¹ Pa koze mal ke ha ghamun-la,me kõseiél ãke um papa.koze jis ke ha wom ki jon-iela ãke un fwe ² . Koze jis ke ha fam ghamun-iela ãke un mamã, i ha ki pi jon-iela ãke un so,ke tut klehite. ³ vãte ha fam ki pa gãiẽ wom-iela dji lavehite; ⁴ Ẽbe, si un fam ki pa gãiẽ wom,gãiẽ pitxit,paru,lese ki ie phomiẽ ãphan mõthe vãte la u phóp kaz.Lese ki i mõthe pu ie papa,ẽbe i ka fe bõdje kõtã. ⁵ Mẽ, un fam ki pa gãiẽ wom dji lavehite ala ki ila linso mem.I ka mete ho kõfiãs la bõdje i kõtxinẽ dumãde phwie nanwit i lajonẽ. ⁶ Ẽbe,ha fam ki ka viv lãdã ie plezi ie muhi mem ki ie viv. ⁷ Pale ha bagaj -iela pu ie puve jis. ⁸ Mẽ si piés mun pa ẽtxupe dji ho phóp kamahad, ixpesial dji ho phóp kaz,i lese ho fie mem i pi mal dji ki um mun ki pa sa khetxẽ. ⁹ Ki um fam ki pa gãiẽ wom ka helasionẽ ãke um fam ki pa gãiẽ wom. ¹⁰ I djivét konét um bõ thavai,i gãiẽ dji ẽtxupe dji ho pitxit-iela,i gãiẽ pu husuve mun ki ẽthãj-iela, i lave pie dji sẽ iela,i kalmẽ mun ki pa gãie paxãs,ki ka dedjike hoko la um bõ thavai. ¹¹ Mẽ kõbiẽ jon fam ki pa gãiẽ wom-iela ie pole helasionẽ la list-la; kã,u ka hãde plezi dji u ko kõt plezi dji Jezi u le maie. ¹² Dji ha mãiẽ-la u ka hete jenẽ pu txue haki u te phomét ãvã. ¹³ I to abitue hete sã fe ãiẽ,maxe dji kaz pu kaz. A pa selmã pa fe ãiẽ,mẽ ika tonẽ um mun ki save fe mãtõ i ka gade lavi dji mun,koze bagaj ki u pa djivét koze. ¹⁴ A Kõhã,mole ki ha jon mun-iela maie pu ie fe pitxit i kũdji un kaz;a kõhã ie pa ke bai plas pu élmi-la mete to lahuto dji fe mal. ¹⁵ Mẽ de thoa deha sutxi,dezem adjiab. ¹⁶ Si un un fam khetxẽ gãiẽ,fam ki pa gãiẽ wom lãdã ho lafamĩ,ki ie ka idél, pu legliz la pa hete to xaje pu i puve ide ha fam ki pa gãiẽ wom-iela. ¹⁷ Ha prexbit ki ka kumãde biẽ-iela ie djivét kõsidehe ke hespék defwe ãplis i kõtã,ixpesial laki ki ka thavai ke pahól i mõthe. ¹⁸ mẽ ixkritur-la kadji; u pa puve mahe bux dji bef-la kã i ka dethi ghen thig-la,thavaio la mehite husuve ho lajã. ¹⁹ Pahusuve akusasiõ kõt un prexbit mem ki i gãiẽ de o thoa temwẽ. ²⁰ Fe kohesiõ dji mun ki ka fe pexe-iela,pu tut wat-iela we i hete pe. ²¹ La phwezãs dji bõdje,i Jezi khi i dji ho zãs ki i xueji-iela ki u sehe ha ixtrusiõ la sã djiskhiminasiõ,i pa fe bagaj dji u volõte. ²² pa mete lamẽ la wat mun,nẽ pataje pexe dji wat mun,sehe biẽ phóp. ²³ U pa puve bwe selmã djilo,pase sa mete tximoho djivẽ pu u lestomak i pu u maladji ki u gãiẽ-iela. ²⁴ Pexe-iela dji de thoa mun ie luvwi konétmã,kũdji pu jugament,mẽ de thoa pexe ki pahét deie. ²⁵ Dji ha mem mãiẽ la,ha bõ thavai-iela ie luvwi konét,amem tã wat-iela pa puve sehe ie ko.