¹ Li limiali Diedo den yedi Musa: << Gedi Falono kani, ki waani o yaa maama n tie nne:< Li miali Diedo, Ebilu yaaba Tienu yedi: Cedi mani n niba n gedi ki kpiagi nni. ² A ya yie ke bi kan gedi, ki kubiba Li miali Diedo nuu baa bolini a yangola, yaa n ye yi kuani nni. ³ O baa teni u yianbiadi n baa yi taami, yi hunbi, ti yuoyuodi, yi ne leni yi pe kuli. Yaaba n baa kpe ba yaa yabi hali boncianla. ⁴ Li miali Died baa tieni mi gagidima Isalele yaaba yangola leni Ejipiti yaaba yaa yangola siiga. Isalele yaaba yaa yangola kan bodi ba. ⁵ Li miali Diedo den bili u yogunu ki yed ¨Saala, mini Li miali Diedo baa tieni lani kuli mi diema nni¨¨ ⁶ Lan n den fii ki fa, Li miali Diedo den tieni yeni mo yo. Ejipiti yaaba yangola kuli den kpe, ama baa yanyenga naa den kpe Isalele yaaba yangola siiga. ⁷ Falono den buali ki bandi, ke baa yanyenga naa den kpe, Isalele yaaba yangola siiga. Ama Falono pali go den juagi ki pugini. Waa dentuo ke bi niba yeni gedi. ⁸ Li miali Diedo den yedi leni Alono¨ Gbieni yi nii leni ki ki buaga fantanpienma. Musa n luma tanpoli Falono nintuali. Mi baa tua wagima ki yadi ki pini Ejipiti diema kuli. ⁹ Asinakpinbiada baa cuo bi niba leni ti yandi, lan tie mi diema nni naani kuli.¨ ¹⁰ Bi den taa ki buaga fantanpienma ki gedi Falono nintuali. Musa den luni ma tanpoli ke mi tua bi niba leni ti yandi kuli po sinnakpina, ki pudi bi niba leni ti yandi kuli po. ¹¹ Bi ñoagidanba naa den fidi ki cua Musa kani, kelima asinakpina po. Asinakpina den cuo bi ñoagidanba Ejipiti kuli maama. ¹² Li miali Diedo den teni Falono pali go juagi, ke o naa Den cengi Musa leni Alono maama, nani Li miali Diedo n den tuodi ki waana Musa maama. ¹³ Li miali Diedo den yedi Musa : ¨ Fii ku tasoanpanpangu, ki gedi Falono kani ki yedi o: ¨ Li miali Diedo Ebilu yaaba Tienu yedi: Cedi n niba gedi ki ban kpiagi nni. ¹⁴ Moala wani, n baa soani n fala buoli kuli, fini, anaacenba leni aniba kuli po. Yeni, a baa bandi ke o bakuli naa ye, yua n naani leni nni ki tinga nni. ¹⁵ N ya den tandi n nuu ki teni ke u yianbiadu cuo fini leni aniba, a den baa bodi mi tin fama nni. ¹⁶ Ama n cedi ke a ye. Yeni, a baa le n paalu, n yeli mo go baa ña li handunli nni kuli. ¹⁷ A ya go fiini a yuli n niba po ki naa tuo ke bi gedi, ¹⁸ saala u naa yogunu, n baa teni atatana n baa ki tinga nni, ki yabi hali boncianla. Laa bonbuolu daa kpa tieni Ejipiti diema nni, hali man cila ki ban pundi dinla. ¹⁹ Lani wani han teni ban kuani a yangola leni han die yaala kuli i kuani nni ki wuoni. A tatana yaa baa ki taani ya niba leni yaa yandi kuli u kuanu nni ke baa ti diedi nn, bi kpe.'''' ²⁰ Falono naacenba siiga yaaba n den fangi li miali Diedo maama, den kuani bi naacenba leni bi yangola a diena nni. ²¹ Ama yaaba n naa den nua li miali Diedo maama ke mi tie moamoani, den ha bi naacenba leni bi yangola yi kuani nni. ²² Li miali Diedo den yedi Musa : ''Yugidi a nuu atanpoli Ejipiti diema nni kuli, atatana baa ba bi niba, ti yandi leni yi kuani muodi kuli po. Laa bonla baa tieni Ejipiti n die naani kuli po.'' ²³ Musa den yugidi o jianu tanpoli ke li miali Diedo den soani yi tatantani leni atatana. ²⁴ Mi fantama mo den jiidi ki tinga nni. Li miali Diedo den teni ke a tatana baa Ejipiti diema nni kuli. A tatana den baa ki taani leni mi fantama ki yabi hali boncianla ke li buolu daa kpa Ejipiti diema nni, hali man den tua diema yaa yogunu. ²⁵ Ejipiti diema nni kuli, atatana den pua yaaba n ye yi kuani kuli nni, ki cili bi niba ki taani leni ti yandi kuli. Atatana den pua yi kuani nni muadi ki kuakua yi tiidi kuli. ²⁶ Ama Gosena diema nni wani, Isalela yaaba n den ye naankani yeni, atatana naa den tieni. ²⁷ Falono den teni ke bi yinin Musa leni Alono ki yedi ba : ''Moala n wani, n bandi ke n tieni ti tuonbiadi. li miali Diedo wani tiegi. Mini leni n niba nani. ²⁸ Mia li miali Diedo wan gbeni yi tatantani leni atatana. N kan go yie yi po, n ba tuo yin gedi.'' ²⁹ Musa den yedi o''N ya ñani u dogu nni, n baa yugidi n nii ki teli Li miali Diedo po, lanwaani yi tatantani baa sedi, atatana kan go yaa baali . A baa bandi ke Li miali Diedo n die ki tinga . ³⁰ Ama n bani ke fini leni anaacenba, yi daa jie Li miali Diedo U Tienu .'' ³¹ Olije leni Len den biidi cain, kelima Olije den bua ki maa , ³² Len mo den tieni mi puuma. Halikama leni o yaa buoli naa den biidi kelima baa den be tonma. ³³ Musa den fii Falono kani, ki ñani u dogu nni . O den yugidi o nii li miali Diedo kani ke yi tatantani leni atatana den sedi ki taaga moko den yandi cain. ³⁴ Falono n den laa ke ki taaga, atatana leni sedi, o go tieni ti tuonbiadi ki juagi o pali wani leni o naacenba. ³⁵ Falono pali go den juagi ke waa den tuo Isalele yaaba n gedi nani li miali Diedo n den teni ke Musa.