1
Moala ŋan kuudi boncianla ŋme n baa guani a po? yaaba n gagidi ŋani siiga ŋme n baa maadi ba leni ŋa.
2
O yanluodaano yen bodi o pabienli nni, li nunponli mo je o yanpiidaano.
3
N laa o yanluodaano ke o pani i jiini maama, ama laa waagi leni min soli o diegu.
4
O bila ki ye leni yanduanma; bi tudi ki ñani ba niini ki ŋmadi ba, ke o baa kuli ki faabi ba!
5
wan yendi ki taani yaa bonjekaala a konkonba yen cua ki je li kuli, baa li yaa ye i konkoni nni, u ñunñuulu n kubi yaaba mo baa nali o ŋalimano.
6
Mi yebiadima ki ña mi tama nni ka, fala mo kan pudi ki tingi nni;
7
O nisaalo mali ki baa le fala, nani i mukaabi n ye mi yugima po maama yeni.
8
Li yaa bi tie mine, n baa yaa miadi U Tienu todima, U Tienu nne ke n baa waani n payianu.
9
Wani yua n tiendi yaa bonli n yaaba,yaala ke ti kan fiidi bandi li ŋoamu, yaa bonŋanla n ki pia cuali;
10
O yen teni ki taaga n mi u tingbanu po, ki go teni mi ñima n puubi ki kua i kuani nni.
11
O yen fiindi ki siendi bi yumiindanba, ki faabidi yaaba n ye o falaciamo nni.
12
O bolindi bi nunfandanba yanjaga kuli, bi nii kan fidi tieni ban bi bua ki tieni yaala;
13
O yen cuo bi yanfodanba bi nunfancele nni, bi nunfandanba yanjaga mo kan baa yuli:
14
Bi yen tuogi leni li biigili u yensiinu,
Bi baa tulibi u yensiicocolu, nani ku ñiagu yeni.
15
Yene ke U Tienu yen guudi taligi leni o nibiado mabiadima, O yen faabi o leni u paalu danba nuu nni;
16
O tadimo sugima yen kubi o, ama ti tuonbiadi daano ñobu yen luoni.
17
Li pamanli ye leni yua ke U Tienu yen tundi o leni fala! ŋan da fali ki yie U paali ciamu kuli daano tundifala.
18
Wani yen tieni li sinali ki go buu li, O yaa poagili, O go yen soangi leni o nii.
19
Taalimi coacoala o baa faabi ŋa leni li paboanli, yaali n bia mo kan nandi ŋa faba.
20
O baa faabi ŋa leni mi kuuma mi komi yogunu, leni mu jugisiemu mu toabu siiga.
21
Bi nuba ñoana kan cuo ŋa, a kaa cie puu kuli baa mi yebiadima yaa cua.
22
A baga leni mi yebiama moko nani mi koma yogunu yeni, a kan yaa jie ba ti moayandi
23
A baa pia u taayienu leni ba yaa tana n ye a kuanu nni, baa ti moayandi moko baa ye leni ŋa leni mi yanduama.
24
A baa yaa ye leni mi yaduama a diegu nni, a yangoli nni yangi baa kuli kan poadi,
25
A baa le a puoliŋuani yabidi ki pugini, ke a yaabina mo pili ki pugini nani ti kuamoadi yeni.
26
A baa podi hali bonŋanla ki yuandi ki kpe, nani i di yen be ban pedi ki tugi maama yeni.
27
Tin kpagi ki laa maama n yeni, li go tie yene; ŋan cengi lan todi ŋa.