¹ Ejipti diema nni Li miali Diedo den yedi: Musa leni Alono ² O ne ŋmaalo n baa tie yi po li binli ŋmakpialo. ³ Han yedi Isalele yaaba nitaanli kuli : Han yedi ba ke o ŋmaalo yeni danpiiga , diegu kuli yaaba baa baa pebiga. ⁴ Ku diegu niba ya wa ki kan fidi ki gbeni pebimunga ban taani leni bi kuantelieba nani bi coali n dani maama ki pebiga ŋmanma po. ⁵ Li baa tie ya pebiga ki pia poadoba kuli, ki pia binyenli li ba fidi ki yaa tie pebiga bi hoabiga. ⁶ Yi baa kubiga hali laa ŋmaalo piiga n dannaali, laa daali ñiagu Isalele yaaba kuli baa kodi ki pebiga yeni. Ban ŋmani ga ya dieli nni yeni ⁷ Bi ba taa ki soama ki suogi adangunda leni li buliñoatuogili. ⁸ Laa daali ñiagu bi baa puli ku nangu yeni ki go ŋmani gu, be ba ŋmani gu leni ya dupen ki pia dabinli leni ya moadi n to. ⁹ Yin da ŋmani ti ke tii bena, yin da haani mi ñima nni. Ama yi baa puli ti leni mi fantama nni, ki taani leni li yuli, abiana leni ku tugu nni. ¹⁰ Yin da ŋmani ki sieni li baa kuli hali lan faa, li ya sieni mo yin faa ki sia ti mi fantama nni. Yi ya ba ŋmani ti ya yogunu, ¹¹ yin ba ŋmani ti maama ne: Yin ñagini yi ciamu ti gbanñagiditi, ki pili yi cacaadi, ki mubini yi gbiani yi niinni. Yi ba ŋmani ti tontoni. Li tie Li Miali Diedo yaa pendima jaanma. ¹² Laa ñiagu n ba tagani ki pendi Ejipiti diema nni n ba pua Ejipiti diema bonjakpiala kuli, ki cili bi niba ki ban pundi ti yandi kuli. N ba jia ti buudi leni Ejipiti yaaba tieni kuli. Mini n tie Li Miali Diedo.Mi soama n baa tie yin ye ya diedi nni po mi maalima, n yaa laa ¹³ mi soama n baa pendi tanpoli ki haa yi. Fala kan pua bolini yi, min ba pua Ejipiti yaaba ya yogunu. ¹⁴ Yi ba kubi laa daali ya tiadima, yi baa tiedi li badu Li Miali Diedo kpiagidi po. Yi baa tiedi mi jaanma nani li tie bali maama yeni yi puolihuani po yogunu kuli. Yi ba tieni danalele ki di ya dupen ki pia dabinli, ki cili li dankpiali, yi ba ñani li dabinli yi diedi nni. Kelima ki cili li dankpiali ki gedi li danlele, ya nilon n ŋmani ya dupen pia dabinli kuli, bi ba ñani o Isalele yaaba siiga. ¹⁵ Li dankpiali daali yi baa pia yiingagidiko, li danleleeli daali moko yi ba ya pia yiingagidiko. ¹⁶ Bi kan soani tuonli ba laa dana nnia: Ama yi ba fidi ki bogini yua kuli po o jiema. ¹⁷ Yi ba kubi ya dupen n ki pia dabinli jaanma kelima laa daale ke n ba ñani yi toacaga Ejipiti diema nni. yi baa kubi laa daali tiadima hali ya yogunu kuli yi puolihuani po. ¹⁸ O ŋmakpialo piiga n dannaali daali yenjuagu yi ba cili ki ya dii ya dupen ki pia dabinli, ki ya caa hali o piilie n danyenli yenjuagu. ¹⁹ Danalelee yeni yin da pia dabinli yi diena nni ba wamu. Ya nilo n dini ya dupen pia dabinli kuli be ba ñani o Isalele nitaana siiga, o ya tie caano bi o ya tie dotielo. ²⁰ Yi kan je ya dupen n pia dabinli ama yi baa di ya dupen ki pia dabinli yin baa ye naani kuli ²¹ Musa den yini Isalele yaaba nikpela kuli kuli ki yedi ba: Gedi mani ki taa ti yandi yi died po ki padi mi pendima jaanma. ²² Lanwani yi baa taa isope ya faadi ki tuuni mi soama nni, yaama n ye ku tadigu nni ki tu li buliñoatuogili, Leni a buliñoadangunda soama yaama ye ku tadigu nni yeni. Yi siiga o ba kuli kan ña o diegu nni ki ya caa hali ku tasoangu. ²³ Li Miali Diedo yaa baa tagini ki pendi ki pua, Ejipiti diema yaa yogunu, o baa le mi soama li buliñoatuogili leni a buliñoadagunda po o baa pendi ki ha yi po laa buliñoabu. O kan tuo o bolindo n kua yi diedi nni ki pua yi. ²⁵ Yi baa kubi laa bonla lan tua yi po yinba, leni yi bila po ya yogunu kuli. ²⁴ Yi ya ba ban kua Li Miali Diedo n ñiali yi ya diema nni, yi baa kubi laa bonla yaala