¹ Pa thakase zot txo.khe lasu Bõdje ;i khe lasu mo . ² La kaz dji mo papa gãiẽ boku plas;si a pate kõsa ,mo pate ke dji mo kale phuepahe un plas pu zot . ³ I si mo ale phuepahe plas ,mo ke hutonẽ uot fue ,i mo ke husuve zot pumo mem mem ,ki a pu kote mo fika, zot osi ke mo . ⁴ Zot save ximẽ-la kote mo kale ''. ⁵ Tome dji pu Jezi :''Sẽie ,no pasave pu kote u kale . kumã no ke puve save ximẽ -la ? ⁶ Jezi lidji :''mo sa ximẽ lavehite i lavi ;pies mun paka vin kote papa sino pu mo . ⁷ Si zot te konet-mo ẽbe zot teke konet osi mo papa ;mẽ dji ato pu djivã zot kõnet-li i zot uel''. ⁸ Filipe dji pu Jezi :''Sẽie ,mõthe u papa ,a sel mã sa no le ''. ⁹ Jezi dji pu ie :''mo la boku tã ke zot ,i tuju u pakonet-mo,Filipe ?ki mun kika ue-mo ,ka ue mo papa ;kumã u puve dji pumo mõthe-no papa-la ? ¹⁰ U paka khe ki mo lasu mo papa i mo papa lasu mo ? pahol-iela ki mo kadji pu zot ,mo paka dji , dji mo phop otohite ; dãsa a papa-la kika viv lasu mo lika fe so thavai . ¹¹ khe lasu-mo ,ki mo lasu papa i papa-la lasu-mo ;o khe mem un moso pase mo kafe mem thavai. ¹² Ã lavehite ,ã lavehite , mo ka djiu saki ka khe lasu mo, ke fe osi mem thavai ki mo ka fe ,i ke puve fe pi gho pase sa ki mo ka fe ,pase mo kale pu mo papa. ¹³ Tut sa ki zot dumãde la mo nõ ,mo ke fe ,ki a pu papa-la (se glorificado) lasu pitxit-la . ¹⁴ Si zot dumãde kek bagaj la mo nõ, ke fe . ¹⁵ Si zot te kõtã-mo,zot teke sehe mo madamẽt . ¹⁶ Mo ke dumãde dji mo papa ,ili ke bai not (consolador) ,like hete pu juk finisiõ ke zot . ¹⁷ Lesphui dji lavehite saki tã-la pa puve husuve,pase li pãko uel ,nẽ konet-li .zot kõnet-li pase li ka hete ke zot ,li lasu zot. ¹⁸ Mo pake lese zot unso; mo ke hutonẽ pu zot . ¹⁹ Lãdã un mũmã, tã-la pake ue-mo ãko ,mẽ zot ke ue-mo . pase mo ka viv , i zot osi ka viv . ²⁰ Dã sa ju-la ,zot ke save ki mo lasu mo papa ,i zot lasu mo,i mo lasu zot ²¹ Sa ki gãiẽ mo mãdamẽt ki ka sehe ,sa aki kõtã dji mo; isa ki kõtã-mo, mo papa ke kõtã -ie osi ,i mo ke kõtã -ie , mo ke mõthe mo ko lasu-ie . ²² Judas ( nõ Iscariotes ) dumãde pu Jezi:''Sẽie ,pu kisa u ke mõthe u ko lasu-no,i nõ pu tã-la ²³ Jezi hepon:''si kek mun kõtã-mo ,ke sehe mo pahol .Mo papa ke kõtã-ie no ke vini puli ,no ke fe (morada) . ²⁴ Saki pa kõtã-mo paka sehe mo pahol .pahol ki zot tãde a pa mopa,mẽ dji mo papa ki voie-mo . ²⁵ Sa bahaj-iela mo dji ,ixtã mo ke zot tuju. ²⁶ Ke tut sa (consolador ),ki Sẽtesphui ,sa ki papa ke voie lasu mo nõ ,li ke mõthe tut sa bagaj -iela ,zot ke xõje dji tut sa ki mo pale . ²⁷ Mo ka lese (paz ) , i mo (paz )mo kabai pu zot. mo paka bai kumã tã-la ka bai . Pa thakase zot txo ,nẽ pahete pe . ²⁸ Zot tãde sa ki mo dji :mo ka ale mẽ mo ke hutonẽ pu zot '.si zot te kõtã-mo mo teke hete kõtã ,pase mo kale kote mo papa ;pase papa pi gho djiki mo . ²⁹ Mo ka dji zot ato ,ãvã li fet ,pase kã li ke fet zot khe. ³⁰ Mo pake pale ke zot ãko ,pase (príncipe ) dji sa tã-la li ka hive ,mẽ li pagẽ povua lasu mo . ³¹ Mẽ pu tã-la save kimo kõtã papa-la ,mo ka fe saki mo papa voie mo fe.Zot leve,anū lese sa plas-la