki mo kõtã u''.Jezi dji;'' bai mãje pu mo mutõ-iela. ¹⁸ Ã Lavehite,ã lavehite, mo ka dji- u kã u te jon,u te ka dexãje i u te ka maxe kumã u te le; mẽ kã u ke vie,u ke leve u lamẽ i uót ke dexãje-u, i li ke pote-u kote u pa le ale''. ¹⁹ Jezi dji sa pu idjike ke ki kalite lãmo pie glohifike Bõdje. aphué ki koze sa li dji pu pié;''vini déie-mo''. ²⁰ Pié vihe li ué djisip-la sa ki Jezi te kõtãl ka kõpãiẽ-li,sa ki osi te koste lasu pothin dji Jezi la ''ceia'' i dumãde:''Sẽie, a ki mun sa ki te ke thaí u?''. ²¹ Pié,kã li ué, li dji pu Jezi: Sẽie,i ẽkãt a sa?''. ²² Jezi li hepon:"si mo le ki li hete juk tã mo tonê,ki sa u gãiê ke sa? mẽ u mem vini deié-mo''. ẽbe kate sa nuvel-la lamitã fué iela, dji ki sa djisip-la pa ke muhi. a kõsa, Jezi pa dji pu Pié ki uót djisip-la pa ke muhi,mẽ li dji:'' si mo le li hete juk kã mo tonẽ, kisa mo gãiẽ ke sa?''. ²⁴ sa a djisp la ki ka bai temuê lasu sa bagaj iela,kinli ekhi,i no save que so temuê a lavehite. ²⁵ Te gãiê boku uót bagaj ki jezi fé. si xak un dji ie te ekhi,ãnu dji nê mem tâ la pa te ke puve gãiê liv pu ekhi