¹ Nnakiɖe ma, na garakori atine ashiiri asəbaka,na ŋrəŋə aŋnuro baja banan bʋdən alə n'ʋwələ ʋbumbɔnɔ ɖaa ara ana kuro ma,waa: pɩ. ² Ŋkiɖe ma,na ŋŋə asuko aƒɔnɔ. Nɖee aboɖo alaŋ ma, aɖe toŋo gʋta, na shee nɩ ŋyarɩƒu, n'ace etɩ cə gʋtara, ajɩ gʋtara. ³ Akɔɔ atine ashiiri anyɩʋtaja ma na ŋŋə ŋŋuro yar anyɩʋtaja alə waa: pɩ. ⁴ N'asuko nɖee aɖa ɖaa arana ma aɖoo. Nɖee aboɖo asə alaŋ ma, na bashee nɩ ɩko waa: Alaa ʋɖaʋƒɛɛ gatəna laŋ naa bɛrɛ ba kə bawor, aƒʋ bawar na bashee nɩ gapɔɔ galamaka bʋyɛ bʋnyɩʋ kaaja. ⁵ Atine ashiiri ariutaja ma, na ŋŋuro yan ariutaja alə waa: pɩ, ŋkide ma, n'aəuko aɖono adoo. Nɖee asə alaŋ ma, aɖe tono nsərnyɛ agʋnyɛ nɩ. ⁶ Na ŋrəŋə ŋŋuro baja banan bagɩcuca ʋwələ ʋna lə waa: faŋa blee ɖeniye aɖɔŋkonɔ, n'afaŋa orji beriu ɖeniye aɖɔŋkɔnɔ; Ana, paa lee mbɔnɔ bʋshi na bʋkaŋnyem ka na. ⁷ Atine ashiiri anataja ma, na aŋŋuro yar anantaja aləwaa; pɩ. ⁸ ŋkide ma, n'asuko nɖee aɖa ɖaa aƒɔnɔ ma, aɖoo. Nɖee asə alaŋ ma, na shee nɩ nyɩɖa waa: bʋce, na bʋce kaaƒala gayala nɩ, na bashee nɩ ɩko waa: Akə gatəna kaasapɩ kəbɛrɛ, na gapɔɔ bʋyɛ bʋnyɩʋ kaaja, n'akɔmɔ, na gʋmaaŋga, ɩbɔrɩ baŋɔnja gboo bakə bɛrɛ gatəna laŋ. ⁹ Batine, ashiiri anʋntaja ma, na ŋŋə bɛrɛ ɩ babʋna akə pɩ a laa baŋŋuro Gaja kaalei laŋ na mbaɖee bana səriyar ma saraa kantomo kaŋəmə. ¹⁰ Baɖe batɩ kuro na lə waa: nɖiyar cɩrɩ cɩrɩ n'ɩjayar saa apaŋa n'ʋnaa cim na bɛrɛ ɩ baɖa antən ma səla atʋnyana ataba mbaɖee baƒʋr a takɔnɔ atən ma, ʋɖa. ¹¹ Na bashee pɩ ɩtoko bafɔnɔ baaŋana aja; na ba lə pɩ waa baƒəna na ŋʋra alʋwaatʋ cei kaja acəŋə, halɩ ba ba war ɩ basaa bakəpɩ boŋo nai ma, ɖaa ba kəpɩ baci ma. ¹² Nna kide ma na batine ashiiri akaloŋtaja; Na gatəna gatar níkashɩ paa, n'ʋshile ʋshee nkomo ajiu ɖaa ʋƒələ ɖono kɩsana, aŋɔrɔ ata kim daa akɔnɔ ma. ¹³ N'ɩŋɔrpi ɩwərə wərə a laŋ aƒəɖa atən ɖaa ƒɩɩgi kagʋyo gʋna kʋ naa kɩpi ɩbolo akala na ƒəɖa atən ma. ¹⁴ Nɖɩla ntɩŋcar kagʋlɔ ashɛʋ ɖaa ba na car gʋla mpəna; Abʋnɔ ɩtəbə kabʋɖu ɖaka. ¹⁵ Kasaa ɖe na ɖulinya nɩ kəbayarɩ, na kəbaŋono, isɔja kaɖi baja, batanja, ɩkashɩbaja, ba ɖɔmpla, na mbaɖee baɖa ashee balɔ ma, batɩ ba cuu na ƒərə abʋnʋ nɩ n'atakəwələ nɩ. ¹⁶ Naa ba naa lə abʋmʋ n'atakəwa waa: ɩkrə asiu pɩ, naa bapaa kɔɔ aŋə nɖee asə ŋyarɩboi nɩ na,na bapaa ŋəgaraŋkari kʋnyana na. ¹⁷ Aɖʋwaa: ʋnyana ʋmbʋbɔnɔ kushile ʋkpa ka gəŋ aŋa naa sera ayiɖe?