¹ Na ŋŋə nɖee asə ŋyarɩboi nɩ ma, agʋnyɩsɔnɔ nɩ mbʋpa ba ŋɔn kancən na kaŋkə ma, na kʋr ɩnbʋpa nɖe na gaja kashiiri nana kulumi. ² Na ŋŋə malaɩka kashi yarɖən,aɖe tɩ kuro na lə n'ʋwələ ʋbʋmbɔnɔ waa: aŋasim ka waa ataasəra akʋɖa ashiiri atine mbʋpa? ³ ʋɖən amana alaŋ, n'atən, na galəna kalən aline mbʋpa akiɖe ncən. ⁴ Na ŋkara gako na yu paa, ɖaa ʋɖən kasim ataa səra atine mbʋpa kokoo akiɖe ncən na ma. ⁵ Ŋkəŋ na ʋnono ɖən a lə amrɩ waa: paa yu na: kiɖe Yuɖaa ka guuni nɖee alee Ɖaʋɖa abʋŋʋma nɩ ba kɔɔ na nɩ abəɖa ma,ajɩ caacaa anaa tine mbʋpa naa akʋɖa ashiiri mana kulumi ɖe. ⁶ Ŋkəŋ na ŋŋə ŋyarɩboi ka gɩ cɩɩca aŋŋuro baja banan na baŋana baŋana bagɩcɩɩca gaja kaaraŋkori, gaɖe ga da ɖaa bacee ƒʋjɩ ma. Gade gawəɖa ayʋlʋ kulumi n'ɩnyine kulumi, ɩnyine kulumi ɖe, ɩɖe lee gaja kaŋŋuroi atəm gatəna gaŋunii laŋ ma. ⁷ Na acə atɩ cam mbʋpa nɖe,nɖee asə ŋyariboi nɩ ma, agʋnyɛ nɩ. ⁸ Acam mbʋpa nɖe ma, na aŋŋuro baja banan na boŋono-baŋono bakur atən gaja karaŋkori kanyu,baɖe batoŋo ayʋlʋ ɩsɩnka naa atoŋo ɩkɔɔpʋ wura kəbaja ɩtʋlaanɩ baɖe ba rŋə ncən, ɩtʋlaarɩ ɖe nɩ gəŋ ʋnyiŋu ɩ cɩrɩcɩrɩ kəbɛrɛ ba na nyiŋŋə ma. ⁹ Baɖe batɩ yiɖa ntulo nƒɔli waa: ʋsim acam gʋbɔ naa akʋɖa ashiiri mana bakʋr ma; Aɖʋwaa: ba ƒʋ akɩ n'ʋtɔɔ akakɔnɔ ashɩ na bɛrɛ,ɩɖimii, ɩkərə ɩŋunii, isamaa baŋunii, arɛkərə ɩŋunii;ashee gaja. ¹⁰ N'ʋtɔɔ pi apra basaraalaaja kəba yarpɩ ashee gaja, naa ba ɖa gatəna laŋ. ¹¹ Ŋkɔɔ ataa aŋgayɛ na kiɖe ma, na nrəŋə ɩmalaɩka tuutuuma bɩ wələ, n'aŋŋuro baja, na baŋono baŋono uniili akulo akulo, kə ba səra atʋr bagʋya na. ¹² Baɖe ba tɩ lə n'ʋwəle ʋbʋmbɔnɔ waa: Garaŋkariɩ baƒʋ ma, asim acam, ʋkʋmʋ, ɩkashɩ, n'ʋyɔʋ, na ŋyɩɖa kʋɖʋw, n'ʋsheeshee ʋ ¹³ N'ayɔkɔ ɩ ɩshiɖa alaŋ na gat əna laŋ, na gatəna katən na təŋku nɩ, na bʋkɔɩ bʋɖa ɩŋunii ma, nrəŋə ɩlə waa: Nɖee asə ŋyarɩboi laŋ ma na garaŋkori bajie ʋkʋmʋ, ŋyɖakɖʋw, n'ɩkashi bʋjabʋja! ¹⁴ Na ŋŋuro baja banan ba tələ waa.ami! na baŋono-baŋono bakur atən alee nɩ bɔota.