¹ Ahue dji koze sa bagaj-iela,Jezi leve so uei pu siel li dji:"papa,hive lo-la .Glohifike u pitxit kia pu u pitxit Glohifikeu , ² kõsa kumã u bai autohite lasu tut laxe,pu ki osi li bai lavi Etehnel pu tut kõbiẽ u bai ³ Lavi etehnel a sa: ki ie kotet u ,un selmã Bõdje lavehite, i a Jezi khi ,sa ki u voie . ⁴ Mo Glorifike u ,la su late , ka kõplete thavi ki u bai pu mo fe. ⁵ Ato, papa ,Glokifike-mo ãsam ke u ,ke sa Gloria ki mo te gãiẽ ke u ãvã u te fe tã-la ⁶ Mo mõthe u nõ pu om-iela ki dji tã-la u bai u bai pu mo.Ie tesa u pa;i u bai-ie pu mo,i ie sehe u pahol. ⁷ Ato, ie save ki tut sa bagaj-iela ki u bai pu mo ka vinĩ dji u, ⁸ pase pahol ki u bai pu mo,mo bai pu ie .Ie husuve-ie i vuemã ie save ki mo vinĩ dji u,i ie khe ki u voie-mo . ⁹ Mo ka phuie pu ie;nõ pu tã-la ,mẽ pu sa ki u bai pu mo ,pase ie sa u pa. ¹⁰ Tut sa ki a mo pa a u pa ,i tut sa ki a u pa a mo pa ;mo glohifike lasu ie. ¹¹ Mo pa lãdã tã -la ãko ,mẽ ie lãdã tã-la ,i mo ka ale pu u .Papa Sãto ,sehe-ie la u nõ sa ki u bai pu mo ,ki a pu-ie sa selmã un,kõsa kũmã no sa un ¹² Ixtã mo te ke ie ,mo sehe-ie la u nõ ki u bai mo ;mo sehe-ie i pies un dji ie pa pedji ie ko ,[exceto] sinõ pitxit dji pehdjisiõ,pu ki pahol ki ekhi te kõphui . ¹³ Ato, mo ka ale kote u ;mẽ mõ ka dji sa bagaj-iela lãdã tã-la ,ki a pu-ie gãiẽ mo kõtatmã kõplet lasu ie mem . ¹⁴ Mo bai pu ie mo pahol ;i tã-la rai -ie pase ie pasa dji tã-la ,kõsa kumã mo pasa dji sa tã-la , ¹⁵ Mo pa ka phuie pu u txihe-ie dji tã-la ,mẽ ki a pu sehe-ie dji elmĩ-la . ¹⁶ Ie pasa dji tã-la ,kõsa kumã mo pasa dji tã-la . ¹⁷ Sãtxifike-ie lãdã la vehite ;u pahol a lavehite . ¹⁸ Kõsa kumã u voie-mo lãdã tã-la ,mo mem osi ke voie-ie lãdã tã-la . ¹⁹ Pa ie la kos ,mo ka sãtxifike-mo ,pu ki ie mem osi sãtxifike lãdã lavehite ²⁰ Mo paka phuie selmã pu sa-iela ,mẽ osi pusa ki khe lasu mo pu mãiẽ dji ie pahol., ²¹ ki a pu-ie tonẽ un ,kõsa kumã u mem, papa,lasu-mo ,i mo mem lasu-u .Mo ka phuie ki a puie hete ãle no ãfẽ dji ki tã-la khe ki u voie-mo ²² Sa glohia ki u bai pu no ,mo bai pu-ie ,ki a pu-ie sa sel mã un ,kõsa kumã no sa un ; ²³ Mo ã ie ,i u ã mo ,pu ki ie tut kõdji ã kõplet uniõ ;ãfe dji ki tã-la save ki u voie-mo ,iki u kõtã-ie kõsa kumã u kõta-mo ²⁴ Papa,mo le ki sa-iela ki u bai pu-mo hete ãsam osi ke mo kote mo fika ki apu-ie ue mo glohia ,sa ki u bai pu mo ,pase ki u kõtã-mo dji pi ãvã kumasmã dji tã-la . ²⁵ Papa ki jis ,tã-la pa konet u ,mẽ mo konet u ; i sa-iela save ki u voie mo . ²⁶ Mo fe ie konet u no ,i mo ke fe ,pu ki sa kõtatmã ki u kõta-mo hete la su ie ,i mo ã ie hete