¹ Moyiisi yeni Haarɔn ń den gobdi Israyeli yaaba yeni bi tɔgola, hali ban ñani Ejipti diema nni, ki cuoni ki tɔgni bi sancenli nni maama n ne. ² Moyiisi den diani ban den yi fii naankani, ki gedi ki kali naankani, ki bili nani O Diedo ń den waani o ke wan tieni maama yeni. Bi sancenli ń den tɔgni tɔgni maama n ne. ³ Bi den ñani Ramisesi, ki taa u sanu bi sancenli po li binli ŋmaacincinli, o piiga n daamuuli daali. Bi den fii mi pendima jaanma fiifaama, ku siŋaagu nni, Ejipti yaaba nunbu nni. ⁴ Bi den fii, ki sua ke Ejipti yaaba da gbaa ke ban piini O Diedo ń den pua yeni o paaciamu, ki kpaa bi bonjakpiala yaaba bi siiga nni yeni, kelima O Diedo den jiini o pabienli bi buli mo yapo i. ⁵ Israyeli nitaanli den fii Ramisesi, ki gedi ki kali Sukɔti. ⁶ Bi den fii Sukɔti, ki gedi ki kali Etami, mi fanpienma kunu. ⁷ Bi den fii Etami, ki guani ki lebdi ki teli Pi-Hahiroti, ya dogu n tiegi Baali Sefoni dogu, ki gedi ki caani bi jondi, ki teli Migidoli. ⁸ Bi den fii Pi-Hahiroti nintuali, ki tɔgni mi ñincianma siiga, ki teli mi fanpienma. Bi den cuoni dana taa, Etami fanpienma nni, ki gedi ki kali Mara. ⁹ Bi den ñani Mara, ki pundi Elimi. Elimi den pia piiga n ñinbuna lie yeni kpakpa tiidi piilele. Ban den caani bi jondi, ki kali naani n yeni. ¹⁰ Bi den fii Elimi, ki gedi ki caani bi jondi li mɔgmɔnli kunu. ¹¹ Bi den fii li mɔgmɔnli kunu, ki gedi ki kali Sini fanpienma nni. ¹² Bi den fii Sini fanpienma nni, ki gedi ki kpaa bi jondi Dofika. ¹³ Bi den fii Dofika, ki gedi ki kpaa bi jondi, Aluci. ¹⁴ Bi den fii Aluci, ki gedi ki kpaa bi jondi Refidimi, ki kali. Lankani i, ke ñima den ki ye, ke Israyeli nitaanli ba ñu. ¹⁵ Bi den fii Refidimi, ki gedi ki kpaa bi jondi Sinaayi fanpienma nni. ¹⁶ Bi den fii Sinaayi fanpienma nni, ki gedi ki kpaa bi jondi, Kibroti Hatafa. ¹⁷ Bi den fii Kibroti Hatafa ki gedi ki kpaa bi jondi Haseroti. ¹⁸ Bi den fii Haseroti ki gedi ki kpaa bi jondi Ritima. ¹⁹ Bi den fii Ritima ki gedi ki kpaa bi jondi Rimoni Peresi. ²⁰ Bi den fii Rimoni Peresi ki gedi ki kpaa bi jondi Libina. ²¹ Bi den fii Libina, ki gedi ki kpaa bi jondi Risa. ²² Bi den fii Risa, ki gedi ki kpaa bi jondi Kehelata, ki kali. ²³ Bi den fii Kehelata, ki gedi ki kpaa bi jondi Ceferi juali kani. ²⁴ Bi den fii Ceferi juali kani, ki gedi ki kpaa bi jondi Harada. ²⁵ Bi den fii Harada, ki gedi ki kpaa bi jondi Makeloti. ²⁶ Bi den fii Makeloti ki gedi ki kpaa bi jondi Tahati, ki kali. ²⁷ Bi den fii Tahati, ki gedi ki kpaa bi jondi Tera. ²⁸ Bi den fii Tera, ki gedi ki kpaa bi jondi Mitika. ²⁹ Bi den fii Mitika, ki gedi ki kpaa bi jondi Hacimona. ³⁰ Bi den fii Hacimona, ki gedi ki kpaa bi jondi Moseroti. ³¹ Bi den fii Moseroti, ki gedi ki kpaa bi jondi Bene Yaakana. ³² Bi den fii Bene Yaakana, ki gedi