¹ Na ace atɩ yiɖe teŋku kagɩyɩkɩɖɩ laŋ. na ŋkɔɔ aŋə abɔrɩ ɖən aɖoo teŋku nɩ ma, aɖe wəɖa aɖi kulumi n'ayʋlʋ təb, ayʋluɖe laŋ ayarɩƒu təb, adi kulumi ɖe laŋ baɖe ba ŋɔn ŋyiɖa nɖee nna ƒʋ ɩsəi ma. ² Abɔrɩ ɖe nŋə nŋə ma, aɖe da daa atabuyarɩ ma, anaŋa ɩɖe ɖa ɖaa abɔrɩ ɩba na yɩda waa: ursɩ ma, aganɔ gaɖe gaɖa ɖaa guuni aganɔ ma. Na ɖraagɔɔ ashee nɩ ɩkashɩ na aŋyarɩboi, n,ɩko ɩbʋmbɔnɔ. ³ Na nŋə anɖi nɖən, nɖe nɖa ɖaa bakənji nci ma: Ama ɖaa bakəŋjɩ bʋce ma, kanyʋŋkɔ nci. na gatəna gaŋunii kəbɛrɛ batər abɔrɩ ɖe aŋkə na jɛlɛ nɩ. ⁴ Naa naa lee ɖragɔɔ ɖe bɔɔta na lə waa: ashee abɔrɩ ɖe ɩko; baɖe bate abɔrɩ nɖe gboo bɔɔta na lə waa: aŋa ƒanaka n'abɔrɩ nɖe aŋa naa sərs acəna nɩ gʋtara? ⁵ Na ganɔ gapɩ ashee nɩ ɖaa arɛ ma, abɔri ɖe aɖe tɩ kʋma aglɔ, naa naa ƒʋ ɩsəi; Bashee nɩ gana alee gəŋ halɩ ɩŋɔrɔ ɩshinyɩʋ ni nyɩʋ. ⁶ Aɖetɩ ŋana aganɔ a lə bʋlei na kiɖe Gaja fɔɩ na lim Gaja kaŋyɩɖa, na Gaja kaaɖu ɖaka na mbaɖee baɖa Gaja su alaŋ ma. ⁷ Na bashee nɩ ganɔ acə na cɩrɩ cirɩ kəbɛrɛ gʋtana, naa ajɩ pɩ gʋtana.Na bashee nɩ ɩko ɩɖimi baŋunii laŋ, ɩsamaa baŋunii laŋ n'arɩəmə laŋ. ⁸ Ŋkəŋ na, bɛre ɩ bada gatəna laŋ naa kəba ŋɔn bayɩɖa doo ɖulinya ʋsəbʋ nɩ ŋŋuro kagʋbɔ na gaja kaaraŋkori ɩ bafu ma, baŋunii baɖe bate lee abɔri ɖe bɔɔta. ⁹ Arɛ ɩ awəɖa atɔ ma, arəŋə gɩshɛebɔ. ¹⁰ ɩta ji waa: ida waa batɩ ba kə ʋɖən na gapɔɔ shee bakənɩ. Nnyəmə na cɩrɩ cɩrɩ kəbɛrɛ bakara gayɛ atoŋo gɩshɛbɔ awəda ʋcine. ¹¹ Ŋkəŋ na ŋkɔɔ abɔrɩ ɖən aɖoo na gatəna nɩ, aɖe wəɖa ayʋlʋ ɩnyɩʋ ɖaa nraŋkoro ma, naa naa lə bʋlei ɖaa ɖragɔɔ ma. ¹² Aɖe wəɖa abɔrɩ asəbaka a ɩko aŋyɩɩ, aɖe tɩ lee gatǝna gaŋunii kəbɛrɛ, baɖe batɩ lee abɔrɩ asəbaka ɩ awəɖa ɩnnyʋŋkɔ bʋce kaŋja naa nnyʋkʋ nɖe nci ma bɔɔta. ¹³ Aɖe tɩ lee maamaa ci kalesʋra nabiti kalesʋra, na lee ʋtonu ʋde tɩ rgə nɖəla nɩ alaŋ na pɩ gatəna laŋ, na pɩ gatəna laŋ,bɛrɛ bade batɩ kiɖe. ¹⁴ Ade tɩ too ɩ abɔrɩ asəbaka ashee nɩ nalee na maamaaci kalesʋra na paapaa na gatəna laŋ kəbɛrɛ baŋunii abɔrɩ ɖe aŋyɩɩ, na lə bɛrɛ baɖa agatənaaŋn ma waa: ba cə ncitomo nɖoo ɖaa abɔrɩ ndee awəɖa bʋce kanyʋŋkɔ ɩ ba kə nɩ na akɔɔ aɖa ŋŋuro nɩ na. ¹⁵ Na ba shee nɩ ganɔ a lee ncitomo nɖe nlə bʋlei, naa ncitomo nɖe nlə bʋlei, naa mbaɖee kə ba na ee ncitomo nɖe bɔɔta na ma bakəpɩ ba cii. ¹⁶ N'abɔri ɖe bɛrɛ, bapɩ laŋ baŋoro laŋ, bataŋja, bashɛrɛ, baɖɔ mpəla na mbaɖee baɖa ashee ba ɔ ma, bacam lamba banyɛsono na babʋyɛkokori laŋ. ¹⁷ Kasaa ɖe arɛ nɖee kawəɖa lamba ɖe na ma, karɛ kaashi na kaa yala na, na kawəɖa abɔrɩ ɖe alamba na, lamba ɖe ʋnina gəŋabɛrɛ ɖe aŋyiɖa. ¹⁸ ɩsim gɩ ʋyɔʋ, arɛ ɩ awəɖa gʋƒaŋa ma, alee ŋkɔnta abɔrɩ ɖe aŋyɩɖa.Aɖʋwaa: arɛ ɖən aŋyɩɖa ŋjɩ na ka gʋ ya 666 ɩkoloŋ, koloŋ, koloŋ.