1
Danyenli Samisona den gedi Timina dogu ki laa Filisiti yaaba bisiaba siiga jafanyendo.
2
O den lebidi ki kuni ki ban yedi o baa leni o naa: N ban laa o jafaano Timina po, Filisiti yaaba bisiaba siiga. Yin taa o mani n po.
3
O baa leni o naa den yedi o: Naani pua kuli ki ye a kpiiba bisiaba siiga, bi ti buolu yaaba kuli siiga, hali ke a ba gedi ki ban taa o pua Filisiti yaaba, yaaba n tie jifola? Samisona den goa ki yedi o baa: han taa o n po kelima n yama kua o niinne.
4
O baa leni o naa naa den bani ke laa bonla (())ani Li Li Miali Diedo kani, kelima o den lingi li koanli leni Filisiti yaaba. Laa yogunu Filisiti yaaba den die Isalele yaaba.
5
Samisona den yegi leni o baa leni o naa ki caa Timina. Ban den pundi Timina yaaba duven tiidi kuani kani, li yangbanbili den togidi Samisona ki duni.
6
Li Miali Diedo Fuoma den kua o niinni ke o cuo o yangbanlo yeni ki dadi ki padi padi o nani wan ba dadi padi padi ki huabiga maama. Waa den kubi liba o nuu nni, ama waa den waani o baa leni o naa wan tieni yaala.
7
O den pendi ki suagi ki pundi ki boe leni o jafaano yeni ke o yama kua o niinni.
8
Lan den tieni dana, o den guani Timina po ki baan taa o pua yeni wan den ca, o den jadi ke o ba le wan den kpa ya yangbanlo yeni, o den sua ke i naakpansii ye o niinni ki pia ti siadi.
9
O den (())ani ti siadi ki muubi o nuu nni ki cuoni ki di. Wan den pundi o baa leni o naa kani o den puni ba ke bi mo dini. Ama waa den waani ba ke o (())ani laa siadi o yangbankpiemo niinni.
10
Samisona baa den gedi o jafaana yeni denpo. Samisona den tieni mi pocajiema li kani kelima bijawaaba den maani ki tiendi yeni.
11
Filisiti yaaba n den laa o, bi den mia jawaaba piitaa ban yaa ye leni o.
12
Samisona den yedi ba: N baa telini yi po u telinibundiko. yi ya fidi ki bandi min bua ki yedi yaala ki bundi n po mi pocajiema danleleeda ne siiga, n ba lani yi liadibimu piitaa leni badiliada piitaa.
13
Ama yi yaa fidi ki bundi n po yinba n baa teni nni liadibimu piitaa leni badiliada piitaa.
16
Lani Samisona pua den buudi o kani ki tua: A nani nne, haa bua nne. A telini n buolu yaaba po u telimu ki naa bundi u npo. O den goa ki yedi o: Mii bundi u n baa bi n naa po n ji ba bundi u a yaa po yoo?
17
Bi jaanma danleleeda yeni kuli o den buudi samisona kani. Li danleleeli daali o den bundi opo u telimu yeni kelima o den yagini o yama boncianla. Lani o pua yani den waani o buolu yaaba u telimu yeni bundima.
19
Li Miali Diedo Fuoma den kua Samisona niinni ke o gedi Filisiti yaaba dogu Asikaloni po. O den kpa li kani jaba piitaa, ki taa bi tiadi ki teni yaaba n bundi u telimu bi baditiadi. O pali den beni boncianla ke o lebidi ki kuni o baa denpo.
20
Bi den taa o pua ki teni wani Samisona potaadanli.