¹ Samisona den gedi Filisiti yaaba dogu Gasa. O den laa lipoconconli li kani ki kua o kani. ² Bi den waani Gasa yaaba ke Samisona cua Li kani . Lani bi den dua ki gaandilaa ñiagu kuli ki guu udogu bi linciamu buliñoabu kani o yaa baa ña. Laa ñiagu kuli baa tieni Li baa kuli ki kpaagi ke li ya faabicianma bi baa kpa o. ³ Samisona den dua hali ku yagi siiga. Ku yagisiigu o den fii ki cuo Udogu bilinciamu buli ñoa luodi ti leni abuliñoa- dasalieda ki habi ha leni yaa daagu n poandi ki lundi, ki bugi ki gedi nni Li kuli yaa juali n se ki tiegi Ebiloni yuli po. ⁴ Gasa ya bontienkaala yaa puoli, Samisona go den bua o pua Soloki joaloangu nni. O den yi Dalila. ⁵ Filisiti yaaba yudanba den gedi o pua yeni kani ki yedi o: Han poandi ki bandi o gbamanciamu yeni n ña naani, leni l'an baa gaa maama tin fidi ki paadi o. Yeni baa loli o ki paadi o. Ti siiga yua kuli baa teni a tudili n kujapiena kobiga. ⁶ Lani Dalila den yedi Samisona : N mia ha han waani nni à gbamanciamu yeni n ña naani, a leni lan baa gaa maama onilo n fidi ki loli a ki paadi a. ⁷ Samisona den yedi o: Bi ya taa dabonbaabi lele yi n daa luodi, ki loli nni, n baa tadigi ki tua nani ja kuli n tie maama ⁸ Lani Filisiti yaaba den cua ki teni Dalila dabonbaabi lele yi n daa luodi ke o loli Samisona leni yi. ⁹ Li den sua ke biniba wuo opua yeni déni, li dieli nni ki guu. O den yedi o: Samisona Filisiti yaaba cua. O den cie i dabanbaabi yeni nani mi Fantaman sii yaa Suobu yeni. Baa den bandi O gbamanciamu yeni n ñaa n kani. ¹⁰ Dalila den goa ki yedi Samisona: Diidi ki la, ajeli leni nni ki pua nni faama. Moala n mia han di waani nni ban baa loli a leni yaala. ¹¹ O den yedi : Bi yaa taa i baabi paani, banda loli yi bonli baa kuli, ki loli nni, n baa tadigi ki tua nani ja kuli n tie maama. ¹² Dalila den taa i baabi paani ki loli o ki yedi o : Samisona Filisiti yaaba baa ha. Li den sua ke biniba wuo Li dieli nni, ki guu. Ama Samisona den cie ya baabi n luo buadi nani igaalifani yeni. ¹³ Dalila go den yedi Samisona : Tali moala ajeli leni nni ki pua nni mifaama. Han waani nni ban baa loli a leni yaala. O den yedi : A yaa luni n ya pianleleedi ke ti kua igaalisiedi nni nani usuobu yeni, ki kpa leni ku nasaagu, n baa tadigi ki tua nani ja kuli n tie maama yeni. ¹⁴ Dalila den teni ke Samisona guani ke o taa oyupianleedi kukuani igaalisiedi nni nani U Suobu yeni, ki kpa leni ku nasaagu. Li yaa puoli o den yedi o: Filisiti yaaba baa ha.O den bundi ki fii ki ñani ku nasaagu ki habi tilugidi daali ki taa leni li lan fuule kuli. ¹⁵ Dalila den yedi o : A baa ga lede ki yedi ke a bua nni ki naa pia n po dugidi? Diidi taalima taa nne ke ajeli leni nni agbanmanciamu yeni n ña naankani. ¹⁶ O den tigini o ki buali o daali ku Li ki miabi o boncianla hali ke o ban coagi ki gbali li juunli. ¹⁷ Lane o den waani o leni o pali kuli ki yedi o : Penga daa maani n yuli po kelima n tie yua n gagidi n gagidi Li Miali Diedo po, hali n ñaa tugu nni. Bi yaa kuo n yudi n fidi baa gbeni n baa tadigi ki tua nani ja kuli n tie maama yeni. ¹⁸ Dalila den laa ke o maadi leni o pali kuli, o den soani ke bi ban yedi Filisiti yaaba yudanba : Yin di cua mani ne, kelima o maadi leni o pali kuli. Lani Filisiti yaaba yudanba den gedi opo ki kubi iligi. ¹⁹ O den teni ke Samisona maani o yuli pana ki guani. Lanwani o den yini jayendo ki teni ke o kuo Samisona oyupianleedi. Yeni, o den cili ki paadi o, kelima o fidu den gbeni. ²⁰ O den yedi o : Samisona, Filisiti yaaba baa ha. O den fundi ki yedi:N fidi baa ña nani kpiama. Waa den bandi ke Li Miali Diedo ha o. ²¹ Filisiti yaaba den cua o ki ñani o nani. Bi den gedini o Gasa dogu, ki loli o leni ti kumoandi kuseseli ki teni ke o naani Li ñaali li kpaadi dielin nni. ²² Ama ban den kuo oyudi yaadi yeni go den cili ki pudi. ²³ Filisiti yaaba yudanba den taani bi Dagona Li padi cianli ki'mangi bi pala. Bi den tua : Ti buli taa ti yibali Samisona ki teni ti nuu nni. ²⁴ Biniba n den laa o, bi den kpiagi bi bulo ki yedi : Ti bulo taa ti yibali ki teni ti nuu nni, wani yua n den bolindi ti dogi ki kpaani ti niba boncianla. ²⁵ Bi pala den mangi boncianla ke bi den mia ban cuani Samisona wan jeli bipo ku jeligu. Lane bi den ñani Samisona li kpaadi dieli nni ke o jeli bipo ku jeligu. Bi den sieni o ban den ye ya doangu nni benjieli siiga. ²⁶ Lane Samisona den yedi yaa jawaalo n kubi o nuu ki dia o: Han teni nni sii i benjieli yi kuli ku doangu, ki deni yi. ²⁷ Li den sua ke ku doangu gbie leni bi jaba leni bi puoba. Filisiti yaaba yudanba kuli den ye li kani. yaa jaba leni yaa puoba mo n den ye kudoangu tanpoli ki diidi Samisona jeligu mo den pundi niba tudataa ( 3000 ) ²⁸ Lani Samisona den jaandi ki mia Li Miadi Diedo ki yedi: Li Miali Diedo U t Tienu, n mia han tiadi n po. Fini U Tienu, han pa nni Ufidu mine bebe, min baa ki tu Filisiti yaaba n nuuliedi panli yenma. ²⁹ Lan wani Samisona den gbeni siiga nni benjieli yi tugi ku doangu, ki tudi yi leni Ufidu. Yendo den ye o jienu, Ulielu mo o ganu. ³⁰ O den yedi : Min kpe leni Filisiti yaaba. O den buani ki tudi leni o fidu kuli ke ku doangu den baa Filisiti yaaba yudanba leni ya niba n ye ku nii nni kuli po. Wan den kpa yaaba o kuuma daali yeni den yaba ki cie Wan den kpa yaaba o Miali Dana nni. ³¹ O naataani leni o baa diegu yaaba kuli den cua ki taa o. Bi den kulini o ki ban piini o o boa Mano a kuli nni, Tisolea leni Esitaoli siiga. O den tie Isalele yaaba gobidikoa hali bina piilie.