¹ Ãvã fet dji pak ,Jezi te save ki so lo te deha hive puli pase dji sa tã-la puso papa,lite kõtã so pa-iela kite lasu tã,li kõtã-ie juk la finisiõ. ² Dã mũmã dji (Ceia),djiab-la te deha mete la txio dji judas iscariotes,pitxit dji Simão,saki teke (trair) Jezi. ³ Jezi te save kiso papa te deha bai tut bagaj la so lamẽ,iki li te vini dji Bõdje,iki li te ka hutonẽ pu Bõdje . ⁴ Li leve dji (Ceia)li tihe so kap . Ẽbe li phã un siavet li hulel laso hẽ. ⁵ Dji-la ,li vide dlo ãdã un besin ,li kumase lave pie dji so djisip-iela,li sue ke siavet kili mete laso hẽ. ⁶ Li phoxe dji Simaõ Pedro ,li dji :''Sẽie ,uke lave mo pie ?''. ⁷ Jezi hepon li dji:''A kisa mo ka fe ,u paka kõphan ato mẽ djila u ke kõphan''. ⁸ Pedro dji:'' u pake gẽ lave mo pie'',Jezi hepon li ; simo pa laveu,u pa ke gãiẽ pedas dji mo''. ⁹ Simaõ Pedro lidji :''Sẽie,palave sel mã mo pie ,mẽ osi mo lamẽ i mo tet ''. ¹⁰ Jezi dji :''ki mun ki deha lave ,pa buẽzẽ lave sino zot pie,i hete phop kõpletmã. Zot deha phop mẽ apa tut''. ¹¹ Pase Jezi te save ki mun ki teke thail.A pusa lidji :''apa tut dji zot ki phop ¹² Phue ki Jezi lave ie pie, li phã so kap li tõnẽ pu tab-la ,li dumẽde :''zot ka kõphan saki mo fe ? ¹³ Zot kaple dji 'Mestre',i Sẽie ',i zot ka fe biẽ pase MO sa . ¹⁴ Simo ẽbe ,sa Sẽie i Mestre ,mo lave zot pie ,zot osi djivet lave pie dji un i uot . ¹⁵ Pase mo bai un leksam,kõsa osi pu zot fe kumã mo fe ke zot ¹⁶ La lavehite ,la lavehite ,mo kadji : ki siavito-la papi gho pase so met ;inẽ saki ie voie papi gho pase sa ki voie-li . ¹⁷ Si zot save sa bagaj-iela ,bẽdjito si zot kõphui-ie. ¹⁸ Mo paka koze dji zot tut ,pase mo save saki mo xuezi;mẽ mo kadji sa, pu pahol-la kõphui :'saki teka mãje mo djipẽ,li leve kõt mo so talõ . ¹⁹ Mo kadji zot ato ,ãvã li fet,kikã like fet ,zot khe kimo sa . ²⁰ Ã lavehite ,ã lavehite ,mo kadji :ki mun ki husuve saki mo voie ,lika husuve mo;i ki mun kika husuve-mo , ka husuve saki voie-mo ". ²¹ Dji-la kili djisa ,Jezi hete thakase dji lesphui,li tehtxifike lidji :'' ã lavehite ,ã lavehite ,mo kadji ki un dji zot ke thai-mo''. ²² Djisip-iela gade un kote uot ,ka maginẽ dji ki mun li teka koze . ²³ Un djiso djisip-iela ,sa ki Jezi te kõtã ,lite apie ãle pothin dji Jezi . ²⁴ Simaõ Pedro fe un zes ka dumãde :''dji ki mun lika pale ''. ²⁵ Ẽbe so djisip li apie lasu pothin dji Jezi ,li dumãde : ''Sẽie aki mun ?''. ²⁶ Ẽbe , Jezi hepon :''a pusa mun ki mo ke bai un pedas djipẽ thãpe ''.li thãpe pedas djipẽ-la li bai pu judas,pitxit dji Simaõ Iscariotes. ²⁷ Aphue kili mãje djipẽ-la ,djiab-la ãthe lasu-li .Jezi ẽbe dji puli :sa ki u gãiẽ dji fe ,fe un fue". ²⁸ Pies mun kite obo tab-la pate save pu kisa Jezi te djisa puli . ²⁹ Ate judas ki teka pote sakol lajã-la un djie teka maginẽ a kisa Jezi tele dji :''axte saki mo buẽzẽ pu fet-la o kili te djivet bai un kek bagaj pusa mun kite pov-iela . ³⁰ Aphue ki judas husuve djipẽ-la li sotxi vit ;ate nãnuit. ³¹ Kã judas sotxi ,Jezi dji :''ato pitxit dji om-la (glorificado),i Bõdje ale (glorificado) lasul . ³² Bõdje ke (glorificará) lasu li mem ,djila like (glorificará). ³³ Pitxit-iela mo ke zot tuju pi un moso .zot ke sase-mo kumã mo dji pu judeus-iela :'pu kote mo kale ,zot pauve ale ato mo kadji sa pu zot osi ³⁴ Un nov madamẽt mo ka bai pu zot ,kõtã un dji uot ;kumã mo kõtã zot ,ẽbe zot djivet osi kõtã un dji uot . ³⁵ Dãsa tut ke save ki zot sa mo djisip :si zot kõtã un dji uot ''. ³⁶ Simaõ Pedro dji :''Sẽie ,pu kote u kale ?''.Jezi hepon:''pu kote mo kale zot papuve ale ato ,mẽ zot ke ale dji-la ''. ³⁷ Pedro dji : Sẽie ,pu kisa mopa puve ale deieu ato mem ? moka bai mo lavi pu u '', ³⁸ Jezi hepon :u ke bai u lavi pumo ? dã lavehite ,dã lavehite ,mo ka djiu ki kok-la pake xãte ãvã u kuiẽnẽ-mo thoa fue .