¹ Na bashee amʋ gɩpɛ gɩƒaŋa ka nama, na ba lə amʋ waa. kʋla atɩ faŋa Gaja kaafala na sanaa kantomon na bɛrɛi baɖa nalee bɔɔta ncən ma. ² Ama, paa faŋa kʋɖɛɖɛ nɩ na, pala kanɖɔŋka, paafaŋa ŋəŋ na, aɖʋwaa ba pal gaɖu gaɖe jɩ ashee mbaɖee kə yɔ Gaja na ma, naa ba nyɩ cɩrɩ cɩrɩ kampa hatɩ ɩŋɔrɔ ɩshɩnyɩʋ nɩ́nyɩʋ. ³ Ntɩ ma shee amasəriya baja banyɩʋ ɩko batɩba kara ɩkotoku balɔlaŋ naa ba naa lə annabi mana babʋlei, ɩshile miili n'aawanyɩʋ-nɩ shɩriu. ⁴ Sərɩya baja baɖe pɩ gəŋ oliifʋ kayo ɩnyɩʋ na wura kɩfɩtɩ la kɩkalʋɛ ɩnya nɖee ɩɖa gatəna gaŋuni kɩ̀ko yar aŋyɩɩ ma. ⁵ Ʋɖən ata naa yɛɛ alee pɩ mbɔnɔ, ʋtanu ʋtonu ʋɖe ɖoo ba bʋnɔ nɩ ashɩ kəbɛrɛ, ʋɖən ata naa yɛɛ na pɩ mbɔnɔ, gəŋ ce ba na kə karɛ acii. ⁶ Bawə ɩko batɩ ba səra arim nɖəla ʋto apaanyɩ na halɩ ba annabi katəŋlee ka kɩshile; ba wəɖa ɩko batɩ ba səra aƒʋba bʋto bʋpra akɔnɔ, naa ba pala anyʋŋkɔ asʋra ɩrgə gatəna laŋ ɖaa basɔlɔ ma. ⁷ Bata laabasəriya aboŋo, abɔrɩ nɖee aɖoo gʋkulu nɩ ma, ataa cə n'apɩ gʋtara, aji pɩ, akə pɩ ba cii. ⁸ Naa baŋkompa ɩjel mpa mbʋmbɔnɔ kagɩcɩɩca, mpá nɖe kaŋyiɖa kashiri na gəŋ waa: saɖɔɔm na ejibiti. gaɖuu bakal banɖiyar ŋkura laŋ ma. ⁹ Naa ɩsamaa nɩ kəbɛrɛ, ɩdimi mana, ɩkrə tuutuuma, bɛnɛ asɔra asʋra, batɩ ba da na jɛlɛ bakompa halɩ ɩshile ɩriu na gʋsaʋ, kə ba tələ baƒun pɩ na. ¹⁰ Balaŋ ɖulin nɩ kə bɛrɛ batɩ ba ɖa ʋjaŋ ʋbʋmbɔnɔ n'ʋciŋkənka nɩ, naa ba lee ba ear gʋjɔɔ, aɖʋwaa: annabi banyɩʋ baɖe ba pala ɖulinyani kəbɛrɛ baji ɩshɛɩ yɔgʋʋ. ¹¹ ɩshile ɩriu na gʋsaʋ kaŋkəm, ŋŋuro ntɩ nɖoo na Gaja sul apɩ ashee pɩ, naa bakɔɔ aŋənə ata ayiɖe bɩ kei laŋ; naa asampəna ɩbʋmbɔn ɖən ɩkpa mbaɖee ba yi ɖe na kiɖe pɩ ma. ¹² Naa ba rəŋə ʋwələ ɖen, ʋlə pɩ waa: boɖo ma, atɩya! naa ba boɖo alaŋ nɖəla nɩ, bíbɛrɛ mana baɖe yiɖe na ŋə pɩ. ¹³ Kasaa ɖe na gatəna gatar n'ɩkashi, naa apà ka kpala təb ɩƒəɖa; bɛrɛ umiili kulumi ba cii gatəna kʋtar ɖe nɩ, ŋkəŋ na, mbadee basaa ma, ba cuu Gaja ga ɖa alaŋ alaŋ ma, na kʋma ni. ¹⁴ Nɖi ncika nnyɩʋtaja nƒəl, nriutaja ntʋna pɩ asəla. ¹⁵ Malaɩka kulumi kaja asɩn agʋyʋlʋ ma. na ɩwələ ɩbʋmbɔnɔ ɩlə waa: dulinya aŋunii kagɩyarɩ ba kɔ naji a shee ɩko yar na nɖɩyar Yeesu-kristo; anaa ji gɩyarɩ gɩɖe bʋja bʋja. ¹⁶ Ŋkəŋ na baŋono ɩ ba sə ba yarɩboɩ nɩ Gaja kaŋyɩɩ ma, ba kur atən bancəna laŋ alee Gaja bɔɔta. ¹⁷ Na lə waa: gɩtɩ kʋshɩ ɩŋunii yar akɩɩ ʋɖa naa acee ɖa ɖaa ʋtɔɔ akɩkashɩ ɩbʋmbɔnɔ acam na gɩyarɩ ma. ¹⁸ Ɩsamaa ba taa akalaakaarɩ nʋcam na pɩ ʋnyana, nnyǝmǝ alʋwaatʋ akpa acim na bakono baŋunii ɩkǝma naa sǝba akǝbatǝnleeja annabi mana na mbaɖee ba lee cɩrɩcɩrɩ kabɛnɛ bapi na kǝbaŋono, naa aɖur mbaɖee ba na ɖur gatǝnama. ¹⁹ Na ba tine ʋnyiŋu kaaƒala alaŋ kaaja, alaŋ kaaja nalɩkawɩlɩ kaɖakaa aɖoo ʋnyiŋu kaafala ni. Gaɖu gaɖe gatɩ mɩlɛ milɛ ara asʋʋva aʋra ɩɖe tɩ kuro gatǝna gaɖe gati tar acitalʋʋ iɖe tifǝɖa .