¹ Musa leni Alono go den gedi Falono kani, ki yedi o: Li Miali Diedo Isalele yaaba Tienu yedi: Cedi n niba n gedi ki ban kpiagi nni mi fanpienma nni. ² Falono den goa ki yedi: Li Miali Diedo tie hme ke n baa tuo maama, ki cedi Isalele yaaba n gedi? Mii bani Li Miali Diedo, N kan go cedi Isalele yaaba n gedi mo. ³ Musa leni Alono den yedi: Ebilu yaaba Tienu den doagidid tikani. Pa ti u sanu tin cuoni dana ta banlu mi fanpienma nni, ki ban padi Li Miali Diedo po li padili, ke wan da kpa ti leni u yianbiadi-puodiko bi leni ki jugisiega. ⁴ Ejipiti bado den yedi Musa leni Alono: Be yaa po ke yi jidi bi niba bi tuona nni? Guani mani yi tuona po. ⁵ Falono den yedi: Diidi moala bi niba yabi mi diema nni, ke yi teni ni jidi bi tuona. ⁶ Laa daali, Falono den ñani li naa ñoabonli Ejipiti tuonsoancanbaanba leni Isalele tuonsoancanbaanbila ki yedi ba: ⁷ Yi kan go pa bi niba ti muadi nani mi kpiama ban pua i tanpabi. Ama ban ya caa ki baadi biba ti muadi. ⁸ A baa yeni, yi baa teni ban pua i tanpabi lan pundi ban den kpa poa ya banlu, yi kan wadi bipo baa waamu. Ti tie kelima bi tie kpajedanbe lan yaa po ke bi yedi: Tin gedi ki ban padi a pada ti Tienu po. ⁹ Yin teni li tuonli n coagi ba, ban kuani bi yama laa tuonli nni, lanwani, bi kan go cengi ban pua ba ya faama. Gedi mani yiba ki ban lingi yi yula po Yin baa la ti naankani kuli. Ama yi baa pua yi tanpabi n ya da leni yin d'en kpa poa maama. . Ejipiti tuonsoanjiidi-nikpela den hoa ki tigini ba ki tua ba: Ya tuuni mani yi tuona ki lundi daali kuli ban bili ya bianu ki soani ki gbeni nani yin den pia ti muadi ya yogunu maama.Ejipiti yaaba den pua Isalelenba caga yudanba ban den gandi yaaba. Bi den tua ba: Bee n teni le ya dana n tie ne yii pua i tanpabi ke li pundi mi kpiama ? ¹⁵ Isalelenba caga yudanba den gedi Ejipiti bado Falono kani ki yedi: Bee yaapo ke a wangi tinba a naacenba ya fala n tie na? ¹⁶ Baa go tendi ti ti muadi nani mi kpiama, ama baa leni lankuli Bi yedi: Pua mani i tanpabi ; Diidi Bi pua a naacenba nani ti tie i tagili danba yeni, ke ti naankani nani, baa tengidi baa waamu. ¹⁷ Ejipiti bado Falono den yedi: Yi tie kpajedanba bebe yo, lani n teni yi tua: Tin gedi ki ban padi Li Miali Diedo po a pada. ¹⁸ Lanwani moala guani mani ki ban soani yi tuona. Bi kan go pa yi ti muadi, ama yin go ya pua i tanpabi nani ban den bili yipo maama. ¹⁹ Isalelenba caga yudanba den laa ke Bi wangi ba fala ki yedi: Yi kan wadi ban puogi yin pua ya tanpabi baa waamu. Daali kuli yi baa tieni laa daali ya tuonli nani ban bili yipo maama. ²⁰ Ban den gnani Ejipiti bado Falono kani Bi den tuogi Musa leni Alono yaaba n den se ki guu ba. ²¹ Bi den yedi ba : Li Miali Diedo n diidi ki jia leni yi ti buudi . Yinba n teni ke ti fa Falono leni o naacenba po. Y mubini ba ki jugisiega ke ban kpa ti. ²² Musa den guani Li Miali Diedi kani ki yedi: O Diedo be yaapo ke a wangi bi naa niba fala? Be yaapo ke a soani nni? ²³ Hali min gedi Falono kani ki ban padi leni o a ya yeli nni, o tiendi laa niba mi biadima. Amo nan daa faabi a niba hali moala.