¹ Tut ha ki ãba dji dijeheksiõ dji ixiklavi-ila i djifet kõsidehe u phop sẽié dji sẽié-ila ke tut vãte, pu nõ dji bõdje e konetmã iela pa heklamẽ. ² Ixklav ki gãiẽ sẽié ki sa khetxẽ i pa djifet demal. Hespete, pase ie sa fue pãmẽtã mo djifet sevil-pi buku, ue ki no sẽié ka husuve ie thava ie ksa khetxẽ ki gãiẽ kõtalmã ika mõther ika deglahe ha bagaj-iela. ³ Si de thoa mun ka mõthe bagaj djifehã ie pa ka husuve,no fie i kõnetmã, pase a pahol dji no sẽié Jezi Khi, pa asete pa mõthe ki ka kũdji lapen. ⁴ I gãiẽ mun ki le vo mẽ ie pa save dji ãiẽ. A pasa, ha maladji-la ke kõthaiẽte i ke djiskite lahu pahol-iela. Ha pahol iela ka vinĩ la jaluzi, bhuiga, dji koze, gãiẽ kõfiãs al, ⁵ I ka kõtxinẽ bhuiga ãthe mun-iela ke memwa sótsot, ki ie sutxi dji lavehite i ie majinẽ ki lapen a un mãiẽ dji tonẽ hix. ⁶ Mẽ biẽ ki pi gho a gãiẽ lapen ke kõtatmã. ⁷ Pase pa pote ãiẽ pu ha tã-lã,nẽ no pa puve pote nẽ un bagaj. ⁸ pase no telmã kõtã ke ha mãje-iela i ke ha lej-iela. ⁹ Atxẽlma ha ki le tõne hix i ke tõbe la tẽtasiõ, la un thap osi. I ke tõbe la buku plesi sã hexpõsabilite i sã kõtalmã, lãdã nepot kalite bagaj ki ka fe mun-iela desan lãdã dezaghimã i lãdã dethi. ¹⁰ Pase sãtximã pu lajã a hasin dji tut kalite mal. De thoa mun ke ãvi ha bagaj-la i ka sutxi dji fie i ka hete thumãte ke buku sufãs. ¹¹ Mẽ u mem, wom dji bõdje, mãhõ dji ha bagaj-iela.Kũdji bagaj ki jix,lapen, fie,kõtatmã,pajãs i hete thãkil. ¹² Bhwiga un bõ bhwiga dji fie. Phã sa dji lavi etehnel pu ha ki ka apleu i ha ki asete, Djivã dji buku témwe, ãfom ha ki bõ. ¹³ Djivã dji bõdje,ki ka bai lavi pu tut bagaj-iela, i djvã dji Jezi Khi, ki koze lavehite pu Pôncio pilat, ka kõseiu ¹⁴ ki u sehe lalwa dji mãiẽ ki jis i phop, juktã no sẽié Jezi Khi tõnẽ. ¹⁵ Ha ki,lãdã tã jis, ke mõthe ho bẽs, i ho deie ki pi gho, Hwe ki ke kumãde a bõdje ke guvẽnẽ. ¹⁶ Selmã li mem pa ka muhi i ka hete la klehite ki ka duhe. Nẽ un wom pa ka wel nẽ u pa puve wel. Ali ki sa õha i puva etehnèl. Amem. ¹⁷ - pale pu mun ki hix dji ha tã-la pu iẽ pa vo nẽ pi iẽ pa khè la hixez, pase i pa jis. Pase sa no djivet ãtan dji bõdje, ki no ka ufwi dji lavehite-la hixéz pu no pufite. ¹⁸ Pale pu ie pu ie fe biẽ, i gãiẽ pu hix-lãdã un bõ thavai, biẽ u pahe pu pataje. ¹⁹ Dji ha mãiẽ ,i sehe pu li mem-mem biẽ, ki i sa un bõ hezõ pu ha ki ka vinĩ, dji fom ki i ka husuve lahu lavi. ²⁰ Temóteo, sepahe haki ie baito. Evite ha koze mal-iela i plede pa mem-tã ki ie ka apleu dji mãto dji konetmã. ²¹ De thoa ka pale ha bagaj-iela a puha ie sutxi dji ie fie. ki ghemesi i la ke no.