¹ Moyiisi den maadi yeni Israyeli buoli yudanba, ki yedi ba, "O Diedo bili ya ñɔbonli ne. Ban bili ya mabilkaama i ñɔniani po. ² Nilo ya niani ñɔnianu, bii ki poli ki niani bonli, wan da kandi o maama po; li buali ke wan kuani li ñɔnianu nani wan den niani, ki maadi maama yeni i. ³ Jafaano dá ya ye o baadiegu, ki niani O Diedo ñɔnianu, bii ki poli paabu ñɔpoli, ⁴ O báa ya bandi li ñɔnianu bii wan loli o yuli yeni ya ñɔpoli, kaa yedi libakuli, ki ba miidi lebdi o yantiali, lanwani ii, li buali ke o yuli dá li luoli yeni li ñɔnianu bii li ñɔpoli i. Wan poli ki niani yaali kuli buali ke lan tii i. ⁵ Ama, o báa ya gbadi li ñɔnianu bii li ñɔpoli maama, kaa yedi o libakuli, lanwani ii, li buali ke o jafaano ń kuani li ñɔnianu bii li ñɔpoli, lan buali maama i. ⁶ Ama, o báa ya gbadi wan loli o yuli yeni ya ñɔnianu bii ya ñɔpoli, ki yie opo, wan bi loli o yuli yeni ya ñɔnianu bii ya ñɔpoli miidi, ki kagdi opo n yeni. O Diedo ba mia opo sugli, kelima o báa n yie opo, ki miidi li ñɔnianu bii li ñɔpoli . ⁷ Li ya tie ke o kuni ja, ke o yuli dá luoli yeni li ñɔnianu bii li ñɔpoli, lanyaaka o ya loli o yuli yeni ya maama n ñani o ñɔbu nni, li buali ke wan niani ya ñɔnianu bii ya ñɔpoli ń kua lan buali maama i. ⁸ Ama, o calo ya gbadi li maama, ki yie opo, lanwani ii o miidi li ñɔnianu bii li ñɔpoli n yeni. Wan loli o yuli yeni o ñɔbu nni maama yaama miidi ki kagdi opo n yeni. ⁹ Ama li ya tie ke pakuali bii yua n ñani o calo kani, wan loli o yuli yeni ya ñɔnianu bii ya ñɔpoli yeni buali ke lan kua i. ¹⁰ Pua ya niani ñɔnianu bii ñɔpoli, ki ye o calo deni, bii o ya poli ki loli o yuli yeni o ñɔbu nni maama, ¹¹ O calo ya gbadi li maama, kaa yedi o libakuli, ki ba miidi wan niani yaali, lanwani ii, li buali ke li ñɔnianu bii li ñɔpoli ń kua lan buali maama i. ¹² Ama, o calo ya gbadi li maama, ki yie opo, ki miidi li ñɔnianu wan gbadi ya daali, lanwani ii, wan loli o yuli yeni ya ñɔnianu bii ya ñɔpoli miidi ki kagdi opo n yeni. O calo n miidi. O Diedo ba mia opo sugli. ¹³ Pua ya niani ya ñɔnianu bii ya ñɔpoli, ñɔlolima po bii ki kuani o yuli bonli, o calo ba fidi ki yie opo, bii ki taani opo. ¹⁴ Ama, o ya ki yedi o libakuli, ke a dana pendi, li buali ke o tuo li ñɔnianu bii li ñɔpoli n yeni. Wan gbadi li maama kaa yedi libakuli yeni, o tuo o denpua ñɔnianu bii o ñɔpoli n yeni. ¹⁵ O calo ya gbadi li ñɔnianu bii li ñɔpoli maama, ki guudi ke li waagi, ke o ji bua wan yie opo, ki miidi, lanwani ii, wani o ja n tieni ti tuonbiadi. Wani n ba tugi li tagli o yuli po ¹⁶ O Diedo ń bili Moyiisi ya ñɔbona, ke wan waani n yeni. Li ñɔbona nua yaali n ye o pua yeni o calo siiga, bii, o jafaano yeni o báa, wan ye ya yognu o baadiegu.