n tie mi gagidima. ²⁶ Yi bila ya buali yi ya yogunu : Laa bogidili bua ki yedi ki yedi be ? ²⁷ Yi baa guani ki yedi ba: Li tie mi pendima jaanma padili, yaali n kpiagidi Li Miali Diedo yua n den pendi ki haani Isalele yaaba diedi wan den pua Ejipiti ya yoguu ki faabi Isalele yaaba diedi, Isalele yaaba den gbaani ki pugi Li Miali Diedo . ²⁸ Isalele yaaba den gedi ki ban tieni nani Li Miali Diedo den yedi Musa leni Alono yaala. ²⁹ Ku yagisiigu Li Miali Diedo, den pua Ejipiti diema bonjakpiala kuli. Ki cili Falono yua n kaa ti gbandi po yaa bijakpelo , ki ban taani leni o yonbo yua n ye li kadidieli nni hali ki ban taani ti yandi yaa bontonkpiamu kuli. ³⁰ Falono den fii ku ñiagu, wani leni onaacenba leni Ejipiti yaabakuli. Abubula den yabidi Ejipiti diema nni kuli, hali boncianla kelima laa den pia baa dieyengu yaagu ke kuuma ki den ye. ³¹ Laa ñiagu Falono den yini Musa leni Alono ki yedi ba: Fii mani ki ña n niba siiga yinba leni Isalele yaaba kuli. Gedi mani ki ban kpiagi Li Miali Diedo nani yin den yedi maama. ³² Taa mani yi pe leni yi ne, nani yin den yedi maama ki gedi. Ama yin gaali nni. ³³ Ejipiti yaaba den tigini Isalele yaaba , ki jaligili ki bua ki ñani ba bi diema nni , kelima bi den yedi: Tikuli baa bodi. ³⁴ Isalele yaaba den taa bi dupen yonkaadi ki tugi ke ti daa pili. Bi gbabini bi dupen tiadi, bi tiadi nni, ki bugi. ³⁵ Isalele yaaba den tieni nani Musa n den yedi maama , bi den mia Ejipiti yaaba halinjilifa, wula tiadi leni ti tiayiekaadi. ³⁶ Li Miali Diedo den teni ke Isalele yaaba baa li hanbili Ejipiti yaaba kani ke bi pala mangi bi po. Ke bi puni ba ban miaba yaala kuli . Yene ke Isalele den fagi Ejipiti yaaba piama. ³⁷ Isalele yaaba , yaaba n den fii Lamisesa ki gedi sokoti , den bua ki pundi jaba tida kobiluoba, yaaba n pundi ki gedi toaba. Baa den coadi a bila , bi puoba leni a jakpela wani. ³⁸ Bi niba boncianla yaaba n tie nibuotoe den taani ki fii leni ba. Bi den pia yangola boncianla ipe leni i ne. ³⁹ Bi den taa ban den ñani dupenyokaadi Ejipiti nni, ki pua ti lalaadi ke tii pia dabinli, kelima Ejipiti diema nni bi den deli ki ñani ba, ke baa baa yaa yogunu n baa guudi ti dupenyonkaadi n pili. Ki buali ban kubi mi jiema li sancenli po. ⁴⁰ Isalele yaaba n den tieni bina Ejipiti nni, den pundi kobina n bina piitaa. ⁴¹ Kobina n bina piitaa n den tuoni yaa daali, Li Miali Diedo toagola kuli den ñani Ejipiti diema nni. ⁴² Laa ñiagu den tie jaanma Li Miali Diedo yeli kpiagidi po. Nani Li Miali Diedo n den dua ki guu ki ñani o bila Ejipiti diema nni yeni, yeni moko binli n tuu li yali Isalele yaaba kan guani laa daali ya ñiagu kelima li gagidi ki hani Li Miali Diedo yaapo yo. Li miali Diedo den yedi Musa leni Falono : Diidi mani yaa ñoabonli n ye paki jaanjiema po: Caanoba ki pia sanu ki jema. ⁴⁴ A baa kuani han daa yaa yonbi leni yi ligi kuli ku koanciagu lanwani bi baa fidi ki jema. ⁴⁵ O caano leni onaacemo kan jema. v 46 Yi baa jema deene, yin kan ñani nandi niinni, yi kan hmani ki mudi kpabili. v 47 Isalele nitaanli kuli baa tieni paki jaanma. v 48 Yaa caano n ye à diegu nni ya bua ki tieni paki jaanma, kali o diegu nni bonjala kuli n kua ku koanciagu lanwani o baa fidi ki jaanma, o baa tie nani yi buolu yua yeni ama o caano kan jema. v 49 Laa balimaama baa tie yenma o dotielo leni ya caano n la yi siiga kuli po. v 50 Isalele yaaba kuli den tieni Li miali Diedo n den waani Musa leni Falono yaala ki baa ha liba kuli. v 51 Laa daali lige kakap ke Li Miali Diedo den teni ke Isalele yaaba kuli ñani Ejipiti diema nni ki cuoni caga caga nani bi toacaga n tie maama.