¹ Gani kaŋkəm,na nŋə Malaɩka banan ba yide dulinya ikalkʋɛ ɩnan nɩ ma; na bari gatəna gaŋunii ka gʋsərə, naa gʋpaa kɔɔ awu gatən laŋ na, gʋpaa kɔɔ awa teŋku laŋ na, gʋpaa kɔɔ awu gʋyo gʋɖən lan na. ² Na nŋə malaɩka aƒɔlɩ, aɖe tɩ boɖo ʋshile laŋ aɖe toŋo Gaja ŋŋuro yar ʋshɛmʋ; Na akuro n'wələ ʋbʋmbɔnɔ na ləɩnalaika ba nan mbaɖee bashee pɩ ganɔ waa ba lee gatəna na teŋku mbɔnɔ ma, na a lə waa: ³ Paa ma kana lee gatəna,nateŋku n'ayɔ mbɔnɔ na, halɩ gishɛmɛ Gaja abatəŋleeja babʋyɛ koko ri aboŋo naɩ ⁴ Na nrəŋ gʋrɩya ɩ ba shɛmɛ ma, ba ɖoo bɛrɛ uniili ɩshɩnyɩʋ n'nan, israɛl bapur bɩdimi baŋunii. ⁵ Yuɖaa aɖimi, ɩniili tən-na-banyɩʋ pɩ bashɛmɛ; Rubɛn a ɖimi, umili təb-na-banyɩʋ; Gaaɖɩ a ɖimi, ɩmiili təb-na-banyɩʋ; ⁶ Asɛr aɖimi, ɩmiili təb-na-banyɩʋ, nɛƒtalii aɖimi ɩmiili tən-na-banyɩʋ, manasee aɖimi ɩmiili təb-na-banyɩʋ; ⁷ Simeyɔɔ aɖimi ɩmiili təb-na-banyɩʋ; leƒii adimi, ɩmiili təb-na-banyɩʋ; Isakaarɩ aɖimi ɩmiili təb-na-banyɩʋ; ⁸ Sabul ɔɔ aɖimi, ɩmiili təb-na-banyɩʋ: Josɛƒ aɖimi, ɩmiili təb-na-banyɩʋ; bɛŋjamɛɛ aɖimi, ɩmiili təbna-banyɩʋ pɩ bashɛmɛ ⁹ Gana kaŋkəm, ntaa na kiɖe ma, na nŋə samaa abʋmbɔ no ɖǝn, ʋɖən kaasəra atʋr bagʋrɩya na, baɖe balee ɩsaamaa tuutuuma, ɩɖimi mana, bɛrɛa cəmə acəmə, ɩkrə ɩŋunii. Baɖe ba yiɖe Gaja kaŋyarɩboi na gaja kaaraŋkori baŋyu, akara ɩtoko baƒɔnɔ atoŋo apapi kabɔ banyɛ nɩ. ¹⁰ Baɖe batɩ shɩ ɩyyɩbubuɩ na kuro na lə waa: Atɩ nɖi nsono nɖoo na Gaja gasə ŋyarɩboi nɩ na Gaja kaaraŋkori ma sul. ¹¹ Malaɩka mana, na baŋono boŋono, n'aŋŋuro baja banan bayiɖe ŋyarɩboi sul, akur asiu atən bacəna laŋ alee Gaja bɔɔta, ¹² Naa alə waa: Ami! ʋshee sheʋ, n'ʋkʋmʋ, n'ʋyɔʋ, na nsala kʋsheʋ, n'ʋɖʋw nama, n'ɩko, n'ɩkashɩ, ɩɖa ashee Gaja nace nace Ami ! ¹³ Ŋkəŋ na ʋŋono ʋŋono ɖən ataba amʋ waa: bɛrɛ baɖe bakara nabaƒɔnɔ waa ma, bapaŋa pɩ gəŋ, na ŋka na ba ɖoo na ma? ¹⁴ Na ntələ ashee ni waa: Nɖiyar , akɩ yɔ kaa. na alə amʋ waa: bɛrɛɩ na wɩya abʋmbɔnɔ awəɖa ma na gəŋ, baƒʋga bitoko, naa acɔcɔ na gaja kaaraŋkori kakɔnɔ. ¹⁵ Galaŋ na basəra ayiɖe Gaja kaŋyariboi sul,batɩ ba na lee nɩ bɔɔta gajaka na gɩteŋshile agafala nɩ. na nɖee asə ŋyariboi nɩma, ataa siu pɩ na kələ pɩ. ¹⁶ Akɔmo kɩɩkɔɔ akə pɩ na, ʋtunyem kʋkɔɔ akəpɩ na, ʋshile kʋkɔɔ atɩʋ pɩ na , ŋjisʋɖa gboo kɩŋkə pɩ na. ¹⁷ Aɖʋwaaʋ: Gajakaaraŋkori ɩgaɖ ŋyarɩboi kagɩuca nɩ ma ataa naa paŋa pɩ na ce na ŋŋuro kabʋto sul, naa Gaja ga naa shɛr banyineko babʋyɛ laŋ.