1
Ixtã Jezi te ka pase,li ue un om seg dji pitã li fet .
2
So djisip-iela du mãde :''(Rabi ),aki mun ki fe pexe pusa om-la fet paka ue ? ali o so papa-iela ?''.
3
Jezi hepon :''nẽ li mem nẽ so papa-iela pafe pexe mẽ ate pu thavai dji Bõdje te pahet lasul.
4
No gãiẽ dji fe thavai dji sa ki voie-mo ,ixtã li la jonẽ.Nuit-la ka hive , kã pies mun pa puve thavai .
5
Istã mo lasu tã-la ,mo sa lime dji tã-la''.
6
Aphue ki Jezi dji sa bagax-iela ,li khaxe ate ,li fe un labu ke so khaxe,ili bẽni uei dji om-la ke sa labu-la.
7
Jezi dji :''ale lavel la ( tanque dji siloé )''.Ẽbe om-la ale ,li lavel li tonẽ ka ue .
8
Ẽbe , sa mun ki teka hete phox dji sa om ki ãvã ie ue teka dumãde ie dji :apa sa ki te abitue asi ka dumãde?''.
9
Un de teka dji :''a li ''.Uot teka dji :''nõ ,mẽ li ka pahet ke li ''.mẽ li dji :''A MO MEM''.
10
Ie dji :''mẽ kumã u uei-iela hete luvui ?''.
11
Li hepon:''un om kika aple Jezi li fe un labu ili bẽni mo uei ;ẽbe li dji-mo :' ale lave la (siloé ).Ẽbe mo ale,mo lavel i mo tonẽ ue''.
12
Ie dji : ''kote li fika? ''.Li hepon: ''mopa save ''.
13
Ie pote sa om ki te seg pu fariseus.
14
Sa ju-la ate samdji ,kã Jezi fe sa labu-la pu luvui u uei .
15
Pi un fue fariseus-iela dumãde kumã li hutonẽ ue :li dji li mete un labu la mo uei,dji-la mo lavel ato mo puve ue '',om-la dji.
16
Un dji fariseus-iela dji :''sa om-la paka vini dji Bõdje pase li paka sehe samdji''. Uot teka dji :kumã un mum puve fe mihak sili kafe pexe ?''tegẽ un djiviziõ ke ie .
17
Ẽbe ie huk dumãde dji seg-la ãko : ''a kisa u ka dji djisa ki luvui uei ?''.seg-la dji :''lisa phofet''.
18
Dãsa mumã-la judeus-iela pate kõ the kili te seg i ato li husuve so viziõ,juk tã ie aple papa dji om-la kite ka ue .
19
Ie dumãde dji so papa-iela:''asa kia zot pitxit ki fet seg ?kumã li puve ué ato ?"
20
so papa-iela ēbe hepon :"no save kili sa no pitxit,i kili fet seg.
21
kumã li ka ué ato mo pasave.dumãde dji li. Li deha sa un ghã mun li puve hepon pu li mem".
22
So papa-iela dji sa pase ie te pe dji judeus-iela ,pase ie te ãthe lãdã un kõkohdãs ki sa mun kite kõfese Jezi khi ,ie teke kuhie dji sinagoga.
23
A palakos djisa ki so papa-iela dji :"Li deha sa un ghã mun;zot dumãde dji Li
24
Pu dezem fue,ie ple sa om ki te seg ie dji:" bai Glória pu Bõdje ! no save ki sa om-la ka fe pexe".
25
Ēbe sa om-la hepon:"sili ka fe pexe mo pa save,mē dji un bagaj mo save: mo te seg i ato mo kaue".
26
Ēbe ie dji:"a kisa li fe pu u ? kumã life pu luvui uei ?".
27
Li hepon:"mo deha dji pu zot,i zot pa kute-mo! pu kisa zot le kute ãko? zot le tonē so djisip?".
28
Ie (insultaram)ie dji: "usa so djisip : mo mem sa djisip dji Moisés.
29
No save ki Bõdje Moisés,mē sa om-la no pasave dji kote li Vini
30
Om-la hepon-ie, li dji:"bõ sala ui a un susphan ! zot pasave dji kote lisa,i kõsa mem li luvui mo uei.
31
No save ki Bõdje paka kute mum kika fe pexe,mē si kek mun ka adohel i kafe so plezi,sa Bõdje ka tãde.
32
Djipi kumasmã dji tã-la mo pate gē tãde ki un mum te luvui uei dji un om ki fet seg.
33
Si sa om-la a pate Bõdje ki voiel, lipa teke puve fe pies bagaj ".
34
Ie hepon ie dji:"li fet dji pexe,i ato li ka mõthe-no ?".Ēbe ie kuhil.
35
Jezi tãde ki ie voiel ale dji sinagoga.Li kõthel li dji :''u ka khe la su pitxit dji om ?.
36
Li hepon li dji : a ki mun sa Sẽie-la pu mo khe lasul ?''
37
Jezi dji zot deha uel,asa kika kose ke u-la''.
38
Om-la dji :''Sẽie, mo ka khe".Ẽbe li adohel.
39
Jezi dji :"a pusa ( julgamento) ki mo vini pusa tã-la ,pusa ki paka ue , puie ue, i sa kika ue ke hete seg".
40
Un dji fariseus-iela kite laba,ie tãde ie ka dji sa bagaj-iela ,ie dumãde: ''no osi seg?''.
41
Jezi dji :''si zot te seg zot pate ke fe pexe . Kumã zot ka dji :'no ue ,Ẽbe zot pexe ka kõ txinẽ