¹ Li miali Diedo den yedi Musa : ¨ Yedi Alono ke wan tandi o nuu leni o gbianu yi kpeni po, yi fuani po leni ti boandi po, ki teni aloanda n yadi Ejipiti diema nni kuli. ¨ ² Alono den tandi o nuu Ejipiti ñima po , ke aloanda den yadi ki puni Ejipiti diema kuli . ³ Ama bi ñoagidanba moko den tieni yeni leni bi ñoagi . Bi den teni ke aloanda cua Ejipiti diema nni. ⁴ Falono den yini Musa leni Alono ki yedi ba: Mia Li miali Diedo ke wan foagidi aloandi mini leni n niba kani. Lani, n baa cedi bi niba ne n gedi ki ban padi Li miali Diedo po apada.¨¨ ⁵ Musa den yedi Falono: ¨ Bili nni han bua min jaandi fini, anaacenba leni aniba po yaa yogunu, ki teni aloanda ne n ña a kani leni a diedi nni, ki ji yaa ye u kpenciamu nni bebe. ¨ ⁶ O den guani ki yedi o: ¨ saala¨ . Musa den yedi : Li baa tua yeni han bandi ke laa pia n naani leni Li miali Diedo ti Tienu. ⁷ Aloanda baa foagidi fini a diena kani. Bi baa foagidi anaacenba leni a niba kani . Bi kan go yaa ye, se u kpenciamu nni bebe. ⁸ Musa leni Aono n den ñani Falono kani Musa den kpaa ki mia Li miali Diedo aloanda bodima po, wan den teni yaa n baa Falono po. ⁹ Li miali Diedo den tieni Musa n den mia o yaala. Aloanda den bodi mi diema nni , acancana nni leni yi kuani nni . ¹⁰ Den dogini ba tina tina kaani boncianla, ke bi nuulu yadi mi diema nni kuli . ¹¹ Ama Falono n den laa ke o baa mi faabima, o den juagi o pali, o naa go cengi Musa leni Alono, nani Li miali Diedo n den yedi maama.¨ ¹² Li miali Diedo den yedi Musa: Waani Alono ke wan go tandi o gbianu, ki pua ki tinga wagima . Mi baa kpandi juumi ki yaa ye Ejipiti diema nni kuli . ¹³ Bi den tieni yeni. Alono den tandi o nuu leni ogbianu ki pua ki tinga wagima. Mi den kpandi juumi bi niba leni ti yandi po. Ki tinga wagima kuli den kpandi juumi Ejipiti diema nni kuli. ¹⁴ Bi ñoagidanba den tieni bi ñoagi ki baa tagi ijuumi, ama naa den fidi. Ijuumi den ye bi niba leni ti yandi kuli po. ¹⁵ Bi ñoagidanba den yedi Falono : << Li tie U Tienu nuu ya tuonle.>> Falono pali den juagi ke waa den cengi Musa leni Alono maama, nani Li miali Diedo n den yedi maama. ¹⁶ Li miali Diedo yedi Musa : ¨ Fii ku tasoan-panpangu ki gedi ki sedi Falono kani, wan baa ña ki gedi u kpenu yaa yogunu . Han yedi o: Li miali Diedo yedi : Cedi n niba gedi ki ban kpiagi nni . ¨ ¹⁷ A ya yie ke niba kan gedi , n baa soani yi sibiadi fini, anaacenba, aniba leni a diedi kuli kani. Ejipiti yaaba diema baa gbie leni isi, isi baa pini ki tinga kuli. ¹⁸ Ama landaali, n baa gagidi Gosena diema n niba n kaani. Isi kan yaa ye lankani baa waamu . Yeni, a baa bandi ke mini Li miali Diedo n ye mi naa diema nni. ¹⁹ N baa tieni mi gagidima n niba leni aniba siiga. Laa maalima baa yaa tie saala po yo. ²⁰ Li miali Diedo den tieni yeni. Ya sii, n jungi ke li lo hali boncianla den kua Falono diegu nni. Bi den kua o naacenba diedi nni, Ejipiti diema kuli den jugi kelima Isii po. ²¹ Falono den yini Musa leni Alono ki yedi ba : Gedi mani ki ban padi yi Tienu po mi diema nni ²² Musa den guani ki yedi: << Laa dagidi tin tieni yeni, kelima tin ba ya padi yaa pada Li miali Diedo ti Tienu po yeni , tie caginde Ejipiti yaaba po. Naani ti ya padi yaa pada n tie bi po cagindi bi kan madi ti a tana ? ²³ Ti ba cuoni mi fanpiema nni danata cenli banlu ki padi Li miali Diedo ti Tienu opo nani wan baa yedi maama. >> ²⁴ Falono go den yedi n baa cedi yin gedi ki ban padi apada Li miali Diedo yi Tienu po mi fan pienma nni, ama yin da foagidi. Mia mani npo U Tienu. >> ²⁵ Musa den guani ki yedi o: << N ya ñani a kani n ba mia apo Li miali Diedo saala Isii ba foagidi a diegu , anaacenba leni aniba kuli kani . Ama Falono n da go janbiti, ki yie ke o kan tuo bi niba n gedi ki ban padi Li miali Diedo po apada. ²⁶ Musa den ñani ki ban mia Li miali Diedo . Li miali Diedo den tieni Musa n den mia o yaala. ²⁷ Isii kuli den foagidi Falono , onaacenba leni oniba kuli kani. Laa go den sieni ba bonyenga. Ama lanyogunu goga, Falono den juagi o pali ki naa tuo bi niba n gedi. ^{28 28} Falono den yedi n baa cedi yin gedi ki ban padi Li miali Diedo po a pada mi fanpienma nni, am yin da foagidi bebe, ama yin jaandi n po. ²⁹ Musa den guani ki yedi : N baa ña a deni ki ban jaandi Li miali Diedo. Saala yi sii baa foagidi Li miali Diedo leni o naacenba leni niba . Ama ke Falono n da go yie ke bi niba kan gedi ki ban padi Li miali Diedo po a pada. ³⁰ Musa den ñani Falono deni ki ban jaandi Li miali Diedo ³¹ Li miali Diedo den tieni Musa mia o yaala ki cedi ke yi sii foagidi Falono kani leni o naacenba kani leni ku niligu kani kaa sieni baa bon yenga ³² Ama Falono go den juagi o pali kaa tuo ku niligu n gedi.