¹ Dã lavehite,Dã lavehite, zot dji sa ki pa ka ãthe pu lapot dji pak,mẽ ka vin pu uot ximẽ,a vole e mun ka volo. ² Mẽ sa ki ka ãthe la lapot li sa paste dji mutõ. ³ Pu li,met lapot luvui;mẽ mutõ ka tãde so vue,li aple so mutõ pu so nõ,e aple pu deho. ⁴ Aphue ki tut sotxi pu deho,ato a so pa ale divã dji ie i,mutõ maxe deie,i konet so vue. ⁵ Ie paka maxe deie ki ie pa konet;mẽ,invés dji sa,ie kale evitá-lo,pase ie pa konet so vue dji un ethãj". ⁶ Jezi te ka hakõte un kõpahasiõ,mẽ ie pa kõphan akisa li te ka dji. ⁷ Ẽbe,li dji nov ãko:"dã lavehite,dã lavehite,mo ka dji pu zot:mo sa lapot dji mutõ. ⁸ Tut sa ki vini djivã dji mo sa vole mun ka volo,mẽ mutõ pa ka tãde. ⁹ Mo sa lapot.si gãiẽ ki ãthe pu mo,ie ke sove;ie ãthe,ie sotxi ie ka thuve pastagem. ¹⁰ Mẽ vole-la vini sinõ pu volo,txue i dethi.Mẽ mo vini gãiẽ lavi,e bai lavi pi boku. ¹¹ Mo sa bõ paste.Mẽ bõ paste ka bai so lavi pu so mutõ-iela. ¹² Sa ke sa mercenário,a pa,paste,ke mutõ-iela konet,kã ue lobo phoxe-ie,ie hete abãdonẽ ie mahõ.Mẽ lobo bhã-ie i li mal thete-ie. ¹³ Li ka mahõ,pase li sa mercenário li pafeka ke mutõ-iela. ¹⁴ Mo sa bõ paste,i mo konet mo mutõ-iela,i ie konet mo. ¹⁵ Mo papa konet mo,i mo konet mo papa,e mo ka bai mo lavi pu mo mutõ-iela. ¹⁶ Mo gãiẽ uot mutõ-iela ki apa dji mem pak.Isa,mo potel deho,ie ke tãde mo vue,ki puve sa un ban mutõ i dji hen un paste. ¹⁷ Pusa,mo papa kõtã mo:i mo ka bai mo lavi pu hut ue ãko. ¹⁸ Pies mun pa ka txihe dji mo,mẽ mo mem ke bai.Mo gãiẽ autohite pu bai i pu huphãl ãko.Husuve sa madamento dji mo papa". ¹⁹ Hute te gãiẽ un nov djivisiõ la mitã judeu-ielapu lakos dji sa pahol. ²⁰ Boku dji ie dji:"ie gãiẽ demõ,ie sa louco.Pukisa u ka kute ie?". ²¹ Uot te ka dji:"sa dleklahasiõ pa vin dji pies mun nẽ dji un demõ.Puve un demõ luvui uei dji un seg?". ²² Ã te, un fet dji dedjikasiõ,la Jerusalém. ²³ La kumasmã dji lapli,i jezi te ka maxe djivã templo,la pórtico dji Salomão. ²⁴ Ẽbe,un dji judeu-iela hasãble dji li i dji:"juk ki tã u ke lese mo thãtxil?si u sa jezi khi,dji pu mo siaie". ²⁵ Jezi hepon:"mẽ mo deha dji,mẽ sot pa khe.Thavai ke mo ke mo fe a lasu nõ dji mo papa ki ka bai temuẽ dji mo. ²⁶ Zot pa khe la su mo paski zot pasa mo mutõ-iela. ²⁷ Sa mo mutõ-iela konet mo vue;i mo konet,i ie ka maxe deie mo. ²⁸ I mo ka bai lavi etehnel;i jãmẽ ie pa ka sufui ãko,i pies mun pa ke phã dji mo lãmẽ. ²⁹ Mo papa,ki bai pu mo,li pi gho pase tu,i pies mun pa puve phã dji so lãmẽ. ³⁰ Mo i mo papa a un sel". ³¹ Ẽbe,judeus-iela kumase phã hox ãko,pu hamase la su li. ³² Jezi dji:"mo te phuesãte bõ thavai dji mo papa.Pu lakos dji sa zot le jite hox la mo?". ³³ Judeu-iela hepon li;"a pa pu lakos dji bõ thavai,mẽ dji zot blasfêm,pase,usa õm,u fe ki u sa Bõdjie". ³⁴ Jezi hepon:"nõ li pa ekhi lãdã zot lua:mo dji:zot sa (deuses)?". ³⁵ Si li aple dji uot bõdjie asa ki a pahol dji Bõdjie vin,i sa ki ekhi pa puve djispahet ãko, ³⁶ Zot dji la su sa ki Bõdjie sãtifike i voie:'u ka blasfem,pase mo dji:Mo sa pitxit dji Bõdjie'?. ³⁷ Si mo pa ke fe thavai dji mo papa,zot pa ka khe lasu mo. ³⁸ Si mem,mo fe,mem si zot pa ka khe lasu mo,khe la thavai-la,ẽbe dji tut zot save e hukõnet ke papa lasu mo,mo lasu li". ³⁹ Ie tãtel phui ãko,mẽ li xape dji u lamẽ. ⁴⁰ Jezi hutonẽ ãko pu djivã dji jordão,kote Jã te ka batxize,i li hete laba. ⁴¹ Boku nun vini kote li,ie dji:"Jã,dã lavehite,pa fe pies sin,mẽ tut sa bagaj ki li te ka dji lasu sa õm-la a lavehite". ⁴² Boku laba khe lasu jezi.