ki kpaa bi jondi Hori Hagidigadi. ³³ Bi den fii Hori Hagidigadi, ki gedi ki kpaa bi jondi Yotibata. ³⁴ Bi den fii Yotibata, ki gedi ki kpaa bi jondi Abrona. ³⁵ Bi den fii Abrona, ki gedi ki kpaa bi jondi Esiyoni Geberi. ³⁶ Bi den fii Esiyoni Geberi, ki gedi ki kpaa bi jondi Sini fanpienma nni, Kadeci dogu nni. ³⁷ Bi den fii Kadeci, ki gedi ki kpaa bi jondi Hori juali kani, Edomi diema kunu. ³⁸ Salga yidkaiamo, Haarɔn den cɔlni O Diedo ñɔbonli, ki doni Hori juali po, ki ban kpe likani, li binpiinaali, hali Israyeli yaaba ń ñani Ejipti diema nni, li binli ŋmaamuuli, o daacincinli daali. ³⁹ Haarɔn den kpe Hori juali po, ki pia binakobga n piilie n bina taa i (123). ⁴⁰ Kanana diema nni, Aradi bado, yua n den kua Kanana niganu po, mi fanpienma nni yeni, den gbadi ke Israyeli yaaba paa u sanu nni, ki kpendi. ⁴¹ Bi den fii Hori juali kani, ki gedi ki kpaa bi jondi Salimona. ⁴² Bi den fii Salimona, ki gedi ki kpaa bi jondi Punoni. ⁴³ Bi den fiiPunoni, ki gedi ki kpaa bi jondi Oboti. ⁴⁴ Bi den fii Oboti, ki gedi ki kpaa bi jondi Iye Abarimi, Mowabi bianu po. ⁴⁵ Bi den fii Iye Abarimi, ki gedi ki kpaa bi jondi Diboni Gaadi. ⁴⁶ Bi den fii Diboni Gaadi, ki gedi ki kpaa bi jondi Alimoni Diblatayimi. ⁴⁷ Bi den fii Alimoni Diblatayimi, ki gedi ki kpaa bi jondi Abarimi juana nni, ki tiegi Nebo. ⁴⁸ Bi den fii Abarimi juana nni, ki gedi ki kpaa bi jondi Mowabi tiali nni, Jurden kpenkunu, Jeriko diema nni. ⁴⁹ Bi den kpaa bi jondi ki kuli Jurden kpenu, Mowabi tiali nni, ki cili Beti Jecimoti, ki ban tuoni Abeli Citimi. ⁵⁰ O Diedo den maadi yeni Moyiisi, Mowabi tiali nni, Jurden kpenu kunu, ki yedi, ⁵¹ "Maadi yeni Israyeli nitaanli, ki yedi ba, 'I ya puodi Jurden, ki gedi Kanana diema nni, ⁵² li buali ke yin deli ki ñani ya nibuoli n kua mi niinni. Yin pua ki mumudi, ki bolini bi butana. Yin pua ki mumudi ban duadi ya bonnannana yeni ti kudi, yeni bi juana po padbinbina kuli. ⁵³ Li buali ke yin kɔni, ki paadi ba, ki kali, ki diedi bi diema, kelima N puni yi mi diema ke yin diedi ma i. ⁵⁴ Li buali ke yi tɔa tiatia i, ki bɔgdi i tinbiini faali, lan cɔlni buolu yeni cugli kuli yeni bi nibima yabnu. Ya buolu n yabi, ba baa ya tinfanma n yabi; ya buolu n waa mo ń baa ya tinfanma n waa. I ya tɔni tiatia, ke ya buolu n baa ya tinfanma, o ya diema n yeni. Li buali ke yin di mi diema tinfanma faali, lan ŋɔdi buolu buolu, yeni cugli cugli i. ⁵⁵ Ama, i ya ki fidi ki deli ki yaani ya nibuoli n den kua mi diema nni, yin ba cabi ya nibuoli ban ya ye yeni yi yeni, baa tie nani bonli n baa i nuni nni yeni lanyaaka konkoni n muugi i gbanu yeni. Bi ba kuani li ŋmadli i yema nni, yin ba kali kali naani kuli, mi diema nni. ⁵⁶ Lanwani ii, min den jagi ki ba tieni ba maama yeni, N ji ba tieni yinba i li biadima'".