¹ Ẽbe ,pilatos phã jezi li voie ie fut-li. ² sodha- iela nate un kuhun dji pika,ie mete la so tet,i ie fuhe un mãt dji púrpura. ³ Ie vini kotel ie dji pu li: un saldasion,vhué dji judeu-iela!".ie bat li. ⁴ Pilatos,ẽbe ,huk sotxi ãko li dji pu pov-la :"gade ,mo ka potel pu zot save ki mo pa kõthe pies tó lasul". ⁵ Jezi sotxi li te dã un mãt dji"púrpura" i dji kuhun-la .Pilatos dji pu ie ;"gade mẽ om-la esi la!". ⁶ Mẽ kã principais sacerdotes i oficiais -iela ué Jezi,ie hele ka dji khusifikel,khusifikel !".Pilatos li dji pu ie;" zot ale ke li zot mem mem i khusifikel ,mo pa thuve pies tó lasul". ⁷ Judeu-iela hepon pu pilatos:"no gãiẽ un luá,i pu sa luá-la li djivet muhi ,pase li fe djili mem pitxit dji bõdjie". ⁸ Kã pilatos tãde sa pahol-iela,li hete pi pé; ⁹ li huk ãthe lãdã so palácio,i li dji pu Jezi:" dji kote u vini?".Ẽbe,Jezi pa bai pies lahepõs ¹⁰ Pilatos ẽbe dji pu li:" u pa ka hepon ãiẽ? u pa save ki mo gãiẽ povua pu libiateu i povua pu khusifikeu?". ¹¹ Jezi hepon:" u pa gãiẽ pies povua kõt mo, si li pate bai-u dji ãle.A pusa ,saki hãde-mo pu u gãiẽ pexe pi gho''. ¹² Pa la kos dji sa,Pilatos sase libiatel,mẽ judeu-iela hele ie dji:"si u libiate sa om-la,u pa sa kamahad dji césar.tut sa ki fe kom un vué ie ka pale kõt césar ". ¹³ kã pilatos tãde sa pahol-iela ,li pote Jezi pu deho ,li asi lãdã so xez dji julgamento,dã un plas ki ka ple dji paviamento dji hox,i hebraico,gabatá. ¹⁴ Ate,phuepahasiõ dji pak,te ka fe kõsa un midji .Pilatos dji pu judeu-iela:"gade,mẽ esi zot Hué!". ¹⁵ Ie hele:" deho,deho;khusifikel !".Pilatos dji pu ie ; mo puve khusifike zot Hué ?". principais i sacerdote-iela hepon:" no pa gãiẽ pies Hué,si nõ césar". ¹⁶ Ẽbe,pilatos hãde Jezi pu ie khusifikel. ¹⁹ Pilatos ekhi un let ,li mete ãle la khué-la , te akhi :" JEZI DJI NAZARÉ ,HUÉ DJI JUDEU-IELA''. ²⁰ Boku dji judeu-iela ie li sa let-la ,pase plas ki ie khusifike Jezi te phox dji un pei;i let-la te ã ''hebraico,latim i grego. ²¹ Ẽbe,principais sacerdotes dji judeus ie dji pu pilatos;''pa ekhi kosa:'Hué dji judeu-iela ',mẽ sa om-la dji:''mo sa Hué dji judeu-iela ''''. ²² pilatos hepon-ie:saki mo ekhi mo ekhi " ²³ Kã soda-iela klue Jezi ,ie tihe so lẽj ie patagel ã kat pedas,un pu xak soda ;i osi so mãt ki pate kud ,a te salmã un ãtxié. ²⁴ Ẽbe ie dji un pu uot:"no pake fãdel;mẽ no ke gade ki mun ke gãiẽ xãs pu gãiẽl ''.Sa fet ki a pu so pahol ki ekhi kõphui;" ie patage mo lẽj pu ie mem ,i pu mo lẽj ie fe sa jue-la ''soda-iela ki fe sa bagaj-iela . ²⁵ I, hake la khué dji Jezi ,te , dji but ,so mãmã ,i so dji so mãmã,Maria fam dji Clopas,i Maria Madalena. ²⁶ Kã Jezi ué so mãmã, phox dji li ,sa djisip ki li te kõtã,li dji pu so mãmã :''fam,sa u pitxit!". ²⁷ Ẽbe ,li dji pu so djisip ; mẽ esi u mãmã!".Djipi sa lo-la pu djivã ,djisip-la ale ke fam-la pu so kaz ²⁸ Aphué dji sa,Jezi ,save ki tut sa bagaj-iela te gẽ dji kõphui ,ki a pu kõ phui pahol-la, li dji:"mo suéf". ²⁹ Te gãiẽ un vazil plẽ ke vineg ; ẽbe ie mete un thoxõ thãpe ke vineg lãdã un batõ dji hissopo,i ie lõgel juk la so bux. ³⁰ Kã Jezi bué vinég-la ,li dji :"li kõphui ''.I li bese so tet i li hãde so lesphui ³¹ Ate ju dji phuepahasiõ ,ki ko-iela pate puve hete lasu lakhué-iela dã ju dji samdji (pase ,sa samdji-la ate un ju boku ipohtã), judeu-iela dumãde dji pilatos ki a pu ie kase jam dji om-iela ki lasu lakhué ,i pu ie txihe ko-iela dji laba . ³² Ẽbe , soda-iela vini ie kase , jam dji phomiẽ i dji dezem om ki te lasu la khué ke Jezi . ³³ Kã ie phoxe dji Jezi ,ie ué ki li deha te muhi ; a pusa ie pa kase so jam. ³⁴ Un ,dji soda-iela kheve un bo dji so ko ke un puẽt ,vit mã sotxi djisã i djilo . ³⁵ Sa ki ué sa ka bai temuẽ ,i so temuẽ a lavehite .Li save ki li ka dji lavehite ,kia pu ie osi khé . ³⁶ Sa bagaj-iela fet ki a pu khõphui sa ki te ekhi :" pa un dji so zo-iela pa te ke kase ''. ³⁷ I dã uot pedas dji eskhitura ka dji:" ie ke gade pu saki ''traspassaram ''. ³⁸ Aphué djisa bagaj-iela ,José dji Arimateia ,ki a te djisip dji Jezi ,ã seghe li ale ,li te pe dji judeu-iela .Li dumãde dji pilatos kia pu li lese li ale ke ko dji Jezi .pilatos bai -li pehmisiõ .Ẽbe , Jose vini li ale ke so ko . ³⁹ Osi vini Nicodemos,saki te kõthe ke Jezi nãnuit . Li pote mirra i aloés, tut melãje , un sã libras dji pezãto ⁴⁰ Ẽbe ie ale ke ko dji Jezi ,ie vlopel ke lẽj fin ke aromas, kumã ate labitxut dji judeu-iela kã ie ka ãtehe ko dji mum ki muhi-iela. ⁴¹ ? Dã plas ki ie khusifikel te gãiẽ un ''jardim'';i dã ''jardim''te gãiẽ un tom nov ,ki pate ãko ãtehe pies mun . ⁴² Pase ate ju dji phuepahasiõ pu judeu-iela, i pase tom-la te phox ,ie mete Jezi lãdãl .