ATCHAMADO_BEN-aug_dan_text

Ǝta 5

¹ Ǝfiɔ̀ Belschatsar bɔ́à àmə̀wò sìgbə̀ sakìɖəká ə̀nə̀, íwò nù aha dədú. ² Kə̀ Belschtsar nù aha à jrɔ́a, ə̀cɔ́ cìká kɔ̀fù kídé əho kɔ́fú kə yé dàdá Nebucadnetsar ɖə̀ɖò lə̀ Jerusalem yé ɖəxoxɔ́à mə̀, nə̀ yé kídé yé kàmətíwò, kídé àsìàwò nán lə́ zán. ³ Í wó cɔ́ kɔ̀fù nùcì ciká tɔ̀a kə wò ɖə̀dò lə̀ Mawu yé ɖəxóxɔ̀mə lə́ Jerusalem í tɔ́ zànzàn. ⁴ Wòlə́ nù ahà, í lə́ dòjìjɔ́ nə̀ wò vòdú kə wócɔ́, cìká, gajɛn, gakpo kídé atí wò sə mɛn a wò. ⁵ Gaŋnán mə án, amə lɔ́vi wò zə̀ lə wó ŋ̀kùvìmə, í lə́ xrɔ́nu də́ əfiɔ́ yé gli kə̀wò sì akàlò də̀à, əfíɔ́ kpɔ́ alɔ̀vía sìgbə́ ílə̀ xrɔ́n nù à. ⁶ Zəɖə̀ká à, əfíɔ̀ yé nɔ́nɔ́n mə̀ trɔ́, í yé sùsù càkà; yé rànmə̀ gbɔ́jɔ́, í yé fɔtíwò lə̀ kùkù. ⁷ Ǝfíɔ́ dáxá siɛnsiɛn bə wòa yɔ́ ə̀nùmə̀ jrokpɔ̀ wò, Chaldeéns tɔwò kídé Mawu mə̀ nù nyanlàwò vá nə̀ yé, í ì lə́ nù nə̀ Babylone yé ɖaŋɖəlawó bə́: amə̀síamə kə latə̀ŋ rɛ́n nù àn, í ɖə̀gɔ̀mə̀ án, yèa cɔ́n lókpó nə́, í cɔ́ ciká cɛnnì də̀ kɔ̀nə̀, í a nɔ̀n tɔ̀kɔ́ ànɔ̀ntɔ̀n à tɔ́ lə́ tiŋun fíɔɖùxò à mə̀. ⁸ Amə̀ kə̀ í yɔ̀ wó vá, vɔa àmə̀ ɖə̀kɛ́n ŋ́təún lə́ rɛn nu a, í ɖəgɔ́mə nə́ o. ⁹ Ǝ̀nù ŋ̀nàn wó gbə nàn bə́ vɔ̀nvɔ́n jí əfíɔ̀ Belschtsar, í yé nɔ̀nɔ̀n mə̀ gbə̀ trɔ̀, í yé camì wò lə́ bùtàmə̀. ¹⁰ Tówó nùxò ò mə àn, əfíɔ yé sìà dóvà wò gbɔ́, í lə̀ nùnə́ wò bə́, əfíɔ́ nán nɔ́n agbə tɛ́gbɛɛ! Bə́ yé sùsu ŋ́kà càká o, í ŋ̀kà gbɔ̀jɔ́ o! ¹¹ Lə̀ tɔɔ́ fíɔ́ɖùxò mə̀ àn, àmə̀ ɖə̀kà lɛ́ kə Mawu yé gbɔ̀gbɔ̀ lémə̀; í lə̀ tɔɔ́ dàdà gamə̀ án, ə́ɖə̀ nə́ ənú wò gɔmə̀, í nyánŋnù, í yé ŋ́nùnyànyàn bə̀yaà sɔ̀ kídé Mawutɔ́. Ǝfíɔ́ Nebucadnetsar kə nyi tɔɔ́ dàdà, cɛ́n, í yé í kpácɛ́ nə́ ə̀nù ɖəgɔ̀mə̀ tɔ̀wɔ̀ seéé. ¹² Ǝ̀nùkəŋ́tí wò kpɔ́ sígbə́, Daniel kə́ əfiɔ́ nan ŋkɔ́ bə̀ Beltscatsar yé nùnyan wùgàn ámə wò, əló dódó wò kídé nə́ ə̀nyɔ́n bíɔ̀sə́ ɖə́ sɛń ŋún án yé í kpɔ̀nɔ́n ɖòŋ̀tí à. Kə̀ ì nyì ənə́ an, wòa yɔ̀ Daniel à và nə́ avà ɖə́ ənu wò gɔmə̀. ¹³ Í wò kprɔ Daniel va ə̀fíɔ́ gbɔ́, í ə̀fíɔ lə́ biɔ Daniel sə̀ bə́: əwò í nyí Daniel àmə̀ xrə̀nxrə̀ wò dòmə̀tɔ ɖə̀ká kə có Juda, í tiŋún dàdà kə nyì ə̀fíɔ& a