¹ U yogunu waamu n den pendi, halikama ceyogunu, Samisona den cuo huabiga ki gedi ki baan le o pua. o den yedi: N ba kua n pua kani, o dieli nni. Ama o pua baa den yie ke o kan kua. ² O pua baa den yedi o: n den tama ke a nani o yo. Lani yaa po ke n mo taa o ki puni a po taadanli. Naani o waalo ki hani ki cie o? Han taa wani wan tua o lebidu. ³ Samisona den yediba: yaama n tiena n kan yaa pia tagili yinba Filisiti yaaba po n ya tieni yi yaala n bia. ⁴ Lani Samisona den fii bikani ki gedi ki ban cuo coli piitaa, ki go taa i mukaani. O den lebini coli lie lie ki sindi bi juona ki teli a ya, ki taani ki loli a, ki loli ki mabini u mukaabu a jolieda siiga. ⁵ O den cuoni i mukaani yeni ki yaadi i coli ke bi kua Filisiti yaaba halika kuani nni ke li juu ya halikama-baba n den duogi duogi leni ya halikama n daa den ceni, leni Olife tiidi kuli. ⁶ Filisiti yaaba den buali hme n soani ya tuoli n ye ne? bi den goa k yedi ba: Timina yua cuado Samisona yo. O tienila kelima o cuado taa wani Samisona pua ki teni Samisona potaadanli. Lani Filisiti yaaba den gedi ki ban juu laa pua leni o baa kuli. ⁷ Samisona den yedi ba: Yi tieni yeni yoo? Lanwani nkan cedi se n pani yi li panli. ⁸ O den baa ba ki pua ki paadi ba cain. Li yaa puoli, o den gedi ki ban kua Etama tangu tanlongu nni ki ye lie nni. ⁹ Filisiti yaaba den cua ki kpaa bi toanagili Juda buolu yaaba diema nni, ki baa Leki dogu. ¹⁰ Juda yaaba den buali ba: Be yaa po ke yi cua ki baa ti? Bi den goa ki yedi: Ti cua ki baa loli Samisona ki tieni o nani wan tieni ti maama. ¹² Bi den yedi o: Ti cua ki ba loli a ki teni a Filisiti yaaba nuu nne. Samisona d'en yedi ba: Poli mani ke yi kan kpan nni yiba. ¹³ Bi den goa ki yedi o: A-a, ti bua ki loli a k teni bi nuu nni bebe, ti kan kpa ha. Lanwani bi d'en loli o leni baabi paani lié ki ñani o ku tanlongu nni ki gedini o. ¹⁴ Wan d'en lundi Laki, Filisiti yaaba den kuudi ki togigi o. Lanyogunu Li Miadi Diedo Fuoma den kua onii nni. Yaa baabi n den luo onii den tua nani ya gaali njuu yeni, banden loli o yaala yeni den piti ki baa. ¹⁵ O den laa U hunyaagi- soangu ki tandi ki taa ki kpa jaba tudili. ¹⁶ Lani Samisona den yedi: N kpa jaba tudili leni Uhanyaagu, n kpa ba leni Uhunyaagu ki dogi nidogini ba. ¹⁷ Wan d'en maadi ki gbeni, o den luni Wan den maadi ki gbeni, o den luni wan kubi ya hunyaagu. Bi den yini laa kaanu Lamati-Liki. ¹⁸ Uñuñuulu den gbadi Samisona boncianla ke o kpaani ki mia Li Miadi Diedo ki yedi: Fini n teni ke ya faabicianma n tiena tieni leni mini anaacemo nuu nni. Naani Uñuñuulu baa kpa nni moala, min baa ajifolana nuu nni bi? ¹⁹ Lani Li Miadi Diedo den yagidi ya tanlongu n ye Leki, ke mi ñima den bundi ku nii nni. Samisona den ñuni ke o yama guani ke o goa ki paagi. Li tie L'an yaa po ke bi den yini laa ñinbunli Eni-Hakoli. Li baa ye Leki hali dinla. ²⁰ Samisona den tua Isalele yaaba gobidika hali bina piilie, Filisiti yaaba n den dieba ya yogunu.