¹ Na maa maa ci bʋmbɔnɔ ɖən aɖoo n'ɖəla nɩ: ʋsəmprə ɖən ʋshile ɖe par nɩ ɖaa ŋkɩro ma, aŋɔrɔ ɖe ɖa ɩkei nɩ nyarɩfu ɩŋɔrpi təb-nɩ-nyɩʋ kaŋja nɖe ntən anɖi laŋ. ² Aɖe ɖa na ncəna, na bʋŋʋma bʋri nɩ, aɖe tɩ rəŋə bʋŋʋma kaayoro. ³ Na maa maaci afɔlɩ ɖən a kɔɔ aɖoo nɖəla nɩ; abɔrɩ ɩ ana shem ʋtonu bana yiɖa waa: Đragon ma arana, aɖe wəɖa aɖi kulumi n'ayʋlʋ təb, anɖilaŋ bayarɩ baɖambana aɖe rəm. ⁴ Na atɔɔ agɩshelu aƒʋr atən. n'abɔrɩ ɖragon ɖe ace atɩ yiɖe ʋsəmprə ana yɛɛ anyʋm ʋpi ma, aŋyɩɩ, nasaa ʋsəmprə ata nʋm, akur ʋpi ɖe kpaarɩ. ⁵ Na aŋʋm ʋpisoro, ʋpisoro ɖe, anaa naa paŋa ɩsamaa baŋunii n'ʋrukutɛmʋ. Na ba mama ataa ʋpi ɖe ace na Gaja sul, na ce na nɩ aŋyarɩboi laŋ. ⁶ n'ʋsəmprə ɖe acu ace ʋteru ni, gaɖuu Gaja gacee akpeɖe ashee nɩ ma, na aɖa ŋkəŋə ba naa ɖəʋ nɩ halɩ ishile miili-nawanyɩʋ n'ɩshile ɩshiriu. ⁷ Na gʋtana gʋta alaŋ nɖəla nɩ. Malaɩka nɖee bana yɩɖa waa: Mikaɛl ma, aɖen na abaja, baɖe batɩce gʋtara na ɖragon, na ɖragon n'abaja ba ni gboo ba ɖe ba ti cə gʋtara na mikaɛl. ⁸ Ama ɖragon n'abaja ba jɩ pɩ gʋtara kəbakɔɔ atɩ ŋə gaɖuɖaka alaŋ nɖəla nɩ na. ⁹ Na ba pikil ɖragɔɔ abʋmbɔnɔ ɖe, ʋbu ɖooɖoo ɖo ka jaɖe, ʋri na ba na yiɖa jini kokoo ɩlɩlɩm yaa shedaanɩ, nɖee ana paa paa gatəna gaŋunii ma, na ba pikil pɩ aɖen na ɩmalaɩka mana ba rgə gatəna laŋ. ¹⁰ Na nrəŋə ʋwələ ʋbʋmbɔnɔ ɖən ʋɖoo na laŋ alə waa: ŋyəmə nɖi nsono nkpa, naa ɩkashɩ, na gaja kagɩyarɩ n'ɩko aɖe nna akristo: Aɖʋwaa: bapiki nɖee ana ciu na atɩ basoro gaja kaŋyu gɩshilekɔnɔ na gɩjibɔnɔ nma, abəɖa. ¹¹ Baji nɩ caacaa, Gaja kaaraŋkari akɔnɔ na galeiɩ batoŋo na laa səriya ma laŋ, ba bla kəba aɔlɔ baŋuro na kə ba sɔlɔ baŋuro na kə cuu bʋce na. ¹² Ga laŋ, alaŋ ɩɖa ʋcɩŋkərka nɩ, mbaɖee baɖa alaŋ ma gboo. Nɖi nci ka ashee gatəna na teŋku! Aɖʋeaa sheetaanɩ argə anyɩnasul n'ʋnyana ʋbʋmbɔnɔ, aɖʋwaa atʋwaatʋ kakɔɔ ayɔgɔ na. ¹³ Đragɔ ɖe aŋə waa: ba pikil nɩ abɛɖa gatəna laŋ ma, na atən ʋsəmprə nɖee aŋʋ ʋpisoro ma, aŋkəm. ¹⁴ Na ba shee ʋsəmprə ɖe asaʋ abʋmbɔnɔ apra ata gɩsaʋja aca ʋteru nɩ gaɖuu ba cee akpeɛ ashee nɩ aɖa nŋkəŋ ba naa ɖəʋ nɩ, alʋwaatʋ kalʋwaatʋ n'alʋwaatʋ kaŋsaʋ ma,aɩŋ n'ʋbu ɖe. ¹⁵ N'ʋbuɖe awaaga bʋto ɖaa ntubɔlɔ mbʋmbɔnɔ ma, ʋsəmprə ɖe aŋkəm, na yɛɛ waa bʋtobʋjɩ ʋsəmprə ɖe. ¹⁶ Na gatəra gapaɖa acam ʋsəmprə ala matən amən ntubɔlɔ mbʋmbɔnɔɩ ɖragɔɔ awəgə na yɛɛ na yɛɛ waa bʋkulo ʋsəmprə e ma. ¹⁷ Nadragɔɔ acm n'ʋsəmprə ɖe ʋnyana, naa ce atɩ cə n'ʋsəmprə e abʋŋʋma kəbɛrɛɩ basaa atoŋo gaja kaalei na Yeesu asərɩ ya kʋlaʋ ma ¹⁸ gʋtara