kprɔ́cóJuda? ¹⁴ Ŋ̀sə̀ bə́ Mawu mə̀ nùnyan sùàn sí o, i ə̀tə ŋ́ kɔ̀ nə̀ ə̀nùmə̀. ¹⁵ Wó kprɔ́ ŋ&nú nyántɔ́ wó kídé əcɔ́mə kpɔ́tɔ̀ wo vá ŋ́ vɔa wóteŋ rún ənú kəwó wova ŋ̀, vɔa wóteŋ rún ənú kəwó xrán ɖɛa nə wóa ɖə gɔ̀mə o. ¹⁶ Ŋ̀sə̀ bə́ aá təŋ́ ɖə gɔ́mə ŋ&, í wɔnàn kə lə́ ŋ́ a seé a təŋ́ nù ŋún, í nə́ ətə́ ŋ án, mán nán wò awù wó kídé ciká xɔrɔ́ í mán cɔ́wo də tohó amɔntɔ́n tɔ lə ə́fɔ ɖuxó a mə. ¹⁷ Daniel ɖóŋ́ nə́ əfíɔ́ bə́: nyi ŋún hián tɔɔ́ nú ŋnán wó, cɔ́wò sə̀ nán amə bùwò, vɔa nyan mán rún ənù an, í ɖə gɔ̀mə nəwo. ¹⁸ OÓ, əfiɔ́ Mawu nán tɔɔ́ dàdà Nebucadnetsar, əfíɔ́dùxó ganŋ́gan kə̀ jí ɔ́n án. ¹⁹ Ŋ́nán ŋtí, dukɔ́wo, aməwó kpɔ́nə́sí, ì də̀nə́ tàgù nə́. Ǝ̀wú nə́ aməwó sígbə́ i& jróé, əwɔ̀ nə́ ənù kə ŋ jə́a wó. ²⁰ Kə́ yé jimə lə́ sɛn, í lə́ wɔ́ ənù kpotókpó a, wó nɔ́ fíɔ́duxo a ləsí, í ɖíɖí yé ŋsɛn, ²¹ Í wo nyɛn lə amə wó mə, í ì vɛ́ nɔ́n əgbémə kídé əranwó, i lə́ dùgbə sígbə́ làláwo ənə́, í ahu janə́ də̀jí yé ŋ̀tá vàdə́ dəsì Mawu ɖəká lɛ́ í kpàcɛ nə́ ənu wò séé, í yé í cɔ́nə́ amə kəjroé ɖù fíɔ à. ²² Ǝwò, Belschatsar, kə́ nyì əvìa, ŋ̀kɔ ɖəkío dəji o, vɔa əzàn yé nù wò. ²³ Ŋ́dó bùbù Mawu ŋ́ o, ə̀zán yé mì wò kewò cɔ́ va nə́ wó a kídé tɔɔ́ cámi wò, asìwò wó, tɔɔ́ hùn mə wo, əsɛ́n anyigbabjì Mawu wò, kə̀ nyì, atíwo əkpə́wò, cìká wò, əgàwò; ŋ́nán wò seé nyì ənù kùkú, wó ŋ sənə́ ətó nu o, wòŋ kpɔ́nə́ ŋ́nù o, í əgbə́ Mawu kə tɔɔ́ agbə́ yé lɔ́mə̀ a ɖɛ́. ²⁴ Yé ŋ̀tí, í cɔ́ alɔ́ ŋnán rún nù ɖiɖà wò. ²⁵ Kpɔ́ ənù kəwò xrán ɖíɖá wò a: rún, rún, jré, jìjə́, mɛɛ́n. ²⁶ Ǝnyɔ́n ŋnán wó gɔ̀mə̀ í lə́ nyi bə́: Mawu rún əxó nə̀nə̀ kə éwɔ̀lə zikpì à jìa, í nù bə́ tɔ̀wó vɔ. ²⁷ Jré: wò jré kpɔ́, í ŋ́gbə́ ɖó kpɛnkpɛn ɖəkɛn o. ²⁸ Mɛɛ́n: tɔɔ́ fíɔ́ɖuxo a lá mán də̀ və, í akpàɖəká lànyì Mèdes tɔ̀wotɔ́ í əvə̀ àtɔ́ là nyí Peres tɔ̀wòtó. ²⁹ Zəɖəká, ənán gbə̀, í wò cɔ́n fíɔ́ kùkù nə́Daniel kidé cìká cɛni wò də̀ kɔ nə́, í wò dògà bə́ yé í tòhó amɔntɔ́n a tɔ́ nunɔ́n là lə́ ə̀fiɔ́ xoà mə̀. ³⁰ Lə̀ əzán ŋnán məán, Belschatsar, Chaldéens tɔ̀wò fíɔ́, kù. ³¹ Darius, Mède xɔ̀ əfíɔ́ zikpì a, kə yé xò lə̀ nyì kàkítákpòcìvə̀.