¹ A phue ki Jezi finĩ dji sa pahol-iela ,li ale ke so djisip-iela pu out bo dji hibeiho dji cedrom ,kote te gãiẽ un jahdjĩ kã li ãthe ke so djisip-iela . ² I judas ,sa ki te ke traí-lo ,te konet kote-la osi,pase Jezi sẽp te ka ale ke so djisip-iela . ³ Judas pote ke li boku soda ,ke un de oficiais dji principais sacerdotes i fariseus;i ie hive laba ke lãp , ke djife i ke zam. ⁴ Ẽbe Jezi te save tut sa bagaj-iela ki te ke fet ke li ,li ale pu djivã i li dumãde dji ie :"a ki mum zot ka sase?". ⁵ I ie hepom:"Jezi,o Nazareno".Jezi li dji-ie :"A mo mem". judas o traidor ,te osi dji but ãsam ke soda-iela ⁶ Ẽbe ,kã li dji-ie : " A mo mem ",ie hale ie ko pu deie i ie tõbe ate . ⁷ Li huk dumãde-ie ãko:"A ki mum zot ka sase?"uot fue ,ie dji :" Jezi,o Nazareno". ⁸ Jezi hepom :" mo deha dji ki a mo mem ; ẽbe , si zot ka sase-mo ,lese sa out-iela ale". ⁹ Ki a pu kõphui pahol ki zot dji ; pa pedji pa un dji sa ki u bai mo ¹⁰ I simão pedro ,te ke un espada ,li hale so zam li blese siavito,dji sumo sacerdote li kupe so zohe adhet .I nõ dji siavitoa a te Malco . ¹¹ Ẽbe ,Jezi dji pu pedro:" mete sa espada lãdã so plas . dã sa ,mo pake bue dji cálice ki mo papa bai pu mo"?. ¹² Ẽbe, dji la soda-iela i capitão i xef dji judeus txiẽbe Jezi ,ie mahel . ¹³ Ie ale ke li phomiẽ kote Anás ,pase li tesa bope dji Caifás ,sumo sacerdote dji sa anẽ-la . ¹⁴ Ate Caifás ki te bai sa kõsei pu judeus-iela ki un om te gẽ dji muhi pu pov-iela . ¹⁵ Simão pedro maxe deie Jezi ,i kõsa osi uot djisip .sa djisip-la te konet sumo sacerdote ,i li ãthe ke Jezi dã ãbava dji sumo sacertote ; ¹⁶ Mẽ pedro hete dji but deho dji lapot-la .Ẽbe ,uot djisip ,ki te konet sumo sacerdote ,li sotxi li koze ke siavito ki te ka veie lapot,i li ale ke pedro pu ã djidã . ¹⁷ Sa siavito ki te ka veie lapot-la dji pu pedro :" u mem osi pasa un dji djisip-iela dji sa om-la ?". li dji:" mo mem nõ ". ¹⁸ Siavito-iela i oficiais te laba ;ie te kõthe un djife ,pu-ie xofe ie ko, pase ie te fue .pedro te djibut osi laba ka xofe ãsam ke ie . ¹⁹ Ẽbe,sa sumo sacerdote dumãde kote Jezi suje so djisip-iela i sa ki li mõthe . ²⁰ Jezi hepon :" mo te pale ãkle pu tã-la ;i mo te sep ka mõthe la sinagogas i la tẽplo kote judeus te ka hasãble .i ãiẽ mo pa koze ãseghe. ²¹ Pu kisa zot ka dumãde-mo? du mãde pusa ki tãde sa ki mo dji .sa mum-iela save dji ki sa mo koze ²² Kã ue Jezi dji sa ,un dji oficias ke te laba bat Jezi ,i dji:" Adji sa mãiẽ-la ki u ka hepon sumo sacerdote ?" ²³ Jezi hepon-ie :" simo koze mal,ka bai tẽmuẽ mal .ẽbe , si mo koze biẽ, pu kisa zot ka bat-mo ?". ²⁴ Aphue, Anás voiel tut mahe pu Caifás,sumo sacerdote. ²⁵ Simão Pedro te dji but ka xofe , ie dumãdel :" u pasa osi dji un dji so disip-iela ?". Li kuẽnẽ i dji:" mo mem nõ". ²⁶ Un dji siavito dji sumo sacerdote ,ki tesa lafamĩ dji sa om ki pedro te kupe so zohe ,li dji:" mo pa ueu la jardim ke li ?". ²⁷ Pedro huk kuẽnẽ uot fue ãko , la mem mũmã kok-la xãte . ²⁸ Aphue,ki ie ale ke Jezi dji phuezãs dji Caifás pu palacio dji guvelmã-la.ate bomãtẽ,ie pa ãthe dã palacio ki a pu ie pa kõtãminẽ ie ko ,ki a pu ie puve mãge pu pak . ²⁹ Ẽbe ,pilatos sotxi pu husuve-ie ,li dji:" ke ki akuzasiõ zot pote kõt sa om-la?". ³⁰ Ie hepon:" si sa om-la pate gãiẽ to ,no pate ke potel pu u". ³¹ Dji-la ,pilatos dji pu ie:" ale ke li zot mẽmẽm,i kõdãnẽl dezem zot lua". judeu-iela dji:"no pagẽ pis pehmĩsiõ pu pote sa om-la pu muhi; ³² Ie dji sa ki a pu kõphui sa pahol ki Jezi te dji ,li ĩdjike dji sa mãiẽ kumã li ke muhi . ³³ Ẽbe ,pilatos ãthe kuk ãko dã palácio,li aple Jezi i li dji :" u sa hue dji judeus?". ³⁴ Jezi hepon:" u ka dji sa pu u mẽmẽm,o a uot kidji pu u la mo hespek?" ³⁵ Pilatos hepon:" u le dji ki mo sa judeus ? u phop pov i principais dji sacerdotes ie hãde u pu mo .A kisa u fe ?". ³⁶ Jezi hepon :" mo reino apa dji sa tã-la. si mo reino te sa dji sa tã-la ,mo siavito-iela te ke bhuiga kia pu ie pate hãde-mo pu judeus-iela . Mẽ mo reino apa dji isi ". ³⁷ Pilatos dji puli:" Ẽbe,usa un hue"?. Jezi hepon:"u ka dji ki mo sa hue. a pusa mo fet i mo vinĩ dã tã-la,pu bai tẽmuẽ dji lavehite.tut sa ki a dji lavehite ka tãde mo vue". ³⁸ Pilatos dji :" a kisa lavehite?" a phue kili dji sa ,li huk sotxi ãko kote judeus-iela , i li dji:" mo pa kõthe pies khim lasu sa om-la . ³⁹ Mẽ zot gãiẽ un metxie kia pu mo libehe pu zot un om dã ju dji pak . ẽbe zot le pu mo libehe sa hue dji judeus?". ⁴⁰ Ẽbe ie hele, i dji : nõ apa sa om-la , mẽ Barrabás, Barrabás a un ki te fe khim