¹ Li miali Diedo den yedi : Moala, a baa le min baa tieni yaala. N baa teni wan cedi ban gedi leni n nuu paalu. n go baa tieni o u paalu, wan deli yi o diema nni. ² U Tienu den maadi leni ki yedi o: N tie li miali Diedo. ³ N den doagidi Abalahama, Issaaka leni Jakobo kani ke n tie U Tienu u paciamu kuli Daano. Ama mii den waani ba ke yeli tie: Li miali Diedo. ⁴ N go den niani ba ke n baa pa ba Kanana diema, ban den kaa naankani ki tie canba. ⁵ N gbadi Isalele yaaba yenbidi, kelima Ejipiti yaaba n teni ke bi laadi yaa fala ti yonbidi nni po. N tiadi n nianli. ⁶ Li tie lani yaapo ke a baa yedi Isalele yaaba: N tie li miali Diedo , n baa faabi yi leni Ejipiti yaaba n tuuni yi ya tuona. N baa faabi yi bi yonbidi nni. ⁷ N baa taa yi yin tua n niba n baa yaa tie yi Tienu, yeni, yi baa bandi ke li tie mini li miali Diedo yi Tienu n faabi yi leni Ejipiti yaaba n tuoni yi ya tuona kuli. ⁸ N baa teni yin kua min den poli ke n baa pa Abalahama, ISaaka leni yaa leni Jakobo yaa diema nni. N baa pa yi ma man tua yi diema. Mini n tie li miali Diedo. ⁹ Lani n tie Musa nden yedi Isalele yaaba yaala. Ama baa den fidi ki cengi Musa maama, kelima bi yonbibiaditi po. ¹⁰ O Diedo den maadi leni Musa , ki yedi : ¹¹ Gedi ki maadi leni Ejipiti Bado faraon ke wan cedi Isalele yaaba n n"a odiema nni. ¹² Musa den guani ki yedi O Diedo nintuali: Isalele yaaba naa cengi n maama, faraon wani baa ga lede ki cengi mini yua n ki bani maama? ¹³ O Diedo den maadi Musa leni leni Alono ki teni ba an"oabona Isalele Ejipiti bado Faraon po , ke wan teni Isalele yaaba n n"a Ejipiti diema nni. ¹⁴ Bine n tie bi buolu yudanba. Isalele bi jakpelo Lubena bijaba den tie Enoka , Palu Etisiloni leni Kalimi. Bani n tie Lubena buolu cuuna. ¹⁵ Simeon mo yaa bijaba tie Yemueli, Yamini, Ohadi, Yakini, Tisoari leni kanana pua bi bijua Sawuli. Bani mo n tie Simeon buolu cuuna. ¹⁶ Bine mo n tie Levi mo yaa bijaba yela leni bi bila: Gersonni, Kehati leni Merari. Levi miali bina den tie kobiga n piitaa n binalele. ¹⁷ Gersoni mo yaa bijaba tie: Libini, Simeyi leni yaa cuuna. ¹⁸ Kehati mo yaa bijaba den tie: Amirami, Yitisehari , Hebiron leni Usieli. Kehati mo yaa miali bina den pundi kobiga n piitaa n binataa. ¹⁹ Merari mo yaa bijaba den tie: Mali leni Musi : Bani mo n tie Levi yaa buoli cuuna bila. ²⁰ Amilama den taa o baa waalo Jokebedi ke otua o pua. O den mali o po Alono leni Musa. Amilama mo yaa miali bina den tie kobiga n piitaa n bina lele. ²¹ Jitisehala mo yaa bijaba den tie Kole Nefagi leni Sikili. ²² Usieli leni Elitisafani leni Sitili. ²³ Alono den taa Aminadabi bisalo Eliseba, yua n tie Nahisona yaa waalo ke o tua o pua. O den mali opo Nadabi leni Abihu, Eleyasela leni Itamali. ²⁴ Kole mo yaa bijaba den tie Asidi leni Elikana leni Abiasafi. Bani n mo den tie Kole buolu yaaba. ²⁵ Eleyasala , Alono bijua, den taa Putiela yaa bisiaba siiga nni yendo, ke tua o pua. O den mali opo Finea. Bani n tie Lefi yaa buolu danba leni bi buolu. ²⁶ Li tie laa Alono leni laa Musa yo ke li miali Diedo den yedi ba: ¨ Yin teni n ña Ejipiti diema nni ki huadi fuuli fuuli nani bi toacaga n tie maama.¨ ²⁷ Li tie bani n den leni Ejipiti bado Falono ke wan ñani Isalele bila Ejipiti diema nni. Li Bani n tie Musa leni Alono. ²⁸ Li miali Diedo den maadi leni Musa Ejipiti diema, ²⁹ Li miali Diedo den yedi Musa:<< N tie li miali Diedo. waani Ejipiti bado Falono min baa waani a yaala kuli.>> ³⁰ Musa den guani ki yedi li miali Diedo nintuali: << Diidi mii bani maama, Falono baa tuo ki cengi nni lede? >>