¹ Malidoke n den gbadi yaala n tieni, o denpadi o tiadi ki lani li paboanli tiadi ki wuli o gbanu po mi fantanpienma ki doagidi o paboanli, ki kua u dou siiga ki buudi ki kpaani. ² Ki sedi o bado diegu buliñoabu kani, kelima li den tie kuale ke yua n yie li paboanli tiadi n kua o bado diegu nni. ³ O bado ñoabonli leni o balimaama n den pundi mi diema nni naankani kuli li paboancianli den cuo Jufinba kuli. Bi den luo bu ñoabu ki buudi ki kpaani ke bi siiga boncianla yie li paboanli tiadi, ki dua mi fanpienma nni. ⁴ O pobado Esita tuonsoanba yaaba n den tie puoba leni o moagilimu den cua ki waani o lankuli, i jeje den cuo boncianla. O den soani ti tiayiekaadi Malidoke po ke ban lebidi li paboanli tiadi yeni, ama waa den ga ti. ⁵ Lani yaa po Esita denb yini Hataki o bado n den puogi yaa moagilimu n ya tuuni Esita po siiga yendo, ki soani o wan ban buali Malidoke lan tie yaala leni yaala yaa po ke o tiendi yeni. ⁶ Hataki den gedi Malidoke po, u dogu fanpienma nni, o bado diegu cancanli po. ⁷ Malidoke den togidi o yaala n tieni kuli, ki waani o Hamana n yedi ke o baa tieni o bado halimano nni ya ligi banlu, o ya bolini Jufinba kuli. ⁸ O go den teni o ban den kpaani o bado ñoabonli yaali Suse nni ke ban bolini Jufinba yeni tila siiga tiyenli. O den teni o li ke wan ban waani Esita ki go togidi o mi maama fuuli kuli. O go den yedi Hataki ke wan ban waani Esita n wan mia o bado ke wan gbadi wani Esita buolu. yaaba po mi nihima. ⁹ Hataki den go cua ki togidi Esita Malidoke n yedi o yaala kuli. ¹⁰ Esita go den soani Hataki wan ban yedi Malidoke ya maama n tie ne: ¹¹ O bado naacenba kuli leni o diema yaaba kuli ke li balimaama bili ke lan tie yua kuli, li ya tie joa bi pua, o kan kua o bado luolu nni ke waa yini o, o baa kpe, kali bonyenla bebe, yua n kua ke o bado tandi opo 0 badibgbienu yu n tie wula, wani n baa faabi. Ama mini mo, li pundi dana piita ke o badi ki yini nni. ¹² Ban den goa ki togidi Malidoke Esita n yedi yaala, ¹³ O den soani ban yedi Esita: Da tama ke jufinba kuli siiga ke fini bebe n baa faabi kelima a ye o bado diegu nni yaa po. ¹⁴ Kelima a ya hmini ya yogunu n tie na, mi todima baa ña Jufinba po potogu, ban faabi. Ama fini, a baa kpe, a baa diegu mo n bodi. hme bani li ya tie ya yogunu buolu n tie na yaa po yaaka ke a baa ki tua o pobado. ¹⁵ Esita go den soani ban ban yedi Maliodoke: ¹⁶ Gedi ki ban taani ya Jufinba n ye Suse nni kuli yin loli bu ñoabu yensiini taa leni ñiadi taa, yi da je, yin da ño ki ya miadi npo. N moko baa tieni yeni mini leni n tuonsoanba, Ti baa loli bu ñoabu. Lani ya pendi n baa kua o bado kani ¹⁷ baa ke li tie kuali. N ya baa bodi, min bodi. Malidoke den gedi ki ban tieni nani Esita n yedi maama.