¹ Li miali Diedo den yedi Musa: << Diiidi n baa teni han tua nani U Tienu Falono po . Akpelo Alono ,o baa tie sawalipualo . ² Fini, a baa yedi min teni a yaa bonli kuli , ke akpelo Alono baa waani Falono wan cedi Isalele bila n ña o diema nni. ³ Mini, n baa teni Falono pali n juagi , n baa pugini n sinankeenenba leni mi bancianma Ejipiti diema nni. ⁴ Falono kan cengi yi maama . N baa maani n nuu Ejipiti po . N baa teni ke n toacaga, yaaba n tie n niba Isalele yaa bila yeni n ña Ejipiti diema nni leni buciandi . ⁵ Ejipiti yaaba baa bandi ke n tie Li miali Diedo, min baa waani Ejipiti yaaba fala yaa yogunu ki go teni Isalele yaaba n ña bi siiga nni . >> ⁶ Musa leni Alono den tieni li bonla kuli nani li miali n puogiba maama. ⁷ Musa den pia bina piinii ke Alono mo pia piinii n bina taa ban den maadi leni falono yaa yogunu. ⁸ Li miali Diedo den yedi Musa ⁹ ¨Yaa tie ke Falono maadi leni ki yedi : 'Tieni n po mi bancianma,' A baa yedi Alono : 'Taa a gbianu ki u Falono nintuali.' U baa tua wa.¨ ¹⁰ Musa leni Alono den gedi Falono ki tieni li miali Diedo n den teni ba yaa ñoabonli Alono gbianu Falono nintuali leni onaacenba nintuali ke u tua wa. ¹¹ Ama Falono den yini bi yanfodanba leni a lingida Ejipiti ñoagidanba,bani moko den tieni laa bancianma leni bi ñoagi. ¹² Bi kuli den luni bi gbiani ke yi tua we. Alono yaa gbianu den nali yaa gbiani. ¹³ Falono pali den juagi ke waa cengi Musa leni Alono baa waa nani O Diedo n den yedi maama. ¹⁴ O Diedo den yedi Musa Falono pia yaa pali juagi ki yie ke o kan n niba n gedi . ¹⁵ Li yaa fii ki faa ku haagu, han gedi falono kani, wan ñani ki caa mi ñima po yaa yogunu. Han sedi ki guudi o u kpencianmu boanjaali kani. Han taa a nuu nni, min den teni ke yaa gbianu lebidi ki tua wa yeni. ¹⁶ Ki yedi Falono: Li miali Diedo, Hebilu yaaba Tienu soani nni a kani. O yedi ke han cedi o niba n gedi ki ban kpiagi o mi fanpienma nni. Hali moala anaa cengi. ¹⁷ Li miali Diedo maadi a yaa maama n tie nne: Line n baa teni handi ke n tie O Diedo. N baa pua u kpenciamu ñima leni yaa gbienu n nuu nni, mi kuli baa kpandi soama. ¹⁸ Yaa jami n ye kpenciamu baa kpe, u kpenciamu mo baa nuugi ki biidi. Ejipiti yaaba baa biigi ke bi baa ño u kpenciamu ñi ki gbali. ¹⁹ O Diedo den yedi Musa : << Yedi Alono ke wan taa o gbiamu ki tandi o nuu Ejipiti yaaba ñima po bi kpeni, bi fuani, bi boandi leni ban baadi mi ñima naani kuli po. Mi ñima kuli baa kpandi soama. Mi soama baa yaa ye Ejipiti diema nni kuli, ba yaa cuana n tie daadi leni ya cuana n tie tandi kuli nni. ²⁰ Musa leni Alono den tieni Li miali Diedo n den teni ba yaa ñoamabonli. Alono den yugidi u gbienu ki pua yaa ñima n ye u kpenciamu nni Falono leni o naacenba nintuali. U kpeciamu ñima kuli den soama . ²¹ Yaa jami n den ye u kpenciamu nni kuli den bodi. U kpenciamu den biidi ki nuugi . Ejipiti yaaba naa go den fidi ki ñu u kpenciamu ñima. Mi soama den ye Ejipti diema nni kuli . ²² Ama Ejipiti ñoagidanba tieni yeni leni bi ñoagidi. Falono den juagi ke waa den cengi Musa leni Alono maama, nani Li miali Diedo n den yedi maama. ²³ Falono den lebidi kuni badidiegu ki naa yini la baa ke li tie bonla moko. ²⁴ Ejipiti yaaba den gbini u kpenciamu kunu ki lingi mi ñinñokaama, kelima baa den fidi ki ñu u kpenciamu ñima. Li miali Diedo n den pua u kpenciamu ke danlele pendi yo laa bonla den tieni. Li miali Diedo yedi Musa : ¨ Gedi Falono kani ki yedi o: Li miali Diedo yedi mi naa maama : Cedi n niba gedi ki ban kpiagi nni. A ya yie ke a kan a haaba ban gedi, n baa teni Aloanda n cua ki gbieni a diema kuli. ²⁵ U kpenciamu baa gbie leni aloanda. Bi baa do ki kua a diegu nni, leni a dieduadili nni leni a duanu po. Bi baa kua naacenba diena nni, a niba diena nni, bi fani nni leni bi sajetiadi nni. Aloanda baa do apo aniba po leni anaacenba kuli po